EFESI 6:13 - PATHIAN LEKHABU IRTHIANG C.L. Bible (BSI)

¹³ Khasikin, Pathian râltukfam irkip khan irbel unglân, nikho saloi a tung tika râl kha khâl khak thei nin ti, nin khâl zoia khom ngîr mai thei nin ti.

EFESI 6:13 ပူးပေါင်းရင်းမြစ်များ

2 KORINTH 10:4

Kin râlhai doinaa kin ihmang râlthuamhai chu rammual râlthuam ni maka, Pathian râlthuam irnak nei a ni ual; ama kha kulpui det takhai siana’n kin hmang ngai. Irsêlna dik loihai kin inboia;

LUKA 21:36

Kha thil zuang tung hranghai tuang suaka, Mihriam Nâipa makunga nin ngîr theina hrangin itiklai khomin irngaitua’n chongchai roi,” a tia.

EFESI 5:16

Zoro sano taka om ei ni sikin nin zoro kha hmang insa roi.

LUKA 8:13

Lungpherpha chunga tâk kha, an inhriat zôi le thu kha lôm taka pom tâkhai hi an ni; khannisianlân, irzung la maka; zoro sôtnote chu an iam tâka, inthêmna an tong viat le chu an tûk nôk zôi ngai a ni.

THUPHUANG 3:10

Diarna thu nang ki pêk hi ni zôm sikin, irnêng chunga mihai fia hranga rammual pumpui chunga fiana zoro zuang tung hranga irthok khomin nang inzôk sa ki ti.

KOLOSA 4:12

Epafra, nangni mi, Krista Jisua suak hin chubai nangni a mûk. A chongchai rikipin det takin nin ngîra, nin hong puihlinga, Pathian nuamlam anga iamtu tak ni theina hrangin sathnem irngai takin nangni a ngên pe ngai a ni.

MALAKIA 3:2

“Khannisianlân, a zuangna nikhuaa khan tu mo om thei hranga? Ama a zuang inlang tika chu tu mo ngîr ni? ama fiana mei ang le puan sôptu sabon ang a nia;

THUHRILTU 12:1

Ni vânglai hin nang a siamtu chu inhre mai ro, nikhua saloihai a hong tung mân le, ‘Lômna rêng rêng nei ma ung e,’ ni tihna hrang kumhai a hong nâi mânin;

EFESI 5:6

A nêp ang tianga kha thil insîrtuhai khan nangni huang no ri sehai, kha thil sika khan Pathian ningmurna kha taksônloi mihai chunga a itung hrang a ni!

THUPHUANG 6:17

An ningmurna nikhua ichiom tak kha a itung tâk kêng, tu mo ngîra doi thei hrang?” an tia.

AMOSA 6:3

Nangni nikho saloi hlataka sia le nunrông toina innâitirtuhaio,

ROM KHUAA MIHAI KUANGA TÎRTÔN PAULA LEKHATHON 13:12

Zân hi a boi vâng vâng tâka, khua a ivâr hrang a ni ta; khasikin izînga sintho chu pai inlân, vâr irbelin irbel ta ei ti.

JAKOBA toc2 JAKOBA 4:7

Khasikin Pathian kuang irpelût unglân, Diabola chu doi roi, khanchu nangni rotsan a ti.

1 PETERA toc2 1 PETERA 4:1

Krista’n taksaa a tuang sikin nangni khom khaang lungrîl kha irput roi; tukhom taksaa tuang tâkin chu sual a mâksan ta.