DANIELA 9:18 - PATHIAN LEKHABU IRTHIANG C.L. Bible (BSI)

¹⁸ O ki Pathian, ni mikuar do’n lân, irngai ro, ni mit mengin lân, kin chiarna le ni khopui irhming phuaa om hi en ro, nang kin izongnahai hi kin fel sika ni kuanga kin hong intung ni ual ta maka, ni za’rngai theina sika a ni ual.

DANIELA 9:18 ပူးပေါင်းရင်းမြစ်များ

1 RÊNGHAI 8:29

Hi Tempil nangma biakna hranga inhlan hi, a sûn a zânin vêngin lân, hi tempila ki chongchaihai hi irngai roh.

2 RÊNGHAI 19:16

Rengpa ni mikuar sungin lân irngai ro. O Rengpa, mengin lân, hei en ro; Pathian hring hnuaisia hranga Senakeriba’n thu a ihrilhai hi irngai ro.

INPÂKNA HLAHAI 116:1

Rengpa chu ki lungthung a ni, Lungkham ki ngênnahai hnukirhâi chu a nir ngai pe sikin.

INPÂKNA HLAHAI 25:6

O Rengpa, nin rennahai le ni lungkham lianzia kha inhre maiin lân; Tianlai ata lei om kumkhua tâk ni nia.

FESUAKNA 3:7

Khanchu Rengpa khan, “Aigupta rama ki mi omhai dengthei taka an om kin hriata, annihai enkoltuhaiin deng an intheitirhaina irhâi ki le’nhriata; an beidongnahai khom kin hriat.

ISAIA 37:17

O Rengpa ni mikuar lei sungin lân, irngai ro: Rengpa mengin lân, en ro; Pathian hring sôt hrang soh Senakeriba’n thu a hong ihrilhai hi irngaitua roh.

ISAIA 43:7

An rêngin ki’rhming irput an ni, ki roiinpuina inlangtir hranga ki isiam an nia, Ki kut suak zit an ni.

ISAIA 64:12

Rengpa hi hih a poi moh ni tipui mak che? Dâihrekin, deng ni ni intheitir mai hrang ma ni?

ISAIA 64:6

Kin rêngin kin porinche zoi ta, kin satna murdihai khom puanbom porche tak ang a ni ta, thinghna chuai tâk angin kin om ta, kin inchâinahai hin a ni ihruai irhmang a ni ta.

JEREMIA 14:7

Ki mihai keima tiang an khêka, ‘Kin sualna’n mualphoi ni sak khomsian, Rengpa ni chonginkung angin ni changpui ro, voi tamtak ni kuang ata kin rot tâka. Ni chunga kin isual a ni ta.

JEREMIA 14:9

Itho mo hi dôra ni ichaninvâi, changpui theina nei sipai teh ni ang tâka? A dik takin, Rengpa kin kuang ni oma! ni mihai kin nia, ni ma viat no ro,” a tia.

JEREMIA 15:16

Ni ni chongpuia, ki kuanga ni iti thuhai ki lei irngai mai a ni. Ni thupêkhai chu ki lungrîla lôm leh râifânin a isip a ni.

JEREMIA 25:29

Ki khopui sûng ngêta hin insiat theina sin chu ki iphut hrang a ni. Dûk tuanga loia zôk hrangin an irtûng ma ni? Zôk no nihai, dengthei ngêt an ti, irnêng chunga mi tin laia irdoina ki tîr hrang sika khan, keima Rengpa itinrêng thotheiin ki iti a ni.

JEREMIA 36:7

Rengpa’n a ningmur ichiom tak leh an sîhai sikin, an omdân saloihai ata irletin Rengpa kuang ngaidamna an zong duai khom a ni thei,” tiin.

JEREMIA 37:20

Khasikin atûn ka pu inlal tak, ki chong irngaia ki ititak tho hrangin nang ki ingên a ni. Ngaihoi takin Jonathana ina intângna ina khan chu ni tîr no ro, ni ni tîr nôkin chu, khatak khan ki ithi ngêt hrang a ni,” ki tia.

EZEKIELA 36:22

“Khasikin atûn, Israelhai kuang khan Rengpa Pathianin hiang hin a tih tiin hril pehai roh. Ki sintho hranghai hi nangni Israelhai sika ni maka, khannisian ki’rhming irthiang, ram tina nin fena hmun tina nin porinchetir ngai sika khan kêng ki itho hrang.

EZEKIELA 36:32

O, Israel hi thil murdihai hi nangma sika ki itho ni ma, ti hi nin hriat ki nuam. Nin sinthohai sika khan inzôk le hmâimôka nin iom ki nuam, kei Rengpa Pathian hin ki iti a ni,” a tia.

DANIELA 9:7

O Rengpa felna chu ni ta a nia; keinihai chu inzakna vai a ni, atûn lai ang hin; Judai mihai, Jerusalema omhai, Israelhai murdi, ramhla le anaia mi, ni chunga an sin insiatnahai sikin le ram tina ni irzûl indarhai khom danglam loiin.

NAMBAR 6:27

Khanchu Rengpa’n, “Israel irchihai chunga khan ki’rhming hi satvurna’n an inpuangin chu, kei khomin satvurhai ki ti,” a tia.

1 KORINTH 1:2

Korinth khuaa Pathian Koiindang om, mi irthiang ni hranga koi, Krista Jisuaa irthiangtir le hmun tina ei Rengpa Jisua Krista, (anni le eini Rengpa) irhming irlam murdihai chubai kin mûkhai.