EFESI 4:6 - PATHIAN LEKHABU IRTHIANG C.L. Bible (BSI)

⁶ mi murdi Pa, Pathian inkhat vai a om. Ama chu itinrêng chunga a oma, itinrêng ar fang suaka, itinrênga a om sa a ni.

EFESI 4:6 ပူးပေါင်းရင်းမြစ်များ

IRPHUTNA 14:19

Melkisedeka’n Abrama chu sat a vura, “Irnêng le irvân siamtu, Pathian inchungtakin, Abrama chu satvur ri se!

INPÂKNA HLAHAI 95:3

Rengpa chu Pathian roiinpui tak a nia, Pathian murdi chunga Reng roiinpui tak a ni.

ISAIA 63:16

Nang chu kin pa ni nia, Abrahama’n nin hre pha mah. Nang chu, Rengpa, kin pa ni nih. Itiklai khoma ni sûnghualtu ni nih.

MALAKIA 2:10

Ei rêngin pa inkhata irchi ei ini loi ma ni? Pathian inkhat siam khom ei ini loi ma ni? Itho sika mo ei pahai thuthung porinchetira, urêng le urêng ei irhuang hen?

NAMBAR 16:22

Khannisian Mosia le Arona chu an lu irnêng sikin an inboka, “O Pathian, nang chu hringna chi tinrênghai bul ni nia; mi inkhat sualna sikin mipui murdi chunga ni ning a inmur hrang ma ni?,” an tia.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

MATHAIA 6:9

Khanchu, nangni chu hiang hin chongchai roi: ‘Kin Pa, irvâna mi, Ni’rhming mahripin om ri se, Ni Ram zuang tung ri se.

JOHANA 14:23

Jisua’n a sâma, “Mi’n lung an ni thungin chu ki thu khom zôm a ta, ka Pa’n ama kha lungthung a ta, a kuang zuang kin ta, a kuang om mai kin ti.

JOHANA 17:26

An kuang ni’rhming kin hriattira, inhriattir mai ki ti; nangin kei lung ni ni thungna ngei kha annia a oma, keima annia ki om theina hrangin,” a tia.

JOHANA 20:17

Jisua’n a kuang, “Ni tôn no roh, Pa kuang khom la hong fe ma ung; khannisianlân, ki urênghai kuang va fe’n lân, an kuang, ‘Ka Pa, nin Pa, Ki Pathian, nin Pathian kuang kâi hrang ki ni’ a ti, ti roh,” a tia.

ROM KHUAA MIHAI KUANGA TÎRTÔN PAULA LEKHATHON 11:36

Thil murdi hi ama ata zuang om, ama sika le ama hranga om a ni. A kuang kumtuang roiinpuina kha om ri se. Amen.

1 KORINTH 12:6

sinthotheina khom chi dang dang a oma, Pathian inkhat kuanga om a ni, mi tin kuang sinthotheina pe ngaitu kha.

1 KORINTH 8:6

Eini ta hrangin chu Pathian inkhat vai, Pa, thil itinrêng siamtu kha a oma, ama ta hrangin ei hringa, Rengpa khom inkhat vai, Jisua Krista a oma, ama sikin thil tinrêng siam a ni, eini khom ama sikin ei ihring a ni.

2 KORINTH 6:16

Pathian tempil le millimhai khomin imo irzomna an inei? Eini chu Pathian hring tempil kêng ei ni. Pathianin, “Ki mihai kuang in sin ki ta, an kuang om ki ti; Keima an Pathian ni ki ti,” a iti ang khan.

EFESI 1:21

Krista chu irvân roirêltuhai, irchamneituhai, sinthotheituhai le rênghai chung vita roirêlin hi rammual le rammual la hong om hranga irhming tinrêng laia irhming inchungtak a inei a ni.

EFESI 2:22

Nangni khom amaa khan Irthaa Pathian omna in hrangin mi danghai leh sia insa nin ni.

EFESI 3:17

iamna sikin Krista chu nin milunga châm sianlân, lungthungnaa irzung kaiin phûm indet nin ini hrang a ni.

EFESI 6:23

Pa, Pathian le Rengpa Jisua Krista kuang ata irngeina hai, lungthungna hai le iamna hai kha urênghai kuang om ri se.

DÂN INHNINA 6:4

O Israelhaio, irngaitua u ta, Rengpa, Rengpa vai hi kin Pathian chu a ni.

1 JOHANA 3:24

Pathian thupêk zômtu chu Pathiana a om maia, Pathian khom a kuang a iom mai a ni. Khan, hi hi Pathian einia a om mai tih ei inhriatna a ni: Irtha a ni ipêk hi a ni.