EFESI 3:2 - PATHIAN LEKHABU IRTHIANG C.L. Bible (BSI)

² A lungkhamna sikin Pathianin nin ta hrangin hi sin hi tho hrangin a nin kung ti inhre ta nin ti.

EFESI 3:2 ပူးပေါင်းရင်းမြစ်များ

TÎRTÔNHAI SINTHO 13:2

Bu an ngheia Rengpa an biak suam laiin Irtha Irthiangin, “Barnaba le Saula hi anni ki inkungna san tho hrangin ni’rsentir roi,” a tia.

TÎRTÔNHAI SINTHO 13:46

Paula le Barnaba khan hâi takin, “Pathian thu hi nangni kuang hril masa hrang rêng a ni; khannisianlân, nin hnôla, kumtuang hringna nei zel loia nin irngai hnung chu inhre roi, Jentailhai tiang irhei kin ti.

TÎRTÔNHAI SINTHO 22:21

Ama khan ‘Fe roh, hla taka Jentailhai kuang nang ki itîr hrang a ni,’ a ni ti tâka,” a tia.

TÎRTÔNHAI SINTHO 9:15

Rengpa khan, “Fe chian roh, hi pa hi Jentailhai, rênghai le Israelhai kuang ki’rhming pe lûttu hranga ki mi inkung kêng a ini.

ROM KHUAA MIHAI KUANGA TÎRTÔN PAULA LEKHATHON 1:5

kha sika khan Pathianin nam tin laia mihai iama tak insôntir hrangin tirtôn nina sintum an inhlan a ni:

ROM KHUAA MIHAI KUANGA TÎRTÔN PAULA LEKHATHON 11:13

Nangni Jentailhai kuang thu ki insîr a ni. Keima hi Jentailhai hranga tirtôn ki ni sikin ki sinthôna sin hi ki inhlu a ni;

ROM KHUAA MIHAI KUANGA TÎRTÔN PAULA LEKHATHON 12:3

Pathian ni ipêk lungkhamna sika hin nin laia tukhom irngaiinhlu hrai loi hrangin nangni ki ingên a ni. Pathianin mi tin kuang iamna a ipêk ang takin, mâni irphu tôk lungrîl irput roi.

1 KORINTH 4:1

Keini hi Krista tirtôn le Pathian thutak irthup enkoltuhaiin ni bê roi.

GALATIA 1:13

Juda sakhuaa ki’rpêk laia ki om lam kha nin inhriat; Pathian koiindanghai laia hong lûta deng kin theitirhaia, inram chithai ki itum ngai kha.

EFESI 1:10

Kha a lungdo kha a zoro a chuk tika Pathianin thilsiam murdihai, irvân le irnênga omhai murdi intêl zita, Krista kha a lu taka siam hrang a ni.

EFESI 3:7

Pathian lungkhamna thilpêk a nin dongtir sika hin a sinthotheina hmangin kha Thurchi Sa sinthotua siam ki ni.

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

EFESI 3:9

Pathian itinrêng siamtu kuanga kumtuanga thu irthupa om, a lei irfûktir kha, mi murdihai kuang inlangtir hrangin a ni iphun a ni.

EFESI 4:21

A thu nin zôma, thutak, Kristaa om kha, irchutir nin ni tâka.

EFESI 4:7

Khanchu, Krista lungkhamna thilmanboi pêk chu a ruk a iti ang takin a ni ipêk seng a ni.

KOLOSA 1:4

Krista Jisua nin iiam tâk thu hai, mi irthiang murdi nin lungkham tâk thuhai kin lei inhriata.

KOLOSA 1:6

Nin kuang Thurchi Sa a hong tunga Pathian lungkhamna kha nin inhriat infel nî ata thil om dân ang khan rammual ram tina Thurchi Sa khan ra a suakin a indarh ta a ni.

1 TIMOTHEA toc2 1 TIMOTHEA 1:11

Inpâk inruk Pathianin inpuang hranga a ni inkoltir Thurchi Sa roiinpui irkalna tianga irchutir uar hai chunga irlek hrang a ni.

1 TIMOTHEA toc2 1 TIMOTHEA 1:4

Khaanga thonthu le irchibulhai sui suina kha inmatir roh, irsêlna an intamtirna mai maia, iamna sika irhriat ngai, Pathian thil tum chu, mi inhriat infeltir ual mahai.

1 TIMOTHEA toc2 1 TIMOTHEA 2:7

Keima hi, Jentailhai kuang chu iamna thu kha inpuang hrang le thutak irchutirtu le tirtôn hranga inkung ki ni; thutak ki insîr a ni, milak insîr ma ung.

2 TIMOTHEA toc2 2 TIMOTHEA 1:11

Kei hi kha Thurchi Sa inpuang hrangin Pathianin tirtôn le irchutirtu hranga inkung ki ni.