EFESI 2:11 - PATHIAN LEKHABU IRTHIANG C.L. Bible (BSI)

¹¹ Nangni, irzirnaa Jentail, taksa kuta sertanhaiin, “Sertanloi” nangni an iti ngai kha.

EFESI 2:11 ပူးပေါင်းရင်းမြစ်များ

EZEKIELA 20:43

Khataka khan nin omdânhai le nin sinthohai, nin thil tho porinchena murdihai chu inhresuak ta nin ti; khanchu nin thil tho insual murdihai sikin nangni mithmu ngeia nangni le nangni chu irtheimâk irhlôm ta nin ti.

EZEKIELA 36:31

Nin omdân pualoihai le nin sin siat thohai kha inhre suak nin ta, khanchu nin porinchenahai le nin sualnahai sikin nin mithmu ngêta khan nin bingin irtir irhlôm nin ti.

MATHAIA 20:7

Anni khan a kuang, ‘Tûte’n irhlo hrangin an ni koi no sikin,’ ti’n an sâma. Khan ama’n an kuang, ‘Nangni khom fe unglân, grep irhuana va sin roi,’ a ti pehaia.

ROM KHUAA MIHAI KUANGA TÎRTÔN PAULA LEKHATHON 11:17

Oliv thing ôn senkhat kha sât thâkin, nangni oliv dolhai kha oliv kunga khan zom nin nia; irzung sa kha nin thop sa tâka.

ROM KHUAA MIHAI KUANGA TÎRTÔN PAULA LEKHATHON 2:26

Sertanloiin Dân a zômin chu sertan anga bê a ini loi hrang ma ni?

ROM KHUAA MIHAI KUANGA TÎRTÔN PAULA LEKHATHON 2:27

Nangni’n ser nin tana, Dân thu irziak nin neia, khannisian Dân thu chu inchâi nôka, Jentail, taksa sertan loihai chu Dân thu chu an zôm ngit nôka, thiamno nangni an inchangtir hrang a ni.

1 KORINTH 12:2

Jentail mi nin ni lai khan millim chongtheiloi tiang nangni an hruai irhmang ngai ti nin inhriat.

1 KORINTH 6:11

Nangni khom senkhat chu khaanga mi nin lei ni ngai. Khannisianlân, sualna ata infâiin Pathian kuanga inhlan nin ni tâka, ei Rengpa Jisua Krista le ei Pathian Irtha sikin Pathian kuang thiam nin chang ta.

GALATIA 2:15

Eini chu Juda mi hrang piala suak ei nia, “Jentail mi sual” an iti ngai ang ni mak meh.

GALATIA 6:12

Taksa tianga, ser tan hranga nangni inphût ngaihai kha a chungphua tiang ringot inlanga, irpâk nuamhai kha an ni. Kha kha an tho ngai, nikhomsianlân, Krista Kros sika dengtheina an zôkna hranga paia an itho ngai a ni.

EFESI 2:2

Kha laia khan chu rammuala lampui sa loihai zuiin, boiruaka irtha sinthotheinahai roirêltu thu nin izôm a ni, atûna Pathian thu zôm loihai laia sintho mai irtha hi.

EFESI 5:8

Tiana khan chu inthim nin nia, atûn chu Rengpaa vâr nin hong ni ta, ivâra omhai angin nin iom ngêt hrang a ni.

DÂN INHNINA 15:15

Aigupta rama khan suak nin nih ti kha inhre mai roi; Rengpa nin Pathianin suak nangni a insua a ni.

DÂN INHNINA 16:12

Hi thu’nkunghai hi ngûk takin zôm unglân, Aigupta rama suak nin ni ngai kha inhre mai ngai roi.

DÂN INHNINA 5:15

Aigupta rama, mi siahlo nin ini kha inhre mai roi. Khataka ta kha Rengpa nin Pathian hin a sinthotheina roiinpui tak hmangin nangni a ihruaisuak kha. Khasikin, Rengpa nin Pathian khan sabat nî hi ser hrangin nangni a iti a ni.

DÂN INHNINA 8:2

Kum sômminli sûng ringot Rengpa nin Pathian khan ramchâra nangni a inchaitir kha inhre mai roi; deng nangni an theitira, nangni a fiaa, a thupêkhai kha nin izôm hrang mo zôm loi hrang nin lungrîl inhriat a inuam a ni.

DÂN INHNINA 9:7

Ramchâra khan Rengpa nin Pathian kha ning nin inmurtir kha inhre mai unglân, irnghil no roi. Aigupta ram nin suaksan nî ata atûn ten hin Rengpa ata tehel zong intam ngai nin ni.

FILIPI 3:3

Eini Pathian Irtha zâra Pathian biak le Krista Jisua songa pên tiang thila irnghat loihai hi sertan dik tak ei ni ual a ni.

KOLOSA 1:21

Nangni khom tiana khan chu Pathian ata mikhual nin nia, thil sual nin irngaituaa nin tho ngai sikin râl nin ni.

KOLOSA 2:11

Kristaa khan sertan nin ni tâk, mihriam kuta tan ni loiin, sual sinthotheina ata kêlsuana hrangin Kristaa sertan nin ni ta.

KOLOSA 2:13

Nin porinchenahai le taksaa sertan loi nin ni sikin thi nin nia, khannisianlân, Krista leh nangni an hringtir tâka, ei porinchenahai murdi ngaidam a ni ta.

KOLOSA 3:11

Kha hringna thar khan Grik le Juda, sertan le tanloi, Oze le Skuthia mi, suak le suakloi om thei mah, Krista vai hi itinrêng a nia, itinrênga a om.

1 SAMUELA 17:26

Khanchu Davida khan a kôla ngîrhai kha ar donhaia, “Hi Filistia mi hi that theia, Israelhai irhming siatna inboitirtu kha imo an ipêk hrang? Hi sertan loi Filistia mi hi tu ngân mo a ini, Pathian hring sipaihai a isarai ngân hi?,” a tia.

1 SAMUELA 17:36

Kâmkeibaknei le savom ki thathai suam thei ngaia, kha sertan loi Filistia mi, Pathian hring sipaihai hong saraitu kha lo pol chit ki ti.