EFESI 4:2 - PATHIAN LEKHABU IRTHIANG C.L. Bible (BSI)

² Lam tinrênga irngaiintôm le thuhnuairôl takin lungthungna le tuangdiarnahai nei mai ngai roi.

EFESI 4:2 ပူးပေါင်းရင်းမြစ်များ

INPÂKNA HLAHAI 138:6

Rengpa chu an chungtak ni khom sianlân, Mi irngaiintômhai kha ar ngaitua ngaia, Mi lârirpâkhai chu an kuanga irthokin irbi thei ngai mah.

INPÂKNA HLAHAI 45:4

Thutak le thuhnuairôlna le felna sikin ni satna irbelin lungthi takin sakor chunga chuangin fe mai ro! Khanchu ni kut chang tiangin thil irkhêl takhai nang a irchutir hrang a ni.

THUVÂRHAI 16:19

Mi lârirpâkhai le râllâk thil irsem nêkin chu irngaiintôm taka inriang ni hi a sa ual.

THUVÂRHAI 3:34

Mi lârirpâkhai chu a hmusit ngaia, irngaiintômhai chu ditsakna a pêkhai ngai.

THUHRILTU 7:8

Thil chu a’rphutna nêkin a mongna chu a sa uala; milunga za’rngaithei mi chu, milunga lârirpâk nêkin a sa ual.

ISAIA 57:15

Hmun irsânga om, kumtuanga hring, mi irthiangin hiang hin a ti: Hmun irthiang irsângtaka om khom inlân, mi thuhnuairôl le irsîrhai kuang chu, chôiirsâng le nin har nôk hrangin ki om mai ngai.

ZEFANIA 2:3

Nangni irnênga mi thuhnuairôl murdi, a thu zômtuhaio, Rengpa kha zong roi; Felna zong unglân, thuhnuairôl tum roi: Rengpa ninginmurna nikhuaa khan ithupin nin om thei itinin.

ZAKARIA 9:9

O Zion nâinu, a sân nin raiinfân roi; O Jerusalem nâinu, raifânin khêk roi. En ta ni rêng chu ni kuang a zuang e! Ama chu mi dik a nia, saninzôkna neiin irngaiintôm takin sakuartung chunga, Sakuartungte chung ngeia zuang chuangin.

NAMBAR 12:3

Mosia chu irnêng chunga mihriam murdihai laia phûkdâi tak a nia.

MATHAIA 11:29

Ki ringkol irbun unglân, ki kuang irchu roi, thuhnuairôl tak le irngaiintôm tak ki ni sikin, Khanchu nin irtha ta hrangin irngamna hmu nin ti.

MARKA 9:19

Jisua’n an kuang, “Idôra iamna boi mihriam mo nin ini tâk? Idôr ten mo nin kuanga omin nangni ki irngaitua thei hrang? Nâipang kha ki kuang hong hruai roi,” a tia.

TÎRTÔNHAI SINTHO 20:19

Judahaiin an nin ruang sika mit irthi tâk pum le zoro ngar ki chunga hong tunghai tuangin, irngaiintôm takin Rengpa sin ki tho ngai.

ROM KHUAA MIHAI KUANGA TÎRTÔN PAULA LEKHATHON 15:1

Eini iamnaa a hrâthai hin mâni lômna zong loiin hrât no ualhai an hrâtloinaa ei ichangpui hrang a ni.

1 KORINTH 13:7

Lungthungna’n chu a tuang zâm zâma, a iamna hai, a tuangnahai le a tuangtheina hai hlosam viat ngai mah.

GALATIA 6:2

Puakrik irsan irhlôm ngai unglân, khanchu Krista dân kha nin izôm ni a ti.

EFESI 1:4

Irthiang le sêlnaboia a kuang ei om theina hrangin irnêng irsiang mân khan lung a ni thunga, Kristaa khan a nin thang ta.

KOLOSA 1:11

A sinthotheina roiinpui tak ata suak irzukna khan lam tinrênga sôina le tuangdiarna nei hrangin nangni inhrât a ti.

1 TIMOTHEA toc2 1 TIMOTHEA 6:11

Nang, Pathian mi, kha thilhai kha nangma’n chu rotsan roh. Felna hai, Pathian ngaisakna hai, iamna hai, lungthungna hai thuhnuairôlna hai, tuangdiarna hai, nunhoina hai, nei tum khak roh.

2 TIMOTHEA toc2 2 TIMOTHEA 2:25

Ama doituhai khom tuangdiarthei takin a suiôi hrang a ni, thutak inhre hrangin Pathianin an lungrîl a irlettir zôi thei.

JAKOBA toc2 JAKOBA 1:21

Khasikin, intirom chi tinrêng le sual chi tinrêng pai irhmang unglân, nin milunga Pathian thu tû, nangni saninhring thei chu thuhnuairôl takin pom roi.

1 PETERA toc2 1 PETERA 3:15

Krista kha inza unglân, nin lungrîla rênga nei roi. Nangnia om nin isabei nasan chu nangni irdon murdi chu sâm hrangin irsiam diam roi.

1 PETERA toc2 1 PETERA 3:8

A mong taka chu, nin rêngin lungrîl hmunkhat irput unglân, irkan irhlômin urêng angin lung irthung irhlôm unglân, lung irkham irhlômin thuhnuairôl takin om roi;