EFESI 1:7 - PATHIAN LEKHABU IRTHIANG C.L. Bible (BSI)

⁷ Krista thisenin irtan ei ni tâka, ei sualnahai ngaidam a ni tâk. Pathian lungkhamna chu an thûk tak taka.

EFESI 1:7 ပူးပေါင်းရင်းမြစ်များ

JOBA 33:24

Khanchu kha mi khan, “Lungkham takin, Ama chu mithi khua lan fetir loiin saninzôk ro; Irtanna ki hmu ta,” ti sian.

INPÂKNA HLAHAI 130:4

Khannisianlân, ni ni ngaidama, Nang ki chi theina hrangin.

INPÂKNA HLAHAI 130:7

O Israelhai, Rengpa chu tûng roi, Rengpa kuang khan lungkham lianna a oma, a kuanga khan irtanna a om.

INPÂKNA HLAHAI 86:5

Rengpa, nang chu ni saa, ngaidam ni nuama, Nang a koitu murdi chunga lungkhamna ni sip ngai a ni.

FESUAKNA 34:7

Suanpâr dênin ki chonginkung tho ngaitu, pualoina le tehelna le sual ngaidam ngai; khan nu le pahai sualna sikin nâihai le tu le te irlo inthum le minli dên khomin dûk intongtirhai lêk no ning,” a tia.

ISAIA 43:25

Keima hi ki nih nin sual ngaidam theitu chu, keima sikin kêng nangni ki ingaidam, Nin sualnahai inhre mai loia ki iom a ni.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

DANIELA 9:19

O Rengpa irngai ro, o Rengpa ngaidam ro; O Rengpa irngaiin lân tho ta ro; ir-ial no ro; o ki Pathian, nangma sikin ni khopui le ni mihai nir hming pêla an om sikin,” tiin.

DANIELA 9:9

Za’rngaina le ngaidamna chu Rengpa kin Pathianin a nei, a chunga irhel pe khom inlân;

JONA 4:2

Rengpa kuanga khan a chongchaia, “O Rengpa nang ki ngên, hi hi kin rama ki om laia ki insîr kha mo ni ma? Hi sika hin Tarsis tiang ki intânpat a ni kha te: nang chu lungkhamna sip, thil saloi tiang ata irheikîr ngai ni nih ti kin hriat.

MIKA 7:18

Nang anga pualoina ngaidamtu le irchon dongtum la omsun, tho’nsualna lôipaitu Pathian tu mo om? A ninginmurna kha vong mai ma, lungkhamnaa a lôm tak tak ngai sikin.

ZAKARIA 13:1

Khan Sipaihai Rengpa’n, “Kha zoro kha a hong tung tena chu, Davida irchi suanpâra mihai le Jerusalema mihai, an sualnahai le an millim biaknahai thâr irthiangna hrangin tuikuang inhong pe ni an ti.

ZAKARIA 13:7

Khan Sipaihai Rengpa’n hiang hin a hrila, “O khandai, harin lân, keima ta hrang sinthotu belrapu kha that roh. Ama chu thatin lân, belrahai chu irthekindarh an ti.

ZAKARIA 9:11

Khan Rengpa’n hiang hin a hrila, “Nangma le ki thuthung, irbôlna thisena namindeta om, khasika vai khan ni mihai chu lan suahai ki ti, Khur sûng tui om loina, sal intângna rengata kha lan suahai ki ti.

MATHAIA 20:28

Mihriam Nâipa khom hi sintho pe hrangin zuang maka, sintho hrang le mi tamtak irtan hranga a hringna pe hranga a izuang a ni,” a tia.

MATHAIA 26:28

hi hi ki thisen mi tamtak sual ngaidamna hranga suak hrang, Pathian thuthung indetpu kha a ni.

MATHAIA 6:12

Kin chunga tho insualtuhai kin ngaidam angin, nang khomin kin tho insualnahai ni ngaidam roh.

MARKA 14:24

Khanchu, Jisua’n an kuang, “Hi hi ki thisen mi tamtak ta hranga suak, Pathian Thuthung Thar namindetna a ni.

LUKA 1:77

An sualhai ngaidamin, a mihai kuanga saninhring thu inhriattir hrangin.

LUKA 24:47

Ama irhmingin irletna le sual ngaidamna thu Jerusalem ata nam tin laia insîr la ni a ti.

JOHANA 20:23

Tu sual khom nin ingaidamhai ka chu ngaidam ni an ta, nin ingaidam loi chu ngaidam ni no nihai,” a tia.

TÎRTÔNHAI SINTHO 10:43

Tukhom, Ama iam tâk chu ar hming sikin a sualhai ngaidamin om a ti, tiin deipu murdihai khomin a Thurchi an insîr ngai,” a tia.

TÎRTÔNHAI SINTHO 2:38

Petera’n, “Irlet unglân nin sualhai ngaidam a nina hrangin Jisua Krista irhmingin baptisma chang chit roi; khanchu, hi thilpêk, Irtha Irthiang hi, dong nin ti.

TÎRTÔNHAI SINTHO 20:28

Khasikin, Pathian Koiindang, a Nâipa thina sika ama ta hranga a isiam chunga belrapu chang unglân, nangni le belra pâl Irtha Irthiangin nangni a ikoihai satna hrang zong roi.

TÎRTÔNHAI SINTHO 3:19

Khasikin nin sualhai irlet unglân, Pathian tiang hong kîr nôk roi.

ROM KHUAA MIHAI KUANGA TÎRTÔN PAULA LEKHATHON 2:4

A ninole, nangni irlettir a nuam sikin Pathian chu khonzâna neiin nangni a nghâk ngai tih inhre loiin satna a nei intamzia le a tuangdiarzia le a entheizia chu a ingainêp ma ni?

ROM KHUAA MIHAI KUANGA TÎRTÔN PAULA LEKHATHON 3:24

Khannisianlân, Jisua Krista irtanna zâra Pathian chu a lungkhamna sika vai mi manboiin thiam an changtir ta.

ROM KHUAA MIHAI KUANGA TÎRTÔN PAULA LEKHATHON 3:25

Pathianin ama kha a thisen tûng sika sual thupha chôina ni hrangin an kunga, mi thiam a inchangtir lam inlangtir hranga tho a ni.

ROM KHUAA MIHAI KUANGA TÎRTÔN PAULA LEKHATHON 9:23

Khan, a lunginkhamna bêl, a roiinpuina dong hranga a isinsiam, einihai kuanga hin, a roiinpuina irkhêl tak a zuang inlangtir tâk a ni.

1 KORINTH 1:30

Nangni chu, Krista Jisuaa khan nin om tâka; ama chu Pathian kuang ata, eini ta hrangin chu vârna hai, thiam inchangtirna hai, irthiangna hai le irtanna hai a lei ni tâka.

2 KORINTH 8:9

Ei Rengpa Jisua Krista lungkhamna nei intamzia chu nin inhriat; inriangna sikin nin hong irchong theina hrangin irchong ok khomsian, nangni sikin a lei inriang tâk a ni.

EFESI 1:14

Kha kha Pathian roiinpuizia inpâkna hranga ama ta ngei irtan suakna hranga ei irchon luana hranga khapna a ni.

EFESI 1:18

Ama vâr nin hmu theina hrangin nin lungrîlhai ar honga, nangni a koinaa tûngna om hai, a mihai hranga a inkung satvurna irkhêl tamzia hai leh.

EFESI 1:6

A lungkhamna roiinpui tak sika a Nâipa lungthunga thilmanboi pêk sikin Pathian inpâk ei ti.

EFESI 1:8

Kha lungkhamna kha vârna le inhriattheina chuminbak takin a ni ivur tel a ni.

EFESI 2:4

Khannisianlân, Pathian khonzana kha a itamin a milung ni thungna kha a ilian a ni,

EFESI 2:7

Khahai murdi a thôna san chu zoro la hong hranghaia Krista Jisuaa lungthungna a inlanga a lungkhamna lian bîkzia kha an hmutir theina hranga a ni.

EFESI 3:16

A’rtha zâra nin sûng tianga hringnun inhriatna hrangin a roiinpuina irkhêl tak ata sinthotheina nangni pe sianlân,

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

FILIPI 4:19

Ki Pathian khan Krista Jisuaa ar chongna roiinpui tak ata nin innang tinrêng nangni pe a ti.

KOLOSA 1:14

Nâipaa khan irtan suak ei nia, ei sualhai ngaidam a ni ta.

KOLOSA 1:27

Kha mihai kuang khan Nam tin ta hranga thu’rthup roiinpui le hlu tak kha Pathianin inhriattir a nuam ngei a ni; kha thu’rthup kha, Krista nangnia om, roiinpuina sabeina san kha a ni.

KOLOSA 2:13

Nin porinchenahai le taksaa sertan loi nin ni sikin thi nin nia, khannisianlân, Krista leh nangni an hringtir tâka, ei porinchenahai murdi ngaidam a ni ta.

KOLOSA 2:2

An milung irtha a’rngam theina hrangin lungthungnaa an irsuikhôma, lam tinrênga milunga inhriat felna a sipa, Pathian thu’rthup, Krista kha, an inhriat thei ki inuam a ni.

1 TIMOTHEA toc2 1 TIMOTHEA 2:6

Mi murdi irtanna hrangin ama kha ar pêka, saninhringna thu chu a zoro a iti taka a zuang inpuang ta.

TITA toc2 TITA 2:14

Ama ngei chu ei ta hrangin a’rpêka, tho’nsualna tinrêng ata a nir tan suaka, ama mi hrangin a ni’rthiangtira, thil sa tho nuamna a ni ipêk a ni.

TITA toc2 TITA 3:6

A ni saninhringtu Jisua Krista zâra ei chunga hin ar tha kha a bun intam ok tâka,

HEBRAI toc2 HEBRAI 9:22

A dik takin, Dân dungzuiin thil tinrêng hi thisenin an irthiang thei zit dên, sualhai ngaidamna vai kêng thisen suak loia a chang thei loi.

1 PETERA toc2 1 PETERA 2:24

Sual thisana felna neia ei hring theina hrangin, Krista ngêtin a taksa’n Krosa khan ei sualhai a pêla, ama zêmna irdulhai khan indam nin ni ta.

1 PETERA toc2 1 PETERA 3:18

Krista khom ei sualhai sikin voikhat a thia, Pathian kuang nangni a hruai theina hrangin, mi fel chu mi felloihai ta hrangin a ithi a ni. Taksaa thatpai a nia, irtha tiang chu inhringin a om.

1 JOHANA 2:12

Nâihaio, Krista zâra nin sualhai ngaidam a ni tâk sikin nin kuang ki irziak a ni.

1 JOHANA 2:2

Krista kha ei sual ngaidamna a ni, eini sual vai ni loiin rammuala mi murdi sual ngaidamna khom a ni.

1 JOHANA 4:10

Hi ngêt hi a ni lungthungna chu: Eini’n Pathian lung ei ithung ni loiin, Ama’n lung a ni thunga, ei sual thuphachôina hrangin a Nâipa a zuang tîr tâk a ni.

THUPHUANG 14:4

Kha mihai kha nupang leh porincheloi, a’rthiangliai an ni. Belrate fena tina an zui ngai. Pathian le Belrate kuang inhlan masa tak ni hranga rammuala mi murdihai laia irthoka irtan an ni.

THUPHUANG 5:9

“Nangma lekhabu irzuat kha lâka, A’rsinsiana inhongrua ni ni; Thatin ni oma, ni thina sika khan chi tina mihai, chong tina mihai, ram tina mihai, Pathian ta hrangin ni thisenin nir chôk tâk.