EFESI 5:23 - PATHIAN LEKHABU IRTHIANG C.L. Bible (BSI)

²³ Krista chu ama takpum Koiindang saninhringtu a nia, Koiindang lu a ini angin pasal chu dôngma lu a ni.

EFESI 5:23 ပူးပေါင်းရင်းမြစ်များ

TÎRTÔNHAI SINTHO 20:28

Khasikin, Pathian Koiindang, a Nâipa thina sika ama ta hranga a isiam chunga belrapu chang unglân, nangni le belra pâl Irtha Irthiangin nangni a ikoihai satna hrang zong roi.

1 KORINTH 6:13

Fâknêk chu phîng ta hrang a nia, phîng chu fâknêk ta hrang a ni; khannisian, Pathianin inboi seng seng a ti. Takpum hi irditna sanoa hmang hrang ni maka, Rengpa ta hrang a ni ual; Rengpa khom takpum ta hrang a ni.

EFESI 4:15

Khanchu, lungthungnaa thudik insîrin itinrênga Krista tianga hong irsônlian thei ei ti, ama chu Lu a nia, Krista chu.

EFESI 5:24

Krista kuang Koiindang a irpelût angin, dôngmahaiin an pasalhai thu, lam tinrênga zôm ri sehai.

KOLOSA 1:18

Ama kha Koiindang hi a takpum a ni sa; ama kha itinrêng bul a nia, itinrênga inchungtak a nina hrangin mithi laia thoinôkna mahruaitu a ni.

1 THESALONIKA 1:10

A Nâipa Jisua, mithi lai ata kaithoi, ningmurna zuang tung hrang ata ni sansuakpu kha, irvân ata zuang nghâka nin omhai an insîr sup sup a ni.

THUPHUANG 19:7

Râifân le lôm takin a roiinpuina chôiindôm ei ti! Belrate dôngma nei zoro a ni ta, a moi khom ar siam zoi ta.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.