EFESI 6:11 - PATHIAN LEKHABU IRTHIANG C.L. Bible (BSI)

¹¹ Diabola nangni inthêmna hrang nin lei khâl theina hrangin Pathian râltukfam irkipin irbel roi.

EFESI 6:11 ပူးပေါင်းရင်းမြစ်များ

NEHEMIA 4:13

Khasikin kul siatna ar hnuaina lai taka, hmun irthôlna taka mipuihai chu an in sûng mia irpâlin, an khandai, an ufeihai, an thal ngulhai chôiin irbîk hmun an zonga.

MARKA 13:22

Krista dol le deipu dol an la suak hrang sikin, Pathian mi irthianghai ten khom an theiin chu an huang theina hrangin sin irkhêlhai le thilirkhêlhai khom tho an ti.

ROM KHUAA MIHAI KUANGA TÎRTÔN PAULA LEKHATHON 13:12

Zân hi a boi vâng vâng tâka, khua a ivâr hrang a ni ta; khasikin izînga sintho chu pai inlân, vâr irbelin irbel ta ei ti.

ROM KHUAA MIHAI KUANGA TÎRTÔN PAULA LEKHATHON 13:14

Rengpa Jisua Kristaa khan irbel lem unglân, nin taksa irzukna puiinhling hrangin ite irsiam no roi.

1 KORINTH 10:13

Fiana nin itong hen hi mi tong ban om ual mah. Pathian chu iam a oma, ni tuang thei bana irkhêl fiana nin chunga intungtir no ni, nin doi zoi theina hrangin fiana hong tung laiin lôitheina lampui nangni siam pe a ti.

2 KORINTH 10:4

Kin râlhai doinaa kin ihmang râlthuamhai chu rammual râlthuam ni maka, Pathian râlthuam irnak nei a ni ual; ama kha kulpui det takhai siana’n kin hmang ngai. Irsêlna dik loihai kin inboia;

2 KORINTH 11:3

Nin lung sûng kha hong siatin Kristaa nin irpêkna rikip le irthiang kha marak nin ti, ti ki ichi a ni, khaang khan Evi kha mirûl butdi milak khan inthêmin a iom a ni.

2 KORINTH 2:11

Setana’n ei chunga zoro’nchum a hmu loina hrangin; a tumnahai ei inhriat chian sikin.

2 KORINTH 4:4

Hi rammuala pathian saloi khan an milung inchong inthima a sia pehai sikin an iiam loi a ni. Krista, Pathian angna neitu roiinpuizia Thurchi sa vâr an chunga zuang inlang kha an hmu loina hrangin an mit a incho pehai a ni.

2 KORINTH 6:7

thutak kin insîrna sikin le Pathian irtha sikin. Mi doina hrang le keini ir-enkolna hrangin felna kha tukfamin kin nei ngai.

EFESI 4:14

Khanchu, mihriam vârirlethaiin, an minlakna hmanga ihuanga omin, irchûna dikloi sika tuilian isok le phâivua’n hi tiang so tianga a isok le a isêm nâipang siat ang hi ni no roi.

EFESI 4:24

thutaka suak, felna le irthiangnaa Pathian anga siam, mihriam thar khan, irbel roi.

EFESI 6:13

Khasikin, Pathian râltukfam irkip khan irbel unglân, nikho saloi a tung tika râl kha khâl khak thei nin ti, nin khâl zoia khom ngîr mai thei nin ti.

KOLOSA 3:10

Mihriam thar khan nin irbel tâk sikin; Pathian inhriat infel hrangin kha mihriam thar kha a siamtu anga om hranga siam thar mai a ni.

1 THESALONIKA 5:8

Eini chu sûna mi ei ni sika hin iamna le lungthungna rôppho kha innghâkin, saninhring sabeina kha lukhuma hmangin irtûng chianin om ei ti.

HEBRAI toc2 HEBRAI 7:25

Khasikin amaa Pathian kuanga honghai chu atûn le itiklai khomin a saninhring thei, anni ta hranga Pathian kuang ngên pe hrangin kumtuangin an hring mai sikin.

JAKOBA toc2 JAKOBA 4:7

Khasikin Pathian kuang irpelût unglân, Diabola chu doi roi, khanchu nangni rotsan a ti.

1 PETERA toc2 1 PETERA 5:8

Irngaitua unglân, irdîn roi! Nin râl Diabola kha, kâmkeibaknei inrûm ngai angin fâk hrang zongin a chai ngai.

JUDA 1:24

Tûkloi hranga nang enkol thei chu, a roiinpuina makunga sêlna boi le raiinfân tak taka nangni inngîrtir theipu,

THUPHUANG 12:9

Khanchu, dragon lianpa, rûlpui tar, Diabola le Setana an iti, rammual pumpui inlemtu kha an paithâk ta. Irnênga an paithâka, ama vântîrtônhai khom an paithâk sa.

THUPHUANG 19:20

Sahrâng kha an chela, deipu dol, a mit hmua sinirkhêlhai sin ngaipu kha an chel saa. (Kha sinirkhêlhai sika khan sahrâng irsinsiana neihai le a’rlim chubai mûkhai kha a ihuang ngai a ni). Sahrâng le deipu dol kha an ruaiin an hring pumin kâta kâng mei laia khan an paithâk tâka.

THUPHUANG 2:24

“Khannisianlân, nangni Thuatira kho mi, hi irchutirna saloi pom loia, ‘Setana thu irthup inthûk’ an iti irchu kakai chunga chu puakrik dang ite nangni bôk pe no ning ki iti a ni.

ROIRÊLTUHAI 3:2

Israel irchi, thoiintharhai, irdoinaa la chang ngai loi mihaiin irdoina an irchu theina hrangin an omtirhai a ni.