Ama khan, “Pathian Ram thurîl chu nangni inhriat hranga tho a nia, mi danghai ta hrang chu thu intak a ni; hmu chian khomhai sian hmu’n fel mahaia, inhre mai khomhai sian an inhriat thei nona hrangin.
Urênghaio, hi thu’rthup hi nin inhriat loi nuam ma ung; khano’nchu ki vâr dên lei irtina nin ti; Jentailhai an kop irkip mâka chu Israel mi senkhathai chunga hnangrakna la zuang tung bak a ti, ti hi.
Pathian chu chôiindôm ei ti; Ama’n chu Jisua Krista thu, Thurchi Sa ei ihril le tiana thurîl irthup lei inpuang tâk ang khan nin iamnaa det takin nangni an dettir thei a ni.
Thu’nsîr chu ki thei rak no khom a ni thei, khannisian, inhriatnaa chu khaang khan ni viat mah; ama kha chu itiklai khomin tinrênga nangni kin infel pe tâk a ni.
Thurchi Sa irthup kha kin hriat theia, hâitaka inpuangsuak hranga ki ngîr tika, Pathianin thu a ni pêk theina hrangin keima ta hrang khomin ni chongchai pe sa ngai roi.
An milung irtha a’rngam theina hrangin lungthungnaa an irsuikhôma, lam tinrênga milunga inhriat felna a sipa, Pathian thu’rthup, Krista kha, an inhriat thei ki inuam a ni.
Keini hrang khomin ni chongchai pe roi. A thu hrilna lampui Pathianin a nin hong pena hrangin, lung in ki intângna san Krista thurîl inpuang ki sunzom theina hrangin.
Tûte’n ei sakhua thu irthup roiinpuizia hi dik mah ti thei no ni: Ama kha taksa irputin a zuang inlanga. Irtha’n a dikzia an langtira, Vântîrtônhai khomin an hmua. Ama chu nam tin laia inpuang indarh a nia, Rammual pumpuia mihaiin an iama, Roiinpui taka lâkpai a ni ta.