EFESI 2:10 - PATHIAN LEKHABU IRTHIANG C.L. Bible (BSI)

¹⁰ Thil sa tho hrangin Krista Jisuaa khan isiama omin ama kut suak ei hong nia; kha thil sa tho kha ei omna hrangin Pathianin a lei isiam irfûk a ni.

EFESI 2:10 ပူးပေါင်းရင်းမြစ်များ

INPÂKNA HLAHAI 100:3

Rengpa chu Pathian a nih ti inhre unglân, A ni siamtu chu ama a nia; Ama ta ei ni. A mihai le a sa vâina hmuna belrahai ei ni.

INPÂKNA HLAHAI 119:3

Anni khan sa no rêng rêng tho ngai mahaia; Rengpa lampuia khan an fe ngai.

INPÂKNA HLAHAI 138:8

Rengpa khan ki kuanga a chonginkung chu hlen a ta; Kumkhua’n om a ti. Nangma kut sinthohai hi hlo inchuk roh.

INPÂKNA HLAHAI 51:10

O Pathian, keimaa hin milung irthiang tak siamin lân; Ki phîng sûnga hin irtha diktak siamthar nôk ro.

INPÂKNA HLAHAI 81:13

O, ki mihai hin ki thu irngaiin, Israelhai hi ki lampuihaia hin fehai sianlân chu o!

ISAIA 19:25

Itinrêng Rengpa khan sat a vur ata, “Ki mi Aigupta mihaio, ki kut suak, nangni Assuria mihai, nangni ki irtan, nangni Israel mihaio, bor nangni pe ki ti,” la ti a ti.

ISAIA 29:23

Ki ipêk an nâihai chu, an laia om an hmu tena chu, ki’rhming chôiindôm an ta, Jakoba mi irthiang chu inzak an ti. Israelhai Pathian chu mahrip tho an ti.

ISAIA 43:21

Keima hranga ki isiam an ni. Ni lan pâk ngêt an ti.

ISAIA 43:7

An rêngin ki’rhming irput an ni, ki roiinpuina inlangtir hranga ki isiam an nia, Ki kut suak zit an ni.

ISAIA 44:21

Jakoba, hi hi inhre mai ro, Israel, nangma hi chu ki siahlo ni ni, ki siahlo ni hrangin nang ki siama, O Israel, nang irnghil ngai ma ung.

ISAIA 60:21

Ni mihai chu mi dik ni ving an ta, ram chu lua mai ta nin ti. Keima iphun ki kut suak a ni sikin, ki roiinpuina mi tin mithmua kin langtirna a ni.

ISAIA 61:3

Zion khua beidonghai inthâi hrang le an beidongnahai ata inhartirhai hrangin, porche taka om inhartirhai nôkna hrangin, a lei ngûi tâkhai inpâkna hla insaktirhai nôk hrangin tîr ki ni. Rengpa’n ama chôiindôm hranga a iphun thing inditom taka an nih ti thu hril hranga ki ni.

JEREMIA 31:33

Kha ni tena Israel in sûngkuahai le ki thuthung hrang chu hi hi a ni. An lungrîla ki dân sia ki ta, an milunga irziak sa ki ti. Kei an Pathian ni ki ta, anni chu ki mihai ni an ti.

MATHAIA 5:16

Khaang dênin nin vâr kha mi mit hmu’n vâr ri se; khanchu, nin thil tho sahai kha hmu an ta, nin Pa irvâna mi chôiindôm thei an ti.

JOHANA 3:21

Sin dik thohai murdi’n vâra an hong ngai, an sinthohai kha Pathian thu zôma tho an nih ti an langna hrangin.

TÎRTÔNHAI SINTHO 9:31

Judai rama, Galili rama, Samari ram haia, a ram pumpuia koiindang mihai kha lungngam takin an oma, an det tîr tîra, Rengpa chi pumin an om saa, Irtha Irthianga irtharngamin an hong pung tîr tîra.

TÎRTÔNHAI SINTHO 9:36

Khan, Jopa khuaa irchutir inkhat Tabiti a oma, a Grik irhming chu Dorki a ni, kha kha ‘Sazukilla’ tihna a ni. Thil sa tho le inrianghai changpuina’n a zoro a lei hmang ngai a ni.

ROM KHUAA MIHAI KUANGA TÎRTÔN PAULA LEKHATHON 8:1

Khasika khan atûn chu Krista Jisua omhai ta hrangin chu thiamno inchangtirna zel om ta mah.

ROM KHUAA MIHAI KUANGA TÎRTÔN PAULA LEKHATHON 8:29

a lei inhriathai kha ama Nâipa ang taka om hrangin a lei inkunga; khanchu, a Nâipa chu urêng tamtak laia nâi lutîr tak a hong ini hrang a ni.

1 KORINTH 3:9

Pathian ta hranga sin suam kin ni, nangni hi Pathian loimân nin ni. Pathian in sin nin ni sa.

2 KORINTH 5:17

Tukhom, Kristaa a omin chu, thilsiamthar a hong nia, thil miluihai chu a boia, irngai u ta, a hong thar ta.

2 KORINTH 5:5

Khaang hranga khan a ni siam irfûktirtu chu Pathian a ni, irkhâmna Irtha ni pêktu kha.

2 KORINTH 9:8

Pathian chu nin innang thil sa tinrêng nangni a pêk theia. Khabana nin innang nêka tam khom thil sa nin tho theina hrangin nangni a pêk belsa thei a ni.

GALATIA 6:15

Mi’n ser an itan le tanloi ite poimo mah, Siamtharna hi a poimo tak chu a ni.

EFESI 1:1

Pathian nuam lama Krista Jisua Tirtôn Paula khan, mi irthiang Efesi khuaa om, Krista Jisua mi iamomhai chubai ki mûk.

EFESI 1:4

Irthiang le sêlnaboia a kuang ei om theina hrangin irnêng irsiang mân khan lung a ni thunga, Kristaa khan a nin thang ta.

EFESI 2:13

Khannisianlân, atûn chu Krista Jisuaa, nangni tiana hla taka omhai kha, Krista thisen sikin irnâitirin nin om ta.

EFESI 2:15

Dân thupêkhai le tho hrang omhai kha an mongtira, keini le nangni, amaa khan, mihriam thar, pumkhata a ni siama, irngeina a zuang intung tâka.

EFESI 2:2

Kha laia khan chu rammuala lampui sa loihai zuiin, boiruaka irtha sinthotheinahai roirêltu thu nin izôm a ni, atûna Pathian thu zôm loihai laia sintho mai irtha hi.

EFESI 2:6

Krista Jisua leh ei irzomna sika khan irvân Rama ama leh roirêl hrangin ama pâlin a ni kaithoi tâka.

EFESI 4:1

Khanchu, nangni a ikoina irphua om hrangin kei, Rengpa sika intâng hin, nangni ki ngên.

EFESI 4:24

thutaka suak, felna le irthiangnaa Pathian anga siam, mihriam thar khan, irbel roi.

DÂN INHNINA 32:6

Mi’nvêt le mi hnanghaio, hiang hin mo Rengpa nin Pathian kha nin ithuan hrang? Nangni neitu nin pa a ni, nangni a siama, nangni a inpuihlingtir a ni.

DÂN INHNINA 5:33

Rengpa nin Pathianin nin fena hrang a itia khan nin ife thiai hrang a ni; khanchu, dam nin ta, irhniang nin ta, nin ram nei hranga khan sôt tak nin idam hrang a ni.

FILIPI 1:6

Nangnia hi thil sa insuaktu khan Krista Nikhuaa puihling dênin a tho mai ki iam ngit a ni.

FILIPI 2:13

Ama nuamlam tho tum hrang le tho thei hranga nangnia sintu kha Pathian a ni.

KOLOSA 1:10

Rengpa mi nin rukin, lam tinrênga inhriatnaa nin irsôn inlian theina hrangin kin ngên ngai a ni.

KOLOSA 3:10

Mihriam thar khan nin irbel tâk sikin; Pathian inhriat infel hrangin kha mihriam thar kha a siamtu anga om hranga siam thar mai a ni.

2 THESALONIKA toc2 2 THESALONIKA 2:17

nin lungrîl irtharngamtir sianlân, thil sa tinrêng nin itho le nin insîra khan nangni inhrât mai ri se.

1 TIMOTHEA toc2 1 TIMOTHEA 2:10

Pathian ngaisak nupanghai tho irhoi, thil sa tho’n irbel ual ri sehai.

1 TIMOTHEA toc2 1 TIMOTHEA 5:25

Khaang dênin thil tho’n sa chu an lang pama, inlang no khom sian, thup mai thei chu ni mah.

1 TIMOTHEA toc2 1 TIMOTHEA 6:18

Thil sa tho hrangin, thil sa thoa irchong hranghai phal taka mi danghai sem sa ngai hrangin inthor roh.

2 TIMOTHEA toc2 2 TIMOTHEA 2:21

Hi thil saloi ki insîrhai ata irkêm mi hi chu hmangrua hlu, in Neitupa hrangin hmang zât, irsûkinfâi diam, sin sa tinrêng sinna hranga hmang zôi thei hranga irsiam chak ang hi lei ni a ti.

2 TIMOTHEA toc2 2 TIMOTHEA 3:17

Khaanga hmangin kêng Pathian mi chu hmang inruk a hong nia, thil sa tinrêng thothei hranga irbel a hong ni ngai a ni.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

TITA toc2 TITA 2:7

Nangma len vâng chu thil sa tinrêng thôna lama entonrua takin omin lân, mahripom tak le a sate’n mi irchutirin lân,

TITA toc2 TITA 3:1

Roirêltuhai le irchamneihai kuang irpelûta an thu zôm hrangin le lam tinrênga sin sa tho hranga irzoi diama om hrangin inhretir nôk roh.

TITA toc2 TITA 3:14

Ei mihai kha ra loia an om loina hrang le thil kâmom poimohai kha irsam loi hrangin sin tho nuam mai hrangin irchutirhai roh.

TITA toc2 TITA 3:8

Hi thu hi a dik a ni. Pathian iam tâkhai chu thil sa tho nuamna lungrîl an irput zêl theina hrangin hi thu hi uar hrangin nang ki nuam a ni; kha kha a saa, tu hrang khomin a inlâp a ni.

HEBRAI toc2 HEBRAI 10:24

Lungirthung le sin sa sina inthor irhlôm hrangin ngaitua seng ei ti.

1 PETERA toc2 1 PETERA 2:12

Jentailhai lai ata satakin lêng unglân, thil sual thoa nangni an bê khomin nin sintho sahai anni ngêtin hmu an ta, Pathianin nangni a zuang hro tika ama chôiindôm thei an ti.

1 JOHANA 1:7

Ama vâra a om angin vâra ei iomna san chu ei irpôlkhôm hi a ni, A Nâipa Jisua thisenin ei sual murdi a ni’rsûkinfai tâk a ni.

1 JOHANA 2:6

Tukhom, Pathian leh irzomin ki om mai titu kha Jisua Kristaa om angin a iom sa hrang a ni, ti hi.