EFESI 5:1 - PATHIAN LEKHABU IRTHIANG C.L. Bible (BSI)

¹ Khanchu, Pathian nâi inditom takhai nin ni sikin, a om dân latuhai ni roi.

EFESI 5:1 ပူးပေါင်းရင်းမြစ်များ

JEREMIA 31:20

Efraima chu ki nâipa indit tak, ki inhlu ngôi ngôi a ini loi ma ni? Hnôl ki tum khomin ki milunga a om maia, ama chu kin hriat maia lung ki inkham sabak a ni.

HOSEA 1:10

Aniachu, Israel nâihai kha tuikhanglian chiai vâiphin, varh theiloi le tep sêng loi zât ni an ta, khan, hiang hin ni a ta, an kuang, ki mihai ni mak chêi, tihna hmuna khan, Pathian hring nâihai nin ni e, ti ni a ti.

LEVI DÂN 11:45

Nin Pathian ni hrangin Aigupta ram ata nangni hruai suaktu Rengpa ki ni. Nin irthiang hrang a ni, kei ki’rthiang sikin.

MATHAIA 5:45

nin Pa irvâna mi nâihai nin ni theina hrangin; Ama’n chu mi sualhai le mi sahai chunga misa an suaktira, sin sa sinhai le sin saloi sinhai chunga khom rua an thotir ngai.

MATHAIA 5:48

Khanchu, nin Pa irvâna mi a sa irkip angin nangni khom nin isa irkip ngêt hrang a ni.

JOHANA 1:12

Mi senkhatin chu an lei lôma, ama iamtu murdihai chu an kuang Pathian nâihai ni theina hrang a pêka.

EFESI 4:32

Lungirkham irhlômin, ir-en irhlôm unglân, Pathianin Kristaa nangni a ingaidam angin irngaidam irhlôm roi.

FILIPI 2:15

Atûnlai mi irkôkpoploi le pualoi laia hin Pathian nâi, sual neiloi, irthiangliai, sêlnaboi nin ni theina hrang le rammual invârtuhai nin ni theina hrangin.

KOLOSA 3:12

Khanchu Pathian mi inthang, mi irthiang le inditom takhai ni le irhoiin lungrîl taka irrenna hai, khonzana hai, irngaiintômna hai, thuhnuairôlna hai, tuangdiarna hai khan irvô roi.

1 JOHANA 4:11

Inditom takhaio, Pathianin khaang dôrin lung a ni thungin te, eini khom lung ei irthungirhlôm seng hrang a ni.