EFESI 4:12 - PATHIAN LEKHABU IRTHIANG C.L. Bible (BSI)

¹² Khaang khan, Krista takpum sin inngîrna hrangin Pathian mihai murdi Kristian sinthônaa sin an tho theina hrangin, kha kha a itho a ni.

EFESI 4:12 ပူးပေါင်းရင်းမြစ်များ

EFESI 4:16

Takpumpui chu amaa a’rnghata, irthahrui le irnakin a khit hlûma, takpum om tin chu an itho ang tho chitin an irsôn inruala, lungthungna’n an irfa inlian ngai.

1 KORINTH 12:27

Nangnihai hi Krista takpum chu nin ni, a ônhai nin ni seng sa a ni.

ROM KHUAA MIHAI KUANGA TÎRTÔN PAULA LEKHATHON 15:14

Ki urênghaio, nangnihai hi satnaa sip, vârna tinrêng neiin tam, irchutir irhlôm thei hrangin nangni ki iam ngita;

1 KORINTH 14:26

Urênghaio, inkhômnaa hla nei mani, thu inpuang hrang nei mani, chong inhriatloia chong nang mani, hrilfiana neihai nin omin chu, itina tho hrang mani? Koiindang siaminsat lam tianga tho hrang a ni.

ROM KHUAA MIHAI KUANGA TÎRTÔN PAULA LEKHATHON 14:19

Khanchu irngeina hrang le inlâptir irhlômna hrang thilhai kha ei irzûl ngêt hrang a ni.

1 TIMOTHEA toc2 1 TIMOTHEA 1:12

A nin hrâttirtu, iam inruka ni bêa hi sin hranga nin kungtu Krista Jisua, ei Rengpa kuang lômthu ki insîr a ni;

1 KORINTH 14:12

Khanchu irtha thilpêk dong irzuk mai unglân, Koiindang indingna hranga siam insatna hrang kha nin nei theina hrangin zong roi.

HEBRAI toc2 HEBRAI 13:17

Nin hruaituhai thu zôm unglân, an thupêk murdi zui roi. Pathian kuang an sintho an lan sîr hrang sikin irngam loiin nangni an enkol ngai a ni. An thu nin zômin chu, raifân takin sin an ti, khano’nchu, intak pumin sin an ta, nin ta hrangin sa no ni.

HEBRAI toc2 HEBRAI 6:1

Tho, khasikin Krista thu bul insîr ta loiin, maton tiang fe’n puihling lam pan ta ei ti. Sin chanlamboi thina intung ngai ata irleta Pathian iam hrang lam hai,

2 KORINTH 6:3

Kin sinthôna hin tûte’n an ni demna hmu nohai sian ki nuam a ni, khasikin tûte lampuia khom lam chaninvâitir tum ma ung.

2 KORINTH 5:18

Khahai tinrêng kha ei râl irchangna irthoka Krista zâra a rualhai ni siama, mi dang khom a rualhai a siam theina sin ni pêktu Pathian khan a isin a ni.

LUKA 22:32

Khannisianlân, ni iamna a boi nona hrangin nang ki chongchai pe. Khan, ni hong irhei nôk tika chu ni urênghai indet ro,” a tia.

2 TIMOTHEA toc2 2 TIMOTHEA 4:5

Nang chu itinrênga irsepin lân, tuang zâm zâm roh; Thurchi Sa hrilna sin hi sin maiin lân, ni sinthôna sin kha sua roh.

KOLOSA 4:17

Khan, Arkipa kuang khan, “Sinthôna, Rengpa kuang ata ni idong kha ni izoi ngêt hrang kêng, ti roi,” a tia.

KOLOSA 1:28

Krista thu kha mi murdi laia kin hrila, Kristaa ei puihling chit theina hrangin vârna tinrêngin mi tin kin irchuin kin kaihruai ngai a ni.

KOLOSA 1:24

Nangni sika ki tuangna hin atûn hin ki râi a ifân a ni. A takpum, Koiindang ta hranga Krista tuang bakhai kha ki takpumin ki isunzom mai a ni.

EFESI 1:23

Koiindang chu Krista takpum a ni, hmun tina thil tinrêng irkiptirtu irkipna kha.

2 KORINTH 12:19

Nin kuang ki thiamna thu insîr mai nin ni sôn thei. Ni make! Krista einia chong ang khan Pathian makunga kin iti a ni, thil tinrêng kin isinhai hi rual lungthunghai, nangni changpuina hrang zit a ni.

2 KORINTH 7:1

Ki rual lungthunghai, kha chonginkunghai murdi kha eini hrang a ni. Khasika khan, takpum le irtha porinche thei thil ata irkiang ei ta, Pathian mahrip tho pumin irthiangna irkiptir ei ti.

2 KORINTH 4:1

Pathianin a lungkhamna’n hi sin hi tho hrangin a ni pêka, khasikin kin zâmirzaltir ma ung.

2 KORINTH 3:8

Irtha sinthôna kha a iroiinpui ual hrang mo ni mah?

1 KORINTH 14:14

Chong inhriatloia ki chongchaiin chu ki’rtha kha a chongchai ngeia, ki ngaituana chu hmang ma ung.

ROM KHUAA MIHAI KUANGA TÎRTÔN PAULA LEKHATHON 15:29

Khan, nin kuang ki hong tika chu Krista satvurna famirkip pumin hong ki ti, ti kin hriat.

ROM KHUAA MIHAI KUANGA TÎRTÔN PAULA LEKHATHON 15:2

Iamnaa ei phun indet theina hrangin mâni bômhai inlômin an ta hranga thil sa tho tum seng ei ti.

ROM KHUAA MIHAI KUANGA TÎRTÔN PAULA LEKHATHON 12:7

sinthôna tiang a ni’n chu, sathnem irngai takin sinin lân, irchutirna tiang a ni’n chu irchutirin lân;

TÎRTÔNHAI SINTHO 20:28

Khasikin, Pathian Koiindang, a Nâipa thina sika ama ta hranga a isiam chunga belrapu chang unglân, nangni le belra pâl Irtha Irthiangin nangni a ikoihai satna hrang zong roi.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

TÎRTÔNHAI SINTHO 11:23

A zu tungin chu Pathian lungkhamna sintho chu a hmua, a sân a lôma; Iamom taka Rengpa chel khak ta hrangin an rêngin an thorhaia.

TÎRTÔNHAI SINTHO 9:31

Judai rama, Galili rama, Samari ram haia, a ram pumpuia koiindang mihai kha lungngam takin an oma, an det tîr tîra, Rengpa chi pumin an om saa, Irtha Irthianga irtharngamin an hong pung tîr tîra.

TÎRTÔNHAI SINTHO 1:25

Juda’n ama hmuna a fe theina hranga hi tîrtôn sin a imâk rak hmun thûl hrangin,” an tia.

TÎRTÔNHAI SINTHO 1:17

Ama kha ei laia a kop sa ngaia, ei sinthônaa hin khom dongtum nei hranga inthang sa a ni,” a tia.

2 TIMOTHEA toc2 2 TIMOTHEA 4:11

Luka vaiin a ni ompui. Marka kha, sintho lama ni thoptu satak a ni, hong hruai roh.

EFESI 4:29

Chong saloi rêng rêng hmang no roi, mi siaminsat thei vai, nin bâia suak ri se, khanchu a’rngaituhai hrangin lômom a ti.

EFESI 4:4

Nangni a ikoina san sabeina hmunkhat nei hranga koi nin ini angin, Takpum inkhat le Irtha inkhat vai a om.

2 KORINTH 13:9

Kin irzal zoro khomin nin lei hrât ngai sikin kin ilôm a ni. Khasikin nin sa irkipna hrang khomin kin nghi sa ngai.

1 KORINTH 12:7

Inlâp seng hrangin mi tin kuang Irtha inhriattirna kha a zuang tung senga.

ROM KHUAA MIHAI KUANGA TÎRTÔN PAULA LEKHATHON 12:5

khaang dênin eini khom tamtak ni inlân khom Kristaa khan takpum ôn anga irzom irhlôm seng ei ni.

2 KORINTH 13:11

Atûn chu, ki urênghai, lôm takin om roi. Sat irkipna hrangin irnak song unglân; ki ngênna irngai unglân; lung inrualin om unglân, irtha irngam takin om roi. Khanchu, lungthungna le irngeina Pathian kha nin kuang om a ti.