DANIELA 9:11 - PATHIAN LEKHABU IRTHIANG C.L. Bible (BSI)

¹¹ A ni, Israelhai khomin ni he la loia fe’n sualin kin om tâka. Khasikin khosâlna chu kin chunga a itung a ni ta. Pathian siahlo Mosia dâna irziak thuhai le a chunga ei sual tâk sikin.

DANIELA 9:11 ပူးပေါင်းရင်းမြစ်များ

2 RÊNGHAI 18:12

Israelhaiin an Pathian Rengpa thu an zôm no sikin, Samari khua chu an ilâk pehai a ni, thuthung a isiam kha an zôm nuam no sikin, Rengpa siahlo Mosia dân an zôm nuam viat no sikin, ar ngai khom irngai nuam mahai, a zôm an tum no sikin.

2 RÊNGHAI 22:16

Juda rêngin a itep lekhabua chuang ang khan Jerusalema omhai chu a sate’n soisakhai ki ti.

ISAIA 1:3

Sehrâtin a chongpu an hriata, Sakuartungin a pu bu pêkna irkuang a inhriat angin, Israelhaiin chu inhre mahai, ki mihai hin inhre thei mahai.

ISAIA 43:28

Khanchu, ki hmun irthianga hruaituhai porinchetirin, Jakoba chu khosâltongin siam ki ta, Israelhai chu irsêlna bûra siam ki ti.

JEREMIA 16:11

hiang hin hrilhai ro, ‘Rengpa’n a ti, nin pahaiin hnung an ni songsana, pathian danghai leh chongin an sin an tho pehaia, an ni’rnghila, ki dânhai an izôm loi a ni.

JEREMIA 2:29

Nin milung chuk loina imo a ini? I lo hranga tehel nin ni izong pe mo?

JEREMIA 30:14

Nangma tianga om ngaihaiin nang an irnghil tâka. Nang insâp ta mahai. Râl angin ni pop zoi tâka, inren viat loiin nang ki ihrem a ni. Ni sualna le nin sininsiatna a na hrai sikin.

JEREMIA 32:23

Khannisian hi rama hin honga an lua tena chu, ni thupêkhai zômin mo, ni irchutirnahai ite an izôm loi a ni. Khasika khan an chunga hi vânduaina tin hi ni insum a ni ta.

JEREMIA 40:3

Tho hranga a iti kha a itho a ni tâk. Rengpa chunga thil nin tho’nchâia, a thupêkhai nin zôm no sikin, hihai hi a itung a ni.

JEREMIA 44:22

A vuan sûn ten hin ni ram chu inramin a la oma, a sûnga tûte la om mahai. En intak tak a hong nia, mihaiin a’rhming chu khomâksâmnain an hmanga, Rengpa’n nin pualoina le tho’nsualnahai kha a tuangdiar ta no sikin.

JEREMIA 44:23

Atûn vânduaina irkhêl nin chunga a zuang itung nasan chu, pathian danghai kuang irbôlna nin inhlana, a thupêkhai zôm loia Rengpa chunga sualna nin sin sika a ni,” ki tia.

JEREMIA 6:19

O irnêng irngai ro, hi mihai chunga hin siatna ki intung hrang a ni. Ki thu irngai mahaia, ki dânhai khom an hnôl sikin le an irngaituana sual sikin.

DANIELA 9:13

Mosia dâna irziak angin hi thil saloi murdihai hi kin chunga a hong itung a ni; khannisian kin dik loinahai mâksanin, ni thudik inhriat theina kin nei theina hrangin Rengpa kin Pathian milung chukna zong loiin.

DANIELA 9:5

Ni thupêk le roirêlnahai ata rotsanin kin suala, dikloi le felloi takin kin tho tâka;

ZAKARIA 1:6

Ki thu le ki thu’nkunghai, ki siahlo deipuhai kuang, ki pêkhaia khan, nin pahai kha a innang tak khom a ini mo ni ma? khanchu, an hong irheia, sipaihai Rengpa khan kin chungchânga ti a tum ngai angin kin om dân ang zêl le kin thiltho ang zêlin keinia a ti tâk a ni, an ti kha, tiin.

ZAKARIA 7:12

lung angin an inngartira. Matona deipuhai hmanga ki thuhrilhai kha an irngai no sikin, a sân an chunga ki ning an mur tâka.

ZAKARIA 8:13

O Juda le Israel mihai, tiana khan chu ram dang mihaiin, ‘Israel le Juda chunga siatna a itung ang hi ni chunga khom tung ri se’ tiin khomâk an irsâm ngaia. Khannisian nang saninzôk ki ta, ram dang mihaiin, ‘Israel le Juda chunga satvurna a itung ang hi ni chunga khom tung ri se,’ tiin la hril an ti. Khasikin ngam takin omin lân, chi no ro,” a tia.

DÂN INHNINA 8:20

Rengpa nin Pathian irhâi hi nin uksak no’n chu, nin iluapai pehai hrang nam Rengpa’n a inboipai angin nangni khom nangni inboi ngêt a ti.