EFESI 5:3 - PATHIAN LEKHABU IRTHIANG C.L. Bible (BSI)

³ Pathian mihai nin ni tâk sikin, nin laia: irditna hai, Porinchena hai, huatirhamna hai rêng rêng nin laia sâm khom sâm ni no ri se.

EFESI 5:3 ပူးပေါင်းရင်းမြစ်များ

INPÂKNA HLAHAI 10:3

Mi sia khan a milung nuamlam a song ngaia, Mi huatirham khan Rengpa’n chu hnung a songsana, a hmusit ngai.

INPÂKNA HLAHAI 119:36

Huatirhamna lama ni loiin ni dân zômna tiang khan ki milung hi irlêktir roh.

FESUAKNA 18:21

Kha no khomin, mipui laia irthok mi theithiam, Pathian chi mi, mi dikhai, fâkinrûk fel loi khôkmâk mihai inthangsuakin lân, anni chu sâng khat chunga roirêltu, irza chunga roirêltu, sôm ringa chunga roirêltu, sôm ruk chunga roirêltuhai ni hrang se roh.

FESUAKNA 20:17

“Ni tualbômhai neinun ni irzuk hrang ni ma, ni bômhai dôngma ni irzuk hrang ni ma, a suakpa mani, a suaknu mani, sehrâtchal mani, sakuartung mani ni bômhai ta rêng rêng chu ni irzuk hrang ni ma,” tiin.

FESUAKNA 23:13

Keima Rengpa nin kuang ki itih murdi hi lunghnâng tho roi, Pathian dang laia chu chongchai no unglân, an irhming lua sâm no roi.

THUVÂRHAI 28:16

Hruaitu, inhriatna nei loi chu hruaitu nunter ni a ti. Dik loina hnôltu chu inlal sôt a ti.

JEREMIA 22:17

Khan dik loi taka inlâp tumin ni mit nin lêngtira, Thil poi tho loihai ni thata, nakhrât insua’n ni mihai ni sirbehaia. Rengpa’n a iti tâk a ni.

JEREMIA 6:13

Mi tukhom a chîn a lian dik loitaka sum hlo suak an itum a nia; deipuhai le ochaihai khomin mipui an huanghaia.

JEREMIA 8:10

Khasikin an loihai chu a chongpu thar kuang pe ki ta, an dôngmahai chu pasal danghai pehai ki ti. Mi tukhom, a chîn, a lianin dik loi taka sum lâklût an itum a ni. Deipuhai le ochaihai ten luan mipui an ihuanghai a ni.

EZEKIELA 33:31

Khasikin ki mipuihai chu i thu mo ni ihril hrang tih irngai hrangin an irbûm ngai, khannisian tho hranga ni ihrilhai chu tho ngai mahai. Ni thuhai chu hla papai angin an bêa, khannisian an huatirhamna lampuihaia khan an fe mai ngai.

LEVI DÂN 15:18

Khan, nupang a zâlpui khomin an inhni’n an irsil hrang a ni, khohloi dênin porinche an ti.

MIKA 2:2

Mi dang loihai an irzuka, an lâkpai pehaia; inhai an irzuka an lâk tâka; mi le an in sûng mihai, mi le an irchonhai dênin an ihnuaisia a ni.

NAMBAR 25:1

Khan Israelhai chu Sitim-ah an om lai khan, Moab nupanghai le om pualoia omin an siat tâka.

MATHAIA 15:19

Milung ata nin ngaituana sual hai, mi thatna hai, uirena hai, irditna hai, inrûkna hai, milaka irsêlna hai, Pathian hril siatna hai a ihong suak ngai a ni.

LUKA 12:15

Khan an kuang, “Irdîn unglân, irzukna tinrêng ata irdîn roi, mihriam hringna bi hi irchon lâmkhîl sika ni mah,” a ti pehaia.

LUKA 16:14

Farisai, sum irngai inhluttuhaiin kha thu kha an inhriatin, Jisua kha an innuisana.

TÎRTÔNHAI SINTHO 15:20

kha nêkin, lekha thonin millim biakna thil irthiang loi fâk mani, irdit mani, sa ise that le thisen fâk mani, mong hrangin ti pehai inlân ki iti a ni.

TÎRTÔNHAI SINTHO 20:33

Tu tu sum mani, rângachak mani, silkai mani khom irzuk ngai ma ung.

ROM KHUAA MIHAI KUANGA TÎRTÔN PAULA LEKHATHON 1:29

Fel loina chi tinrêngin an hong sip tâka, sualna hai, huatirhamna hai, mi that hai, irngôna hai, irhuangna hai le irkhôkmâkna haiin an sip ta.

ROM KHUAA MIHAI KUANGA TÎRTÔN PAULA LEKHATHON 16:2

Rengpa irhminga mi irthianghai ti irhoi anga lei lôm hrang le changpui nangna kipa lei changpui hrangin nangni ki nuam a ni. Ama khom hi mi tamtak lei changpui ngai a nia, keima ngei khom a ni changpui a ni.

ROM KHUAA MIHAI KUANGA TÎRTÔN PAULA LEKHATHON 6:13

Nin takpum ônhai khom thil saloi thôna hrangin inhmangtir ta no roi; mithi lai ata hring nôk angin Pathian kuang inhlan unglân, nin takpum ônhai khom kha ama kuang felna hriamhrei hrangin pe ual roi.

1 KORINTH 10:8

An laia mi senkhat irdit saloi an uara sûn khat sûnga mi sînghni le sâng thum an ithi anga khan, eini chu irditna sa loi uar no ih.

1 KORINTH 5:1

Nin laia irditna saloi a om tih mi’n an hong insîr bak ngaia, khaang dôra irditna saloi kha chu Jentailhai laia lua om ngai mah. Mi inkhatin a puinghâksia a zâlpui ngai ti khom ki lei inhriat.

1 KORINTH 6:13

Fâknêk chu phîng ta hrang a nia, phîng chu fâknêk ta hrang a ni; khannisian, Pathianin inboi seng seng a ti. Takpum hi irditna sanoa hmang hrang ni maka, Rengpa ta hrang a ni ual; Rengpa khom takpum ta hrang a ni.

1 KORINTH 6:18

Irdit hi mong ta roi. Mihriamin sualna dang a isin tinrêng chu a takpum pên tiang a ni; irdit song mi rêk kha chu ama takpum chunga a isual a ni.

2 KORINTH 12:21

Ki zuang nôk tika nin mithmua ki Pathianin ni mualinphoitir a ta, matona thil sual thohai, an thil porinche tho, irditna hai, hurna hai irlet ual loiin mi tamtak sikin chapna ki ti, tih hi ki ichi sa a ni.

EFESI 5:12

Inrûka om thil tho ngaihai kha insîr khom inzak a om a ni.

EFESI 5:5

Irdit uar hai, mi porinche hai, mi huatirham (Kha kha millim biak tihna a ni); kha mihai khan Krista le Pathian Rama khan dongtum nei viat mahai ti inhre fel roi.

FILIPI 1:27

Mi danghai leh nin om dânhai kha Krista Thurchi Sa leh irhme bak ri se, ki hong mo hong no mo irtha hmunkhata ngîrindetin, lungrîl hmunkhat irputin Thurchi Sa iamna kha nin thop irrual ti inhriat thei ki ti.

KOLOSA 3:5

Nin rammual om dân sual: irditna hai, porinchena hai, hurna hai, irzukna sual hai huatirhamna hai (kha kha millim biakna a ni,) hihai hi thatpai roi.

1 THESALONIKA 4:3

Pathianin irthiangliai hrang le irdit mapai hrangin nangni a inuam a ni.

1 THESALONIKA 4:7

Pathianin chu porinche taka om hrang ni loiin irthiang taka om hrangin a ni ikoi a ni.

1 TIMOTHEA toc2 1 TIMOTHEA 2:10

Pathian ngaisak nupanghai tho irhoi, thil sa tho’n irbel ual ri sehai.

1 TIMOTHEA toc2 1 TIMOTHEA 3:3

Zu in ngailoi, mi vîk ngai loi, mi nunirnêm, irngei nuam mi le sum irngaiinnat loi mi a ini hrang a ni,

1 TIMOTHEA toc2 1 TIMOTHEA 6:10

Sum irngaiinnat hi sual tinrêng bul a ni, Sum nei intam an itumna tiang senkhat chu iamna hi an pêtsana, chardongna tamtakin an lungrîl an bingin an suninkhoi ngai a ni.

2 TIMOTHEA toc2 2 TIMOTHEA 3:2

Mâni hrang satna zonghai, sum irngaiinnat hai, irsong hai, irpâkna hai, Pathian insîrinsiat hai, nu le pa thu zôm loihai, lômna neiloi hai, irthiang loi hai,

TITA toc2 TITA 1:11

Khahai bâi kha hîp pehai hrang a ni; a sûngkua kuain mihai an inbuaihaia, sum hmu hrang sabeiin irchutir loi hrang hrang mi an irchutir ngaia.

TITA toc2 TITA 1:7

Koiindang hruaitu chu Pathian sûngkua enkoltu a nia, demnaboi ni ri se; mâni thu ringot nuam, milunginrem, zu’n rui mi, mi zêm song, porinche taka hlep nuam mi ni no ri se.

TITA toc2 TITA 2:3

Khaang dênin pitarhai khan an om lama Pathian chi mi ni hrangin inthorin lân, mi nuiso uar, uain indu mi ni no ri se; thil sa irchutir uar sianlân,

HEBRAI toc2 HEBRAI 12:16

Khabana, tûte irdit song mi mani, Esaua anga rammual mi mani, om loi hrangin en zit roi; ama kha a nâi lutîr nina a ni.

JOSUA 7:21

Ei thil man laia Babulon puan satak, sumru sekel irza vêla rik le sekel sômringa vêla rik rângachak le ileh ki hmua, a sân ki’rzuka, ki ilâk zel a ni ta. Ki puan in sûnga irnênga ki ithupinrûk a ni, a hnuai taka sumru chu ki sia,” a tia.

1 PETERA toc2 1 PETERA 5:2

Nin laia Pathian belrahai kha enkol insa roi, nakhrâtin ni loiin Pathian nuamlam anga irzuk taka tho’n, fâk sa hrang sabei sika ni loiin, sintho nuamna lungrîl irputin enkol roi.

2 PETERA toc2 2 PETERA 2:10

an takpum irzukna porinche anga omhai le Pathian irchamneina hmusittuhai len vâng chu hremna lam an hriat nôk ual. Hi irchutirtu dik loihai hi an invêtin an hâia, an lârirpâka, irvân mi roiinpuihai khom khi mahrip tho loiin an hrilinsiat ngai a ni.

2 PETERA toc2 2 PETERA 2:14

An mitin uire hrang an en vêl maia, sual tho hnông thei mahai. An lungrîla huatirhamna lam a sân an inhriata, Pathian khosâl tong an ni.

2 PETERA toc2 2 PETERA 2:3

Sum an hmu theina hrangin huatirham takin an thu phuachôp khan bepârna hrangin nangni an hmanga; khannisianlân, tiana an chunga roirêl sai tâk chu om chian chian no ni, anni irhmangtirtu hrang kha a ihar chian tâk a ni.

THUPHUANG 2:14

Khannisianlân, nang demna ki nei viat: nin laia mi senkhatin Balaama thu irchutirna an pom sikin. Kha pa khan millim biakna thil an ifâkna hrangin le irditna porinche an songna hrangin Balaka kha Israel mihai suala hruai irhmang dân a irchutir a ni.

THUPHUANG 2:21

A sualna ata a’rletna hrangin zoro ki pêka, khannisian, irlet nuam mah.

THUPHUANG 21:8

Khannisianlân, mi thâidôphai, iamloihai, irdit saloi thohai, mi thathai, felloihai, dôi hmanghai, millim biakhai, milakhai murdi omna hrang hmun chu mei le kâta kâng dîl kha a ni; kha kha thi inhnina chu a ni,” a tia.

THUPHUANG 22:15

Khopui pên tiang chu uihai, dôi theihai, irdit saloihai, mi thathai, millim biakhai, chong le sinthoa milakhai kha om an ti.

THUPHUANG 9:21

An mi that hai, dôi hmang hai, an irdit porinche hai, an inrûkhai ata khom irlet ual mahai.

1 SAMUELA 8:3

Khannisianlân, anni khan an pa omdân zui loiin, sum le puan tiang an huatirhama, khasikin fâk inrûkhai an hmanga, dik loi takin roi an rêl ngaia.