DANIELA 8:26 - PATHIAN LEKHABU IRTHIANG C.L. Bible (BSI)

²⁶ Khan zîng le khohloia inlârna ihrilhai kha a dik a ni; khannisian inlârna chu zoro hnungkhôna hrang a nih ti inhren lân,” a tia.

DANIELA 8:26 ပူးပေါင်းရင်းမြစ်များ

ISAIA 24:22

Suaka intâng khurpadopa siakhômhai angin rênghai chu khumhai a ti, inhnunga soisakhai hrangin sehai hluk a ti.

EZEKIELA 12:27

“Mihriam nâipa, irngai ro, Israel insûngkuahaia mi khan, ‘Inlârna a hmuhai chu nakana mi hrang an nia, a lei hril diamnahai khom hlataka mi hrang a ni,’ an iti a ni.

DANIELA 10:1

Persia rêng Kura kum thumna khan, Daniela, ar hming Beltesazzara an iti kuang khan thil a hon langa; kha thil kha a dik a ni, irdoina roiinpuitak a ni: khanchu thil kha an hriat theia, inlârna inhriat theina a neia.

DANIELA 10:14

Sûnmaton tianga ni mihai chunga thil hong tung hrang inhriat theina nei hranga zuang ki ni: inlârna chu sûnmaton tiang a la ini hrang a ni,” a tia.

DANIELA 11:2

Atûn hin thudik nan entir ki ti. Irngai ro, Persia rama khan, rêng inthum hong suak an ta, a minlinapu tena chu a danghai nêkin irchong a ta; ar chongna sikin irsong a ta, Grik rama mihai inphûthai a ti.

DANIELA 12:4

Khannisian nang o Daniela, thu kha thupin lân, lekhabu kha intukhak ro, a mong dênin; mi tamtak intânin, inhriatnahai hong pung a ti,” a tia.

DANIELA 12:9

Ama’n, “Daniela, fe’n lân, thu chu thup le chelkhak a ni ta, a mong dênin,

THUPHUANG 10:4

Kha khonri sarihai khan an rôl an insua zoi le chu irziak ki tuma. Khannisianlân, “Khonri sarihai chong kha ip chian roh, irziak no roh,” tiin irvâna irthokin hnukirhai kin hriata.

THUPHUANG 22:10

Khanchu, ama khan ki kuang, “Hi lekhabu lei hrilna thuhai hi ip no roh, hihai murdi hong tungna hrang hi anai tâk sikin.