EFESI 4:9 - PATHIAN LEKHABU IRTHIANG C.L. Bible (BSI)

⁹ Chung tianga kâi ti hi i tihna ma ni? Irnêng hmun irhnuai taka zuang chum masa tihna a ni.

EFESI 4:9 ပူးပေါင်းရင်းမြစ်များ

IRPHUTNA 11:5

Khan, Rengpa’n chu mihriam nâihaiin khopui le in irsâng an isin en hrangin a zuanga;

INPÂKNA HLAHAI 139:15

Inrûka siamin ki oma, Ka nu phîng sûnga sataka irkhûa ki omhai khan, Ki ru chu ni makunga thupin om maka,

INPÂKNA HLAHAI 63:9

Ki hringna inboi tuma zongtuhai rêk chu irnêng hmun irhnuaihaia khan lût an ti.

INPÂKNA HLAHAI 8:5

Ama kha Pathian nêka irhnuai ual viatin ni siama, Roiinpuina le chôiirsângna nin khumtira.

FESUAKNA 19:20

Pathian kha tâng sîp taka a zuang chuma, Mosia chu tâng sîpa khan a koia, khanchu Mosia kha a hong luia.

THUVÂRHAI 30:4

Tu mo irvâna luia zuang chum nôk tâk? Tu mo a kuta phâivua chel thei? Tu mo puan hlektea tui infûn thei? Tu mo kôlkung murdi indettir? Tu mo a ini? Tu mo a nâipa kha nin hriat mo?

ISAIA 44:23

Irvânhaio, lômin zâi roi, Rengpa’n sin a itho a ni ta, irnêng rîlhai khom khêksuak unglân, Ram le thing om murdihaio, khêk murin om ta roi. Jakoba chu Rengpa’n a’rtansuaka, Israelhai laia nin chôiindôm sa tâk.

EZEKIELA 31:14

Khasikin atûn ata chu thingkung murdi, savinga tui leh donsui khom ni sian, kha tânga khan sei thei ta no nia, a’rzîk khomin sûm dênin sei ta no ni. An rêngin anni chu mihriamhai anga thi hrang an nia, mithi khua lei fe tâkhai zu zompuihai an ti,” a tia.

MATHAIA 12:40

Jona chu sûn thum le zân thum ngapui sûnga a iom ang khan Mihriam Nâipa hi sûn thum le zân thum irnêng sûnga a iom hrang a ni.

JOHANA 20:17

Jisua’n a kuang, “Ni tôn no roh, Pa kuang khom la hong fe ma ung; khannisianlân, ki urênghai kuang va fe’n lân, an kuang, ‘Ka Pa, nin Pa, Ki Pathian, nin Pathian kuang kâi hrang ki ni’ a ti, ti roh,” a tia.

JOHANA 3:13

Tukhom irvâna kâi ngai maka, Mihriam Nâipa, irvân ata zuang chumtu vai ti no chu,” a tia.

JOHANA 6:33

Pathian bai pêk kha irvân ata zuang chuma rammual kuanga hringna pêkpu hi a ni,” a ti a.

JOHANA 6:38

Mâni nuamlam tho hrang ni loiin a ni tîrtu nuamlam tho hrangin irvân ata zuang chum ki ni.

JOHANA 6:41

“Irvân ata bai zuang chum kha ki ni” a ti sikin, Judahai kha a chunga an chiar tâka.

JOHANA 6:51

Keima hi irvân ata bai hring zuang chum kha ki ni. Hi bai hi tukhomin an fâkin chu kumkhua’n hring mai an ti. Bai ki ipêk hrang chu ki taksa hi a ni, rammual hringna hranga ki ipêk kha a ni,” a tia.

JOHANA 6:58

Hi hi irvân ata bai zuang chum chu a ni, nin irchibulhaiin bai an fâka, an ithi nôk ang kha ni mah. Hi bai fâktu hi chu kumtuangin hring mai a ti,” a tia.

JOHANA 6:62

Mihriam Nâipa hi tiana a omna ngai tiang a kîr nin hmu tikin, itin mo nin itho hrang?

JOHANA 8:14

Jisua’n, “Mâni thu inhriattir ki ni khomin ki thu inhriattir chu a dik a ni, ki zuang suakna le ki fena hrang kin hriata, nangni’n chu ki zuang suakna le ki fena hrang inhre mak chêi.

HEBRAI toc2 HEBRAI 2:7

Ama chu vântîrtônhai nêka irhnuai ualin ni siama, Roiinpuina le chôiindômna nin khumtira,

HEBRAI toc2 HEBRAI 2:9

Khannisianlân, Jisua sôtnote hranga vântîrtônhai nêka irhnuai uala siam kha ei ihmu a ni, Pathian lungkhamna sika mi tin ta hranga thi hrangin. Thina a tuangna sika khan roiinpuina le chôiindômna inkhumin atûn hin ei ihmu tâk a ni.