DANIELA 9:16 - PATHIAN LEKHABU IRTHIANG C.L. Bible (BSI)

¹⁶ O Rengpa nang ki ngên, ni felnahai sikin ni ningmurna le nuarna chu ni khopui Jerusalem tâng irthiang ata kîr sianlân; kin sualhai le kin pahai dik loina sikin Jerusalem le ni mihai hi kin kôla om murdihai hi insîrinsiat kin ni ta.

DANIELA 9:16 ပူးပေါင်းရင်းမြစ်များ

ZAKARIA 8:3

Ki khopui irthiang Jerusalem khan kîr nôk ki ta, khataka khan om ki ti. Khopui iamom tih ni a ta, Sipaihai Rengpa tâng chu tâng irthiang iti ni a ti.

JOELA 3:17

Khanchu Rengpa nin Pathianin ki tâng irthiang Zion-a lêng ki nih ti inhria nin ti: khanchu Jerusalem khua kha irthiang a ta, nam dang mi’n inhnê viat ta no nihai.

DANIELA 9:20

Keima le ni mi Israelhai sualna sikin thuphachôia, chongchaia, thuhrila, Rengpa ki Pathian kuanga Pathian tâng irthiang hranga ki zong lai takin,

INPÂKNA HLAHAI 31:1

O Rengpa, nangmaa khan ki iamna ki’rnghat ngaia; Itika khom mualinphoiin nin omtir no’n lân: Ni felna sikin ni saninzôk roh.

INPÂKNA HLAHAI 79:4

Ei kôl vêla mihai hrilsiatin ei lei oma, Ei kôl vêla mihai hmusit le innuisanin ei lei om tâka.

INPÂKNA HLAHAI 71:2

Ni felna sika ni saninzôkin, ni sansuakin lân: Keima tiang hin ni beng zuang do’n lân, ni saninhring roh.

FESUAKNA 20:5

Annihai kha chubai ni imûk hrang khom ni ma, an sin khom ni itho hrang ni mah. Keima Rengpa ni Pathian hi Pathian nunsetak ki nia, a ni hualtuhai chu an irchi khom irlo thum irlo minli dênin an pahai sualna sikin an nâihai deng kin theitir ngai.

1 JOHANA 1:9

Ei sualhai Pathian kuang ei irphuangin chu, ama kha iam a omin a dika, ei sualhai a ni ngaidamin, ei dikloina murdi a ni irsûkinfâi hrang a ni.

2 THESALONIKA toc2 2 THESALONIKA 1:6

Pathian chu dik takin thil a tho ngaia, deng nangni intheitirtuhai chu intakna’n thuan a ti.

EZEKIELA 5:14

Nin vêla nam omhai le nangma tianga irvâkvêlhai hmusitom le khoramin nangni siam ki ti.

JEREMIA 32:32

thil saloihai Judai ram le Jerusalem mihai, an rênghai, hruaituhai, an ochaihai le deipuhai an rênga thôna sikin.

JEREMIA 29:18

anni chu khandai, châm le hri le hrâihai leh irzûlhai ki ta, rammual nam tin chu an thil hmu chu an ichi sabak hrang a ni. Anni kin thekindarna hmun tina, an chunga thil tung sika khan, mihriamhai inlâiin chi sabak an ti. Mihaiin anni chu hnung songsanhai an ta, an irhming kha khomâksâmna’n hmang an ti.

JEREMIA 24:9

An chunga vânduaina irkhêl tak intung ki ta, rammuala nam tinhai chu chi ta tak an ti. Mihaiin nuisohai an ta, tufiam thôna’n hmanghai an ta, êsêlhai an ta, ki inthekindarna hmun tina an irhming chu khosâlna’n hmang an ti.

INPÂKNA HLAHAI 143:1

O Rengpa, ki chongchaina hi irngaiin lân; Lungkham ki ngênnaa hin ni mikuar sung ro. Ni iamomna sik le ni felna sikin ni sâm ro.

INPÂKNA HLAHAI 41:13

Rengpa, Israel Pathian chu kumtuang ata kumtuang dênin inpâkin om ri se. Amen, Amen.

NEHEMIA 9:8

khan, a milung khom iam om zoi a nih ti nin hriata, Kanaan hai, Hit hai, Amor hai, Periz hai, Jebus hai le Girgas hai ram chu pe hrangin, ar chihai laia thu ni thunga, hlo nin chuktira, mi feltak ni nia.

1 SAMUELA 2:7

Rengpa khan inriangin a siamhai ngaia, a’rchongtirhai nôk ngai. An temtirhai ngaia, a chôiirsângtirhai thei.

INPÂKNA HLAHAI 85:4

O ni saninhringtu Pathian, nir heikîrtirin lân, Kin chunga ni ninginmurna chu inmong roh.

ISAIA 5:25

Khasika khan a nih Rengpa ningmurna chu mihai chunga a zuang itung a ni. A kut irlekin a vîkhaia. Khanchu tânghai hi inhnîng a ta, mithi ruak chu sahrok angin, kholaidunga irthek rumin, kha dôr khom khan a ningmurna hek ual maka, a kut a la thâk maia.

JEREMIA 32:31

Hi khopuia mihai hin, an ding nî a ta ki ning an inmurtir a ni. Hi khopui hi insiat chit hrangin ki rêl tâka,

DANIELA 11:45

Khan Tuipui le tâng irthiang roiinpui tak kâra khan a rêng puan in chu sung a ta, khannisian a mongna tung a ta, tûte’n san thei ni no ni.

INPÂKNA HLAHAI 89:51

O Rengpa, nangma doituhai hrilsiatna, Ni sahriak pol hnunghai hrilsiatna chu.

EZEKIELA 22:4

Ni thisen insuaknahai sika hin thiam no chang ni lei ni tâka, ni millim siamhai sika khan ni porinche tâk sikin, ni zorohai hekin, a nikhua a hong itung a ni ta. Khasikin nam tinhai nuiso hrang le, ram tinhai tufiam thôna hrangin nang ki isiam tâk a ni hi.