EFESI 2:8 - PATHIAN LEKHABU IRTHIANG C.L. Bible (BSI)

⁸ Lungkhamna sika iamnaa saninhring nin ni; nangni itho suak ni maka, Pathian thilpêk a ni.

EFESI 2:8 ပူးပေါင်းရင်းမြစ်များ

MATHAIA 16:17

Jisua’n a kuang, “Simon Barjona, taksa le thisenin nang a inhriattir ni maka, ka Pa irvâna mi’n nang a inhriatir a ni.

MATHAIA 20:9

Khohloi dâr ringa vêla sin kophai kha an hongin chu a duli chit an dong senga.

MARKA 16:16

Tukhom a iama, baptisma chang chu saninhringin om an ta. A iam loihai chu thiamno changin om an ti.

LUKA 7:50

Khan, nupang kuang khan, “Ni iamna hin nang a isaninhring a ni, irtharngam takin fe ta ro,” a tia.

JOHANA 3:36

Tukhom Nâipa iam chu kumtuang hringna an nei ta; Nâipa thu zôm loi chu hringna nei no nihaia, an chunga Pathian ningmur kha a om mai a tia.

JOHANA 4:10

Jisua’n a sâma, “Pathian thilpêk le ni kuang, ‘In hrang ni pe roh,’ tihtu hi inhre’n lân chu, a kuang ni inghi lem hrang a ni, ama’n chu tui hring nang a ipêk hrang a ni,” a tia.

JOHANA 5:24

“Thudik nangni ki hril, tukhom ki thu inhriata, a ni tîrtu iam chu kumtuang hringna a nei ta, thiamno changin om ta no nia, thina ata hringnaa a ilût tâk a ni.

JOHANA 6:35

Jisua’n, “Kei hi hringna bai chu ki ni; ki kuanga hong ka chu an phîngchâm no ni, tukhom a ni iam chu an tuiinhrâl ta no ni.

JOHANA 6:37

Pa’n ki kuanga a ni ipêk murdi chu ki kuang hong an ta, ki kuanga hong tâk ka chu inhnot suak no ning. Tukhom Pa hmu ngai mahai, Pa kuang ata zuang suak ni loi chu.

JOHANA 6:40

Ka Pa nuamlam chu hi hi a ni; Nâipa hmua ama iam murdi’n kumtuang hringna an neia, anni kha zoro hnungkhôna chu kaithoihai ki ti,” a tia.

JOHANA 6:44

Pa, a ni tîrtu’n a hong hruai no’n chu tukhom ki kuang hong thei no nihai; keima’n zoro hnungkhôna chu kaithoi ki ti.

JOHANA 6:65

Khasikin kêng nin kuang, “Pa’n fe theina nangni a pêk no’n chu tûte ki kuang hong thei mahai, ki iti kha,” a tia.

TÎRTÔNHAI SINTHO 13:39

Jisua iamtu murdi thiam inchangtir an ni ta. Kha kha Mosia Dânin mi thiam a inchangtir thei loi kha a ni.

TÎRTÔNHAI SINTHO 14:27

An tungin chu koiindang mihai chu an koi bukhaia, Pathianin anni hmanga thil a itho murdi le Jentailhai ta hrang khom Jisua iamna lam ar hong thuhai an hrila.

TÎRTÔNHAI SINTHO 15:11

Khaang khan ni ma! anni ang dênin eini khom Rengpa Jisua lungkhamna sika saninhring hrang ni’n ei irtûng,” a tia.

TÎRTÔNHAI SINTHO 16:14

Khahai laia mi ar hming Ludi Thuatira kho mi puan senduk zuar ngai, Pathian chi mi nupang inkhatin kin chong an hriata, khanchu, Paula thu’nsîr kha zôm hrangin Rengpa’n a lungrîl an vâr pea.

TÎRTÔNHAI SINTHO 16:31

Anni khan, “Rengpa Jisua iamin lân, khanchu saninhring nih ni ti, nangma le ni in sûng mihai le,” an tia.

ROM KHUAA MIHAI KUANGA TÎRTÔN PAULA LEKHATHON 10:14

An iiam loi chu itin mo an irlam hrang? An inhriat loi chu itin mo an iiam thei hrang? A hriltu om loiin teh itin mo an inhriat hrang?

ROM KHUAA MIHAI KUANGA TÎRTÔN PAULA LEKHATHON 10:17

Khanchu, thu chu inhriat sikin iam a nia, thu kha chu Jisua Krista thu kha a ni.

ROM KHUAA MIHAI KUANGA TÎRTÔN PAULA LEKHATHON 4:16

Abrahama irchi murdihai hrangin, dân zômtuhai vai ni loiin, ama iam anga iamtuhai hrangin Pathian thilmanboi pêk a nizia inlang hrangin iamna sikin kêng Abrahama kuang thu a inkung a ni.

ROM KHUAA MIHAI KUANGA TÎRTÔN PAULA LEKHATHON 4:5

Aniachu sintho loia, Pathian ngaisak loi, thiam inchangtirtu iam uala iamna kha, ama felnaa inkung a ni.

ROM KHUAA MIHAI KUANGA TÎRTÔN PAULA LEKHATHON 9:16

Khasikin, mihriam nuam lama mâni sinthoa ni loiin, Pathian lungkhamnaa a irnghat ual a ni.

GALATIA 3:14

Khanchu, Pathianin Abrahama sat a vurna kha Jentailhai kuang Kristaa khan a zuang tung tâka, eini hin Irtha pêk inkung kha iamna sikin ei lei dong tâk a ni.

GALATIA 3:22

Khannisianlân, Pathian Lekha thu khan, “Itinrêng hi sual thuhnuaia a om ta,” a tia; khanchu Jisua Krista iam sika dong hrang thil inkung kha a iam murdi kuang pêk a ni.

EFESI 1:19

Keini a iamhai laia sintho mai sinthotheina lianzia hai kha nin inhriat theina hrangin ki ingên a ni. Hi sinthotheina, einia sintho mai hi irtha lian,

EFESI 2:10

Thil sa tho hrangin Krista Jisuaa khan isiama omin ama kut suak ei hong nia; kha thil sa tho kha ei omna hrangin Pathianin a lei isiam irfûk a ni.

EFESI 2:5

ei thu zôm loina sika irtha tiang thi ei ni lai tak khomin, Krista leh a ni inhring tâk a ni. Pathian lungkhamnaa saninhring nin ni tâk.

FILIPI 1:29

Krista sika ama nin iiam vai ni loiin, ama sika nin ituang sa hrang khomin phal nin ni.

KOLOSA 2:12

Baptismaa khan a kuang phûm sa nin nia, mithi lai ata ama kaithoitu Pathian sinthotheina iam sikin amaa khan kaithoi sa nin ni.

2 THESALONIKA toc2 2 THESALONIKA 1:9

Kha mihai kha Rengpa makunga le a sinthotheina roiinpui taka irthokin kumkhua siatnaa khan pai ni an ti.

HEBRAI toc2 HEBRAI 6:4

Khan, voikhat chu Pathian vâra om tâka, irvân thilpêk irtem tâka, Irtha Irthiang khom dong tâka,

1 PETERA toc2 1 PETERA 1:5

Ama nin iam sikin saninhringna sinsiam sai, zoro hnungkhôna inlang a ni dênin, Pathian sinthotheina khan nangni vong a ti.