A hong suak ata chu a ram chu irsem ni a ta, kôlkil minlia hin irsem ni a ti, ar chihai hrang ni loiin, a thunei laia a irêl ang ni loiin; a ram chu a mihai hrang ni loiin, mi danghai hrang sutpai ni a ti.
Kha irzoiin chu ki ena, irngai ro, a dang kâmkeite anga om a hnung tiang va mitha nei minli angin a oma, ama hin lu khom minli a neia, a kuanga khan roirêlna pêk a nia.
Kha zoia inlârna khan, irngai ro, sa minlina chu sa irkhêltak le ichiom tak ki hmu nôka; thîr ha roiinpuitak neia, a ei chut chuta, an pot thêrhaia, a ifâk mihliahai chu a sirphahaia: matona sa danghai nêkin chu danglam tak a nia, irki sômkhat nei a nia.
ki mit ki hong inlêngtira, ki hong ena, irngai ro, tui kôla khan kêlbelrachal irki inhni nei a ngîra; ar ki inhnihai chu an seia; inkhat kha a sei ual bîka, ar sâng ual kha a mông inhnung ual a nia.
Kêlchalpa kha lian le hrât ar ti lai takin, a’rki roiinpuitak kha a kiak pea; ama irthûla khan irki dang inlâr ual minli, kôlkung minli irhîlin a hong suak nôka.