EFESI 4:16 - PATHIAN LEKHABU IRTHIANG C.L. Bible (BSI)

¹⁶ Takpumpui chu amaa a’rnghata, irthahrui le irnakin a khit hlûma, takpum om tin chu an itho ang tho chitin an irsôn inruala, lungthungna’n an irfa inlian ngai.

EFESI 4:16 ပူးပေါင်းရင်းမြစ်များ

JOHANA 15:5

“Kei hi grep râng ki ni, nangni a ônhai nin ni. Tukhom keimaa a om maia, kei khom amaa ki om maina chu tamtakin a ra ngai; keima boiin ite tho thei mak chêi.

ROM KHUAA MIHAI KUANGA TÎRTÔN PAULA LEKHATHON 12:4

Takpum inkhata ôn tamtak ei neia, ôn murdi’n tho tum an nei seng;

1 KORINTH 10:17

Eini mi tamtakhai hi, bai tiam inkhata irthokin ei dong seng sikin.

1 KORINTH 13:13

Khanchu hi thil inthum iamna hai, sabeina hai le lungthungna hai hi om mai a ti, an laia a poimo tak chu lungthungna hi a ni.

1 KORINTH 8:1

Atûn, millim biakna thil chungchânga nin thu irziak ngaitua’n: Ei rêngin inhriatna ei nei an iti angin a idik a ni. Khannisian, khaanga inhriatna khan chu mi an irpâk ngaia, lungthungna rêkin chu mi a siam insa ngai.

GALATIA 5:22

Irtha ra chu: lungthungna hai, raiinfânna hai, irngeina hai, tuangdiarna hai, khonzâna hai, satna hai, iamomna hai,

GALATIA 5:6

Jisua Kristaa ei om photin chu sertan mo, tanloi mo danglam ual mah; lungthungnaa irbel iamna hi a poimo a ni.

EFESI 1:4

Irthiang le sêlnaboia a kuang ei om theina hrangin irnêng irsiang mân khan lung a ni thunga, Kristaa khan a nin thang ta.

EFESI 3:17

iamna sikin Krista chu nin milunga châm sianlân, lungthungnaa irzung kaiin phûm indet nin ini hrang a ni.

EFESI 3:7

Pathian lungkhamna thilpêk a nin dongtir sika hin a sinthotheina hmangin kha Thurchi Sa sinthotua siam ki ni.

EFESI 4:12

Khaang khan, Krista takpum sin inngîrna hrangin Pathian mihai murdi Kristian sinthônaa sin an tho theina hrangin, kha kha a itho a ni.

EFESI 4:15

Khanchu, lungthungnaa thudik insîrin itinrênga Krista tianga hong irsônlian thei ei ti, ama chu Lu a nia, Krista chu.

FILIPI 1:9

Nin lungthungna chu inhriatnahaia, thil hmu’n fel theina tinrênghaia irsôna a pung ual ual theina hrangin ki chongchai a ni.

KOLOSA 2:19

A lu tak Krista chu chel ta mahaia, Amaa khan takpumpui hi irnak le irzung khitphiara infa a nia, Pathian nuamlam angin takpumpui kha a irsôn ngai a ni.

KOLOSA 2:2

An milung irtha a’rngam theina hrangin lungthungnaa an irsuikhôma, lam tinrênga milunga inhriat felna a sipa, Pathian thu’rthup, Krista kha, an inhriat thei ki inuam a ni.

1 THESALONIKA 1:3

Iamna sika irnak nin isonghai, lungthungna sika nin sin intamzia haia, ei Rengpa Jisuaa sabeina nin sip indetziahai, ei Pa le Pathian makunga kin inhriat mai ngai a ni.

1 THESALONIKA 2:13

Hi sika hin mong loiin Pathian kuang lômthu kin insîr ngai, kin thu hong insîr nin pom lai khan, mihriam thu anga pom loiin Pathian thu ngêt chu a nia, nangni iamtuhai chunga sintho ngai kha a ni.

1 THESALONIKA 3:12

Lung nangni kin ithung nêka irkhêlin lung nin irthung theina hrang le mi murdi lung nin thung theina hrangin, nin lungthungna kha Rengpa’n inpungtirin nangni inpuang pe ri se.

2 THESALONIKA toc2 2 THESALONIKA 1:3

Urênghaio, nangni sikin Pathian kuang lômthu hril mai hrang kin nia, kha kha kin itho hrang pial a ni. Iamnaa chung nin tuar tak taka, nin rênga lung nin irthung irhlômna khom an thûk tîr tîr a ni.

1 TIMOTHEA toc2 1 TIMOTHEA 1:5

Milung irthiang, sia le sa inhriatna irthiang le iamna dik tak ata suak lungthungna kha a hong hring ual theina hrangin hi thu hi nang ki ipêk a ni.

1 PETERA toc2 1 PETERA 1:22

Atûn chu thutak nin zôm sikin nin lungrîl nin irthiangtira, urênghai lungirthung ta takin lung nin irthung tâka, nin lungrîl takin lung irthungirhlôm roi.

1 JOHANA 4:16

Pathianin lung a ni thungna chu eini ngêtin ei inhriata, ei iam ta a ni, Pathian chu lungthungna a nia, kha lungthungnaa om mai kha Pathiana a om maia, Pathian khom amaa a om mai a ni.