EFESI 2:12 - PATHIAN LEKHABU IRTHIANG C.L. Bible (BSI)

¹² Kha lai khan Krista la nei mak chêia, Israel in sûngkua ata mi dang nin nia, Pathian thu’nkunga thuthung pên tianga mi nin ni saa, rammuala hin sabeina rêng neiloi le Pathian tak inhre loia nin iom kha inhre mai roi.

EFESI 2:12 ပူးပေါင်းရင်းမြစ်များ

IRPHUTNA 15:18

kha nî tena chu Rengpa’n, “Hi ram hi, Aigupta Tui ata Tuipuilian (Eufrates) tui dênin ni’rchihai ki pêk ta,

2 THURCHI SUINA 15:3

Israelhaiin chu Pathian tak biak loiin zoro sôttak an oma, ar chutir hrang ochai khom nei mahaia, dân khom inhre mahai.

EZRA 4:3

Khannisianlân Zerubabela le Jesua le Israelhai in sûnga ulianhai leh a danghaiin an kuang, “Kin Pathian in sinna hin, nin kopna hrang ite lampui om mah; Persia rêng Kura’n thu a ni ipêk ang hin keinihai vaiin kêng Rengpa Israelhai Pathian in chu kin isin pe hrang,” an tia.

FESUAKNA 12:45

Nam dang le suaka nin ihmanghaiin chu an ifâk hrang ni mah.

ISAIA 14:1

Rengpa’n Jakoba-hai chu inrenhai a ta, Israelhai inthanghaiin an rama inomtirhai a ti; khan ram dang mihaiin hong thophai an ta, Jakoba in mihai chu thophai an ti.

ISAIA 44:6

Itinrêng Rengpa, Israelhai rêng, anni irtanpu Rengpa’n hiang hin a ti: ‘Kei hi a bul le a mong ki ni,’ Keima ti no hi Pathian dang om mahai.

ISAIA 45:20

Siatna ata zôkhai, nam tinrênghaio, Hong unglân, hong irbuk roi, tûte châng thei ngai loi thingtum millim, pathiana biakhai hin ite thil inhriatna nei mahai.

ISAIA 61:5

Nam danghai chu hmanghai nin ta, nin sa vâihai enkol an ti, ram dang mihaiin nin loi phol an ta, nin grep irhuanhai chuan an ti.

JEREMIA 14:8

Nangma vai hi Israelhai itûng ni nia, vânduaina ata nin zôktu chu nangma vai hi ni ni. I lo hrang mo kin rama hin mikhual angin zân khat riak hrang anga mikhualin ni iom?

JEREMIA 17:13

Rengpa, nangma chu Israelhai isabei tak ni nia; Nangma nang mâktuhai chu mualinphoi an ti. Rengpa hringna tuihnâr thar tak chu nang an mâk sikin. Pil kâra irhming irziak angin irhmang an ti.

EZEKIELA 13:9

Khan, ki kut hin thu dikloi hriltuhai le deipu tep loi ma mai hmutuhai chu doi ki ta, ki mihai inkhômnaa khan om sa thei no nihaia, Israel insûngkuahai irhming irziakna bua khan irziakin om no nihai; Khanchu Rengpa pathian chu ki nih ti inhriat nin ti.

EZEKIELA 37:26

Kumtuanga lungthi taka an om theina hrangin anni leh thuthung siam ki ta, khataka khan phunhai ki ta, inpunghai ki ta, ki biakbuk chu an rama sia ki ta, khataka khan kumtuangin om ta a ti.

EZEKIELA 47:22

hihai hi kumkhua irchon hrang chu ni a ta, khanchu ram dang mi nin laia om nâi le tehai lei nei tâkhai khom khan ram kha nin irsem tena anni khomin dongtum nei an ti. Anni chu Israel mihai anga tep sa ni an ta, Israel mihai laia khan tasân pumin ram kha anni’n dong an ti.

HOSEA 3:4

Israel, irchihai kha nikho tamtak inlaltak le milian le lungphun ser le ochai songkol mani, millimhai mani nei loiin an iom hrang a ni.

NAMBAR 18:19

Nangma le ni nâipasalhai le ni nâinupanghai kuanga kumtuanga an inhlanhai hi nangni ki ipêk a ni. Hi hi indanglamtir thei loi thuthung nangma le nir chi suanpârhai kuanga ki inkung chu a ni,” a tia.

LUKA 1:72

Ei irchibulhai lung an khamzia an langtira, A thuthung irthiang an hriat mai a ni.

JOHANA 10:16

Hi belra kula mi ni loi hi belra dang ki nei; anni khom ki la hong ihruaihai hrang a ni, ki hnukirhai khom inhria an ti, khanchu pâl khatin om an ta, a enkoltu inkhat leh.

JOHANA 15:5

“Kei hi grep râng ki ni, nangni a ônhai nin ni. Tukhom keimaa a om maia, kei khom amaa ki om maina chu tamtakin a ra ngai; keima boiin ite tho thei mak chêi.

JOHANA 4:22

Nangni Samarihaiin chu nin inhriat loi chubai nin mûka, keini Judahaiin chu kin inhriat kêng chubai kin imûk ngai; saninhringna chu Judahai kuang ata hong suak a nia.

TÎRTÔNHAI SINTHO 2:39

A inkung hi nangni le nin nâihai le ram hla taka mi murdihai hrang le Rengpa ei Pathianin a kuanga a ikoihai hrangin a ni,” a tia.

TÎRTÔNHAI SINTHO 28:20

Khasikin nangni hmu le nangni chongpui nuamin nangni ki ikoi buk a ni; Israelhaiin an isabei ngai, kha pa sika khan hi thîrhrui hi ki ibun a ni,” a tia.

TÎRTÔNHAI SINTHO 3:25

“Deipuhai le nin irchibulhai kuanga thuthung a ipêk khom kha nin idong sa tâk a ni. Pathianin Abra-hama kuang, “Ni’rchihai sikin rammuala mi murdi satvur ki ti,” a lei iti ang khan.

ROM KHUAA MIHAI KUANGA TÎRTÔN PAULA LEKHATHON 9:8

Khanchu taksa tianga a nâihai chu Pathian nâihai ni ual hliak mahai, Pathian thu’nkung sika a nâihai chu Abrahama irchi dik taka bê an ni.

GALATIA 4:8

Tianlai khan Pathian lan hre ngai mak chêia, khasikin an irzir dân reng khoma Pathian ni ngai loihai suaka nin om ngai kha.

EFESI 2:19

Khanchu, atûn hin mikhual le mi châm mai ni ta mak chêia, mi irthianghai leh khan tualkhat le Pathian in sûngkua nin ni sa tâk.

EFESI 4:18

An lungrîl a zîng zoia, inhriatna nei mahaia, an milung an incho tâk sikin Pathian hringna tak ata senin an om ta.

KOLOSA 1:21

Nangni khom tiana khan chu Pathian ata mikhual nin nia, thil sual nin irngaituaa nin tho ngai sikin râl nin ni.

KOLOSA 1:27

Kha mihai kuang khan Nam tin ta hranga thu’rthup roiinpui le hlu tak kha Pathianin inhriattir a nuam ngei a ni; kha thu’rthup kha, Krista nangnia om, roiinpuina sabeina san kha a ni.

KOLOSA 1:5

Thurchi Sa thutak nin inhriat ata sabeina nin lei nei tâk sika a ni, kha sabeina kha nin ta hrangin irvâna sia insa a ni.

1 THESALONIKA 4:13

Urênghaio, sabeina rêng neiloi mi danghai anga nin beidong loina hrangin, a thi tâkhai thurchi nin inhriat kin inuam a ni.

1 THESALONIKA 4:5

Pathian inhre loi Jentailhai angin taksa irzukna lût no roi.

2 THESALONIKA toc2 2 THESALONIKA 2:16

Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

1 TIMOTHEA toc2 1 TIMOTHEA 1:1

Keima Paula, a ni saninhringtu Pathian le ei isabei irnghatna Krista Jisua thupêk anga Krista Jisua tirtôn hin,

HEBRAI toc2 HEBRAI 11:34

mei inthanghai an thata, khandaia that an zôk a ni. Hrât no an lei nia, khannisianlân, iamna’n an hrâta, Israel buala khan mi hrât an nia, nam dang râl pâlhai kha an inhnê ngai.

HEBRAI toc2 HEBRAI 6:18

Khasikin Pathianin thil inhni a chonginkung danglam loi hrang le khomâksâm irkhêl loi hrang hmangin eini a kuanga zôkna hmuhai hin ei matona tûngna om hi intûk indet ngit hrangin a nin thor tak tak a ni.

HEBRAI toc2 HEBRAI 8:6

Khannisianlân, atûn chu, anni nêka an chung ual ochai sin kha Jisua ipêk a ni ta, thuthung, Pathian le mihriam kâra a irfûk kha a isa ual ang khan, kha thuthung kha thil sa ual inkungnaa inding a ni tâk sikin.

1 PETERA toc2 1 PETERA 1:21

Ama zâra mithi lai ata kaithoitu le roiinpuina pêktu Pathian kha, nin iam tâka, khanchu Pathian kha nin iamna le sabeina nin irnghatna tak a hong ni ta.

1 PETERA toc2 1 PETERA 1:3

Ei Rengpa Jisua Krista Pathian le Pa chu inpâkin om ri se. Jisua Krista kha mithi lai ata kaithoiin sabeina hring nei hrangin a za’rngaina roiinpui tak khan a nin hring nôk tâka.

1 PETERA toc2 1 PETERA 3:15

Krista kha inza unglân, nin lungrîla rênga nei roi. Nangnia om nin isabei nasan chu nangni irdon murdi chu sâm hrangin irsiam diam roi.

1 JOHANA 3:3

Tukhom, Kristaa sabeina nei murdi’n chu ama a irthiang angin a’rthianginfâi ngai.