EFESI 4:31 - PATHIAN LEKHABU IRTHIANG C.L. Bible (BSI)

³¹ Irkhôkmâkna hai, ninginmurna hai, nuarna hai hrângna hai, insirinsiatna murdi hai nangni ata pai irhmang roi, sualna murdi hnung songsan roi.

EFESI 4:31 ပူးပေါင်းရင်းမြစ်များ

KOLOSA 3:8

Atûn chu ningmurna hai, milung inphuna hai, irhmumâkna hai, mâksan unglân, irhrilsiatna hai le chong porinche hai nin bâi ata suak no ri se.

THUHRILTU 7:9

Ni ningmur chu indâipai ro, ningmurna hi invêthai rôpsuama kêng a om ngai.

1 PETERA toc2 1 PETERA 2:1

Khanchu sual chi tinrêng masan unglân, huangna hai, vârirletna hai, hnarsâna hai, insîrinsiatna hai murdi masan roi;

JAKOBA toc2 JAKOBA 1:19

Ki urêng inditom takhaio, hi hi inhre roi. Mi tinin ar ngai tiang uar sianlân, insîrna lam tiang irchu loiin, an milung inchuk ri sehai.

KOLOSA 3:19

Pahaio, nin dôngmahai lungthung unglân, an chunga sual no roi.

JAKOBA toc2 JAKOBA 3:14

Nin milunga hnarsâna inthûk tak le mâni dohasana nin neiin chu thudik irkalnaa nin vârna irsorpuiin milak tho no roi.

EFESI 4:26

Ninginmur khom unglân, thil sual tho no roi, misa tâk de dênin ninginmur no roi.

1 JOHANA 3:12

Mi sual ata suak Kaina, a urêngpa Abela that anga khan chu om no iduah. Ithoa mo a ithat kha? Ama sinthohai a suala, a urêngpa sinthohai a fel sikin.

INPÂKNA HLAHAI 101:5

Tukhom a bômhai inrûka der ka chu, Kha mi kha inboipai ki ti: Mit irsâng le milung lârirpâk irput mi chu irngai thei no ning.

JAKOBA toc2 JAKOBA 4:11

Urênghaio, irhrilinsiat irhlôm no roi. Tukhom a urêng hrilsiat mani, dem mani chu Dân a hrilsiata, Dân a idem a ni; Dân ni demin chu, Dân zômtu ni mak chea, roirêltu ni ni.

THUVÂRHAI 26:20

Thing a hekin chu mei khom a thia; khaangin insîr irhlôm a om loina chu irngo irkhal a mong ngai.

TITA toc2 TITA 1:7

Koiindang hruaitu chu Pathian sûngkua enkoltu a nia, demnaboi ni ri se; mâni thu ringot nuam, milunginrem, zu’n rui mi, mi zêm song, porinche taka hlep nuam mi ni no ri se.

1 TIMOTHEA toc2 1 TIMOTHEA 3:11

An nupanghai khom, khaang dênin mi mahripom, mi nuiso ngai loi, insumthei, lam tinrênga mi iamom an ini hrang a ni.

2 KORINTH 12:20

Ki zuang tikin ki nuam lamin nangni ki hmu no itinin ti le nangni khomin nin nuam lamin nin ni hmu no itinin ti hi, ki ichi a ni. Khabana irngôna hai, irhnarsâna hai, ningmurna hai, ir-êngna hai, insirinsiatna hai, irnuisôna hai le lârirpâkna hai buaina hai nin laia ki hmu itinin ti ki ichi sa a ni.

1 KORINTH 14:20

Urênghaio, nâipang angin thil ngaitua no roi; sualna lama chu nâitesen ang ni unglân, ngaituanaa chu puihling takin om roi.

THUVÂRHAI 29:22

Ninginmur zel zel ngai mihaiin irkhalna le buaina tamtak an kêlsua ngai.

THUVÂRHAI 14:17

Milung hrâthai chu inmôl takin sin an tho ngaia; mi vârhai rêk chu milung dairiamin an om ngai.

THUVÂRHAI 10:18

Mi a hmumâkna thuptu chu milak a nia; mi insîrinsiat ngaitu rêk chu mi’nto a ni.

THUVÂRHAI 10:12

Hnôlna khan buaina an suaktira, lungthungna chu tho’nsualna murdi a’rkhupai ngai.

1 TIMOTHEA toc2 1 TIMOTHEA 5:13

Kha ni loi khom, mi ina an chainaa thaboi an irchua, thaboi vai khom ni loiin mi nuiso an uara, bâto an hrâta, an insîr loi hrang hrang an insîr ngai a ni.

GALATIA 5:20

millim biakna hai, dôi hai, irkhôkmâkna hai, irngôna hai, hnarsâna hai, milung saloi hai, dohasa hai, irthekindarna hai, irsenna hai,

1 KORINTH 5:8

Khasikin, Ferkân kût ei ti, chol miluia kût tho loiin, nunsiat le sualna chola kût tho loiin, takna le dikna bai, chol kop loiin kût nei ei ti.

ROM KHUAA MIHAI KUANGA TÎRTÔN PAULA LEKHATHON 3:14

An bâi chu khuasâlna le thu khâin a sipa.

THUVÂRHAI 25:23

Hmâr phâivua’n rua a zuang intung ngai ang takin, irdemna’n ningmurna an tungtir ngai.

THUVÂRHAI 18:8

Chong tufiam hi irngaihoi a oma, bu nêk irhnikin ei sûng a ibit mot mot ang hi a ni.

INPÂKNA HLAHAI 140:11

Dikloi taka mi hnôl ngaihai chu irnênga hin hmanchangsua’n om no nia; Mi nunrônghai khom siatna’n inhre a ta, irhmangtir a ti.

INPÂKNA HLAHAI 64:3

Khahai khan khandai angin an milei an intât inngaia, Thal angin chong khâ takin an irzîka.

INPÂKNA HLAHAI 50:20

Toi pumin ni urêng ni hrilinsiata; Ni urênghai ngei kha ni nuiso ngai.

INPÂKNA HLAHAI 15:3

A mileiin mi nuiso ngai loia, A rual chunga khom thil sual tho ngai loia, A bômhai irhming khom insîrinsiat ngai loi mi chu.

2 SAMUELA 19:27

Khante o rêngpa ni kuang a ni zuitu khan a ni hnôla, nikhomsian nang chu Pathian vântirtôn ang ni nia, khasikin a sa ni ti lam takin tho ro.

IRPHUTNA 37:4

Khan, an pa’n an ren ual bîk ti a uhaiin an inhriata; khanchu a sate’n an hnarsa tâka, chongbâi hoi zel irhmu ta mahaia.

IRPHUTNA 27:41

Khan a pa satvurna sikin Esaua’n chu Jakoba kha en nuam ta maka; Esaua lungrîlin, “Ka pa lak idôr dam sôt ta no nia, a thi zoiin chu ki sangpa Jakoba chu thatpai ki ti,” a tia.

IRPHUTNA 4:8

Kaina’n a sangpa Abela kuang, “Loia fe ei ti” a tia. Khanchu hiang hin a nia, loia an om laiin a sangpa Abela kha a’rsualpuia, a thatpai tâka.

THUPHUANG 12:10

Kha hnung chu, irvâna hnukirhai inring takin, “Atûn chu ei Pathian saninhringna le a Reng ninaa a sinthotheina le a Krista irchamneina hai kha a zuang tung ta! Ei Pathian makunga ngîrin, a sûn a zâna ei urênghai hnôl ngaitu kha irvân ata an paithâk tâk sikin.

1 JOHANA 3:15

Tukhom, a urêng khôkmâk chu mi that a ni, tukhom mi that chu kumtuang hringna nei no nih ti nin inhriat.

TITA toc2 TITA 2:3

Khaang dênin pitarhai khan an om lama Pathian chi mi ni hrangin inthorin lân, mi nuiso uar, uain indu mi ni no ri se; thil sa irchutir uar sianlân,

2 TIMOTHEA toc2 2 TIMOTHEA 2:23

Hi isêlna inlâploi le invêtom hi irheisan roh, irdoina an suaktirna mai mai a ni.

1 TIMOTHEA toc2 1 TIMOTHEA 3:3

Zu in ngailoi, mi vîk ngai loi, mi nunirnêm, irngei nuam mi le sum irngaiinnat loi mi a ini hrang a ni,

TÎRTÔNHAI SINTHO 21:30

An kho pumin an buai zoi ta, mipui an hong intân sup supa. Paula kha an chela, tempil ata an hnûk suaka, mikothai an khâr zôia.

JEREMIA 6:28

An rêngin tukullian tehelzong hrât an ni, dârsen le thîr anga ngar an ni. An rêngin dik loi thu chanlamboia irthekindarhai an ni.

THUVÂRHAI 29:9

Mi vârin intô ar khalpuiin chu intô kha an nuia, a mi êsêl an satir ual ngaia; irngeina rêng rêng om thei ngai mah.

THUVÂRHAI 19:12

Reng ningmurna chu kâmkeibaknei inrung ang kha a nia, a ditsakna rêk chu satvur rua ang kha a ni.

2 SAMUELA 19:43

Israel mihai khan Juda mihai kha, “Nin takmiti ni khom sianlân, rêng Davida rêng inchang thua, a bâk sômkhat chunga thu kin inei kêng a ni. Hiang hin ni enkhûm no roi. Reng hruai kîr nôk hrang thu kha keini kêng a ni iti masa,” an tia. Khannisianlân, hi thua hin Juda mihai kha Israel mihai nêkin chu an inhrum ual a ni.

2 SAMUELA 13:22

Absaloma khan a farnu Tamari nakhrâtsonga a zâlpui pe sikin Amnona kha a hmumâk khak tâka, chong lua chongpui viat ta maka.

IRPHUTNA 37:21

Khan Reubena’n a le’nhriata, “A that chu thatpai no ih,” tiin a lei sansuaka.

2 TIMOTHEA toc2 2 TIMOTHEA 3:3

Irzirpui lungthungna nei loi hai, mi nunsia hai, mi hnôl ngai hai, irdîntheiloi hai, mi nunrông hai, mi that nuam hai, a sa nuam viat loi hai,

JEREMIA 9:4

A tu mi khomin rualsa ata a irvêng ngêt hrang a ni. Tu mi khomin a urêngpa iam zoi no ni; a san chu tu urêngpa khom ni sian, Jakoba anga minlak a nia, tu mi khomin rualsa a hril insiat ngai.

INPÂKNA HLAHAI 37:8

Ninginthik hi masanin lân, ningmur hi ma roh. Beiindong no’n lân thil suala a hong tungna ngai a ni.

EFESI 4:22

Khasikin, nin taksa irzukna’n a insiat tâk, nin om dân masa, mihriam milui kha, mâksan roi.

EFESI 4:25

Khanchu milak tho mâk unglân, Krista takpum ôn ei ni seng sikin mâni tualbômhai kuang thudik vai hril roi.