EFESI 1:18 - PATHIAN LEKHABU IRTHIANG C.L. Bible (BSI)

¹⁸ Ama vâr nin hmu theina hrangin nin lungrîlhai ar honga, nangni a koinaa tûngna om hai, a mihai hranga a inkung satvurna irkhêl tamzia hai leh.

EFESI 1:18 ပူးပေါင်းရင်းမြစ်များ

JOBA 42:5

Ki mikuar leh dên kin hriat tâka, Khannisian atûn chu ki mit ngêtin nang ki hmu ta.

INPÂKNA HLAHAI 119:18

Ni dâna irthokin thudik irkhêl tak ki hmu theina hrangin, Ki mithai nin meng pe roh.

ISAIA 11:2

Rengpa irtha’n ompui a ta, vârna le inhriattheina hai, irfûktir theina le hâina hai, Rengpa chitna le inhriattheina irtha inneitir a ti.

ISAIA 29:10

Rengpa’n inmusuna phâivua nangni insêmtir a ta, deipuhai mit a tuam pehaia, a hmutuhai lu a irkhuhai a ni ta.

ISAIA 29:18

Kha ni tena chu kuarsêthaiin lekha an itep irhâi inhria an ta, a zîng laia om mitchohai chu, an mit meng an ta, hmu thei an ti.

ISAIA 32:3

Ngûk takin thil thîr an ta, ngûk takin an mikuar sung an ti.

ISAIA 42:7

Mitchôhai mit invâr hrang le, rôl sûnga om insuak hrangin, inthim laia om sansuak hrangin.

ISAIA 6:10

Hi mihai lungrîl hi inchotir pehaiin lân, an beng sêt sianlân, an mit inthim pehai sian. Anino’nchu, an mitin hmu an ta, an mikuarin inhrena an ti, an lungrîla inhre mai an ta, irletin indam nina an ti, a tia.

MATHAIA 13:15

An milung a lei inmôl tâka, An mikuar a lei sêt tâk, An mit khom a lei zîng tâk sikin. khano’nchu an mitin hmu an ta, An mikuarin inhriat an ta, An milungin inhre thei an ta, Keima tiang hong irhei kîr an ta, Ki lei indamhai itinin, Pathianin a ti,’ iti kha.

MARKA 10:17

Khan, Jisua kha fe nôk hrangin a hei irphêt le chu, mi inkhat a kuang a hong intâna, khûksadelin, “Irchutirtu sa, kumtuanga hringna ki nei theina hrangin imo ki itho hrang?” tiin ar dona.

LUKA 24:45

Khanchu, Pathian lekha thu inhre thiam thei hrangin an lungrîl an vâr pehaia.

TÎRTÔNHAI SINTHO 16:14

Khahai laia mi ar hming Ludi Thuatira kho mi puan senduk zuar ngai, Pathian chi mi nupang inkhatin kin chong an hriata, khanchu, Paula thu’nsîr kha zôm hrangin Rengpa’n a lungrîl an vâr pea.

TÎRTÔNHAI SINTHO 26:18

Keima ni iam sika an sualhai ngaidam an nina hrangin mi irthianghai laia irchon dongtum an nei sa theina hrangin. An mit invâr hrangin, inthim ata vâr hong inkîrtir hrangin Setana thuhnuai ata Pathian tiang hong inkîrtirtu hrang ni ni,” a ni tia.

ROM KHUAA MIHAI KUANGA TÎRTÔN PAULA LEKHATHON 11:29

Pathianin mi, sat a ivur tâk le a inthang tâk chu sut nôk thei ni ta mah.

ROM KHUAA MIHAI KUANGA TÎRTÔN PAULA LEKHATHON 2:4

A ninole, nangni irlettir a nuam sikin Pathian chu khonzâna neiin nangni a nghâk ngai tih inhre loiin satna a nei intamzia le a tuangdiarzia le a entheizia chu a ingainêp ma ni?

2 KORINTH 4:4

Hi rammuala pathian saloi khan an milung inchong inthima a sia pehai sikin an iiam loi a ni. Krista, Pathian angna neitu roiinpuizia Thurchi sa vâr an chunga zuang inlang kha an hmu loina hrangin an mit a incho pehai a ni.

2 KORINTH 4:6

“Inthima irthokin vâr hong vâr suak a ti,” tihtu Pathian ngêt khan a ni, Krista hmêla Pathian roiinpuina vâr suak kin inhriatna hrangin kin lungrîl a ivâr tâk a ni.

GALATIA 5:5

Keini chu Irtha zâra iamna sika thiamchangna kha sabeiin kin inghâkhmo a ni.

EFESI 1:11

Thil tinrêng hi Pathian lungdo le ti lam taka tho a ni; Khante, Pathianin a phuta a ti lam angin Kristaa a mihai ni hrangin a ni inthang tâk a ni.

EFESI 1:7

Krista thisenin irtan ei ni tâka, ei sualnahai ngaidam a ni tâk. Pathian lungkhamna chu an thûk tak taka.

EFESI 2:12

Kha lai khan Krista la nei mak chêia, Israel in sûngkua ata mi dang nin nia, Pathian thu’nkunga thuthung pên tianga mi nin ni saa, rammuala hin sabeina rêng neiloi le Pathian tak inhre loia nin iom kha inhre mai roi.

EFESI 3:16

A’rtha zâra nin sûng tianga hringnun inhriatna hrangin a roiinpuina irkhêl tak ata sinthotheina nangni pe sianlân,

EFESI 3:8

Keima hi mi irthiang murdihai laia chîn tak nêk khoma chîn ual ki ni, khan khomin Pathianin Jentailhai kuang Krista irchongna suisuak zoiloi Thurchi Sa insîr hrangin a lungkhamna’n a nin kunga.

EFESI 4:1

Khanchu, nangni a ikoina irphua om hrangin kei, Rengpa sika intâng hin, nangni ki ngên.

EFESI 4:4

Nangni a ikoina san sabeina hmunkhat nei hranga koi nin ini angin, Takpum inkhat le Irtha inkhat vai a om.

EFESI 5:8

Tiana khan chu inthim nin nia, atûn chu Rengpaa vâr nin hong ni ta, ivâra omhai angin nin iom ngêt hrang a ni.

FILIPI 3:14

Krista Jisua Pathian chung tianga koina lômman, hringna kha, hmu ngêt hrangin inkungna tiang ki pan ngut ngut a ni.

KOLOSA 1:12

Khanchu mi irthianghai le a ram vâra irchon nei inruka siamtu Pathian kha raifân takin lômthu hril thei nin ti.

KOLOSA 1:23

Khanchu iamna khan om mai unglân, det taka ngîrin Thurchi Sa nin inhriat sika sabeina nin nei tâk kha irtôl irhmang no roi. Thurchi Sa kha irvân hnuaia thil siam murdi hril a ni ta, kei Paula hi kha sinthotua siam ki ni.

KOLOSA 1:27

Kha mihai kuang khan Nam tin ta hranga thu’rthup roiinpui le hlu tak kha Pathianin inhriattir a nuam ngei a ni; kha thu’rthup kha, Krista nangnia om, roiinpuina sabeina san kha a ni.

KOLOSA 1:5

Thurchi Sa thutak nin inhriat ata sabeina nin lei nei tâk sika a ni, kha sabeina kha nin ta hrangin irvâna sia insa a ni.

KOLOSA 2:2

An milung irtha a’rngam theina hrangin lungthungnaa an irsuikhôma, lam tinrênga milunga inhriat felna a sipa, Pathian thu’rthup, Krista kha, an inhriat thei ki inuam a ni.

KOLOSA 3:15

Krista irngeina khan nin milunga roirêl ri se, takpum inkhata om hranga koi nin ni. Lômna châng inhre roi.

1 THESALONIKA 2:12

A ram le a roiinpuina chang sa hranga nangni koitu Pathian mi irphuaa om hranga ngênin, inthorin, nangni kin inhriatir ngai a ni.

1 THESALONIKA 5:8

Eini chu sûna mi ei ni sika hin iamna le lungthungna rôppho kha innghâkin, saninhring sabeina kha lukhuma hmangin irtûng chianin om ei ti.

2 THESALONIKA toc2 2 THESALONIKA 1:11

Hi sika hin Pathianin nangni a ikoina irphua nin om theina hrang le sat nin nuamna murdi le iamna sika nin sinthohai kha, a hrâtnaa nangni ar kiptir theina hrangin, mong loiin nangni kin chongchai pe ngai.

2 THESALONIKA toc2 2 THESALONIKA 2:16

Khanchu, ei Rengpa Jisua Krista, Pathian ei Pa, lung ni thungpu, a lungkhamna sika kumkhua’n irtharngamna le sabeina sa ni pêktu khan,

1 TIMOTHEA toc2 1 TIMOTHEA 6:12

Iamna hlu hi songin thei dôr insua roh; kumtuang hringna chu chel khakin lân, kha kha chang hranga koi ni ni, inhretu tamtak makunga iamna ni ipom thu ni inpuang kha.

TITA toc2 TITA 2:13

Ei Pathian roiinpui taka a zuang inlangna nikho lômom ei isabei hi hlo’nchuk zoro ei inghâk a ni.

TITA toc2 TITA 3:7

khanchu lungkhamna sika thiam nin changtirin kumtuang hringna sabeina irchon luatuhai ei ni thei tâk a ni.

HEBRAI toc2 HEBRAI 10:32

Zoro thenga nin chunga thil omhai kha inhre mai roi. Pathian vârin nangni a êl hnungin kha laia khan dûk tamtak nin tuanga, khannisian, buaina khan nangni inhre mah.

HEBRAI toc2 HEBRAI 6:4

Khan, voikhat chu Pathian vâra om tâka, irvân thilpêk irtem tâka, Irtha Irthiang khom dong tâka,

1 PETERA toc2 1 PETERA 1:3

Ei Rengpa Jisua Krista Pathian le Pa chu inpâkin om ri se. Jisua Krista kha mithi lai ata kaithoiin sabeina hring nei hrangin a za’rngaina roiinpui tak khan a nin hring nôk tâka.

1 PETERA toc2 1 PETERA 3:9

Sual kha sualin thuan no unglân, khuasâlna khom khuasâlna’n thuan loiin satvurhai roi; satvurna dong hrang kêngin Pathianin nangni a ikoi.

1 PETERA toc2 1 PETERA 5:10

Sôtnote nin tuang zoiin, Kristaa a kumtuang roiinpuina chang hranga nangni koitu, lunginkhamna sip Pathian khan nangni zuang inngîrtir a ta, siaminsa irkipin, inhrâtin nangni indet a ti.