EFESI 1:17 - PATHIAN LEKHABU IRTHIANG C.L. Bible (BSI)

¹⁷ Ei Rengpa Jisua Krista Pathianin roiinpuina Pa khan inhriatna lama vârna le inhriat infelna nin nei theina hrangin, Irtha kha nangni a pêkna hranga ngên maiin.

EFESI 1:17 ပူးပေါင်းရင်းမြစ်များ

1 THURCHI SUINA 29:11

Ni roiinpuia, sinthothei tak ni nia, ni’rsânga, ni saa, irnêng le irvâna thilhai hi ni ta a nia, o Pathian an laltak ni nia itinrêng chunga thuneitu ni ni.

JOBA 42:5

Ki mikuar leh dên kin hriat tâka, Khannisian atûn chu ki mit ngêtin nang ki hmu ta.

INPÂKNA HLAHAI 24:10

Kha roiinpuina Reng kha tu mo a ini? Sipaihai Rengpa kha, Ama ngei kha roiinpuina Reng kha a ni.

INPÂKNA HLAHAI 24:7

O kul mikothaio, nin lu chunghai kha indom irsâng unglân; Khanchu roiinpuina Reng hi a zuang ilût hrang a ni.

INPÂKNA HLAHAI 29:3

Rengpa hnukirhâi kha tui chunghaia khan a hong oma, roiinpui Pathian kha a hong irse mur mura, Rengpa ngei kha tui tamtak chunghaia ar hâi a hong oma.

FESUAKNA 28:3

Kut sin theithiamna ki inneitirhai murdi koihaiin lân, ki sin tho hranga ochai irthiang an ni theina hrangin.

THUVÂRHAI 18:15

Itiklai khomin mi vârhai chu irchû an nuam mai ngaia; mi bengvârhaiin inhriatna an zong ngai.

THUVÂRHAI 2:5

Rengpa chi hi imo a ini hong inhren fel ta ni ta, Pathian inhriatnaa khan tuanintung ni ti.

ISAIA 11:2

Rengpa irtha’n ompui a ta, vârna le inhriattheina hai, irfûktir theina le hâina hai, Rengpa chitna le inhriattheina irtha inneitir a ti.

JEREMIA 2:11

Ama chu a tak lei ni khomsian, nam dangin chu an pathianhai thûl ngai mahai, ki mihaiin chu anni roiinpuia inomtirtu Pathian chu, anni ta hrang ite tho theiloi pathianhai khan an ithûl ngai a ni.

JEREMIA 24:7

Keima hi Rengpa ki nih ti inhriat theina hrangin, anni chu irzukna pehai ki ta; an lungrîl murdi le ki kuang an hong ikîr hrang a ni sikin.

JEREMIA 31:34

Rengpa chu inhre mai roi, ti’n tûte’n an rualhai le an urênghai irchutir no nihai. A chîn ata a lian dênin nin hre mai an tah ti hi Rengpa thu suak a ni. Khanchu an sin insiatnahai ngaidam ki ta, an sualnahai inhre ta no ning,” a tia.

JEREMIA 9:24

Mi tukhom irpâk a nuamin chu, mi’n hrilin nin hril infelin inpâk ri se, ki lungthungna chu a det a ni sikin, thildik le thil fel tho ngaitu ki ni. Hi thilhai hin a nin lômtir ngai a ni,” ti hi keima Rengpa hin ki iti a ni.

DANIELA 10:1

Persia rêng Kura kum thumna khan, Daniela, ar hming Beltesazzara an iti kuang khan thil a hon langa; kha thil kha a dik a ni, irdoina roiinpuitak a ni: khanchu thil kha an hriat theia, inlârna inhriat theina a neia.

DANIELA 5:11

ni rama hin mi inkhat Pathian irtha irthiang nei mi a om; ni pa zoro lai ata, en theina, inhriat theina, vârna, Pathian vârna nei anga mi a om ti len hriat a ni tâka; o inlaltak ni pa rêng Nebukadnezara’n dôi theihai, kutzia en theihai, Kaldai mihai tasân theihai chunga hruaitua a lei isia a ni tâka;

MATHAIA 11:25

Kha laia khan Jisua’n “Ka Pa, irvân le irnêng Rengpa! Mi vâr, mi thiamhai laia ni iip kha mi inmôlhai laia nin puang sikin, lômthu kin sîr a ni.

MATHAIA 11:27

Thil tinrêng ka Pa’n a ni pêk ta. Pa ti no’n chu tûte’n Nâipa inhre mahai. Nâipa bana chu tûte’n Pa khom inhre mahai, Nâipa’n a inpuangnahaia ti no’n chu.

MATHAIA 16:17

Jisua’n a kuang, “Simon Barjona, taksa le thisenin nang a inhriattir ni maka, ka Pa irvâna mi’n nang a inhriatir a ni.

MATHAIA 20:33

Anni khan a kuang, “Rengpa mit vârna kin nuam,” an tia.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

LUKA 12:12

Nin iti hrang chu a zoro taka Irtha Irthiangin nangni hril a ti,” a tia.

LUKA 2:14

“Anchungtaka khin Pathian roiinpui takin om sianlân, Irnênga a lômhai kuang irngeina lêng ri se,” an tia.

LUKA 21:15

Nin irdoipuihai murdi’n nangni an sêl thei nona hrangin vârna le mi sâm theina nangni pêk ki ti.

JOHANA 14:17

Irtha dik tak chu, rammualin nei thei maka, ama an hmu thei no sik le ama an inhriat no sikin. Nangni’n chu ama nin inhriat, nin kuang a om maia, nangnia a om mai sikin.

JOHANA 14:26

Irtharngamtu, Irtha Irthiang, ki’rhminga Pa’n a zuang itîr hrang khan itinrêng nangni irchutir a ti, nin kuang ki insîr murdi nangni inhriat suaktir nôk a ti.

JOHANA 16:3

Khaang thil kha mipuiin nin chunga la tho an ti, Pa le kei an nin hriat no sikin.

JOHANA 17:3

Hi hi kumtuang hringna chu a ni, nang Pathian tak vai le ni itîr Jisua Krista inhriat hi.

JOHANA 20:17

Jisua’n a kuang, “Ni tôn no roh, Pa kuang khom la hong fe ma ung; khannisianlân, ki urênghai kuang va fe’n lân, an kuang, ‘Ka Pa, nin Pa, Ki Pathian, nin Pathian kuang kâi hrang ki ni’ a ti, ti roh,” a tia.

TÎRTÔNHAI SINTHO 6:10

A vârna le an sîrtirtu Irtha kha, sêl inhnê thei mahai.

TÎRTÔNHAI SINTHO 7:2

Khan, Stefana’n, “Ki urênghai le ka pahaio, irngaitua roi. Ei irchibul Abrahama kha Haran khuaa a om mân, Mesopotamia rama a om lai khan, Roiinpuina Pathian kha a kuang an lâra,

ROM KHUAA MIHAI KUANGA TÎRTÔN PAULA LEKHATHON 1:28

Khanchu Pathian inhriatna dik kha an inthâ tâk sikin an ngaituana felloi tak anga om hrangin Pathianin a’rheisanhaia, an tho loi hrang hrang khom an tho tâk a ni.

ROM KHUAA MIHAI KUANGA TÎRTÔN PAULA LEKHATHON 15:6

Khanchu, lungrîl inkhat inrualin ei Rengpa Jisua Krista Pa le Pathian kha zâi inrualin inpâk thei nin ti.

1 KORINTH 12:8

Irtha zâra mi senkhat kuang thuvâr insîr theina pêk a nia, mi dang kuang chu Irtha ngêta khan thu inhriat theina pêk a nia;

1 KORINTH 14:6

Khasikin urênghai, nin kuang hong ta inlân, chong inhriatloiin thu insîr inlân, nin ta hrangin imo a’rfêna ki iom hrang? Pathiana irthoka thuphuang thu mani, inhriatna thu mani, thu sa insîr hrang mani, irchûna thu mani ki hong chôi no zelin chu nin ta hrangin ar fêna ki iom loi hrang a ni.

1 KORINTH 2:10

Eini chu Pathianin a thutak irthup kha Irtha’n a nin hriat tâka. Irtha khan tinrêng a suisuak ngai Pathian thil tum inthûk tak khom.

1 KORINTH 2:8

Kha vârna kha hi rammual roirêltuhai rêng rêngin inhre mahai. Inhrehai sianlân chu, roiinpuina Rengpa kha hembe no nihai.

2 KORINTH 12:1

Ki irsong hrang rêng rêng a ni, ite ar fêna a om no hrang khomin. Khannisianlân, atûn Pathianin inlârna a ni irhmu le thu phuang hrang a ni ipêkhai kha insîr ki ti.

EFESI 1:3

Ei Rengpa Jisua Krista Pa Pathian chu inpâk ei ti. Ama khan Krista zâra irvân hmunhaia khin irtha tiang satvurna tinrêngin sat a ni vura.

EFESI 3:5

A tirtôn le deipuhai kuang Irtha’n atûna a inhriattir ang hin, tianlai khan chu hi thurîl hi mihriamhai lan hretir ngai mah:

EFESI 4:13

Kha kha ei rênga iamna hmunkhat ei vonga, Pathian Nâipa inhriatna ei neia, mi puihling, Krista a ifamirkip dôra mi famirkip ei hong ni theina hrang a ni.

FILIPI 3:15

Khanchu, eini puihling tâkhai hin chu khaang lungrîl kha irput ei ti. Khan, senkhatin ngaidân dang nin nei duai khomin Pathianin nangni lan fâi pe a ti.

2 TIMOTHEA toc2 2 TIMOTHEA 2:25

Ama doituhai khom tuangdiarthei takin a suiôi hrang a ni, thutak inhre hrangin Pathianin an lungrîl a irlettir zôi thei.

TITA toc2 TITA 1:1

Kei Paula hi, Pathian siahlo le Jisua Krista tirtôn, Pathian mi izenhai iamnaa kaihruai hrang le

JAKOBA toc2 JAKOBA 2:1

Ki urênghaio, ei Rengpa roiinpui tak Jisua Krista iamtuhai khan theibîk nei no roi.

2 PETERA toc2 2 PETERA 1:3

A roiinpuina le a satna dong hranga ni koipu ei inhriatna sika, sakhua diktak hringnuna ei om theina hrangin, thil ei innang murdi Pathian sinthotheina lianin a ni pêk ta.

2 PETERA toc2 2 PETERA 3:18

Ei Rengpa le saninhringtu Jisua Krista inhriatna hai, lungkhamna hai irsônlian mai roi. A kuanga khan roiinpuina atûn ata kumtuang dênin om ri se. Amen.

THUPHUANG 7:12

“Amen! Inpâkna hai, roiinpuina hai, vârna hai, lômthu insîrna hai, chôiindômna hai, Sinthotheina hai, Kumkhontuangin ei Pathian ta a ni mai! Amen!” tiin Pathian chubai a mûka.