DANIELA 8:17 - PATHIAN LEKHABU IRTHIANG C.L. Bible (BSI)

¹⁷ Khanchu ki ngîrna tiang a zuang nâia; a sân ki lei chia, ki’rtet raka; khannisian ama’n “O mihriam nâipa, inhre thiam ro, inlârna chu zoro hekna hrang a nia,” a tia.

DANIELA 8:17 ပူးပေါင်းရင်းမြစ်များ

IRPHUTNA 17:3

Khan, Abrama chu khûksadelin a oma, Pathianin a chongpuia;

EZEKIELA 1:28

A kôlvêl vâr chu rotho nia sumrisâng rông ang hi a ni. Hi hi Rengpa roiinpuina inlang dân chu a ni. Kha kha ki hmu’n chu inbok rakin hnuaia ki’rteta, ni chongpuitu irhâi chu kin hriat tâka.

EZEKIELA 2:1

Khan ki kuang, “Mihriam nâipa, ngîr ro, ni kuang thu ki ihril nuam kêng,” a ni tia.

EZEKIELA 44:4

Khan nin hmâia hmâr tianga dâi mikot khan a ni hruaia; khan ki hei thîr vêla, irngai ro, Rengpa roiinpuina khan Rengpa in kha a sipa; khanchu khûksadelin ki’rteta.

EZEKIELA 6:2

“Mihriam nâipa, Israel rama tânghai chu thîrin lân, an kuang thu hril roh.

DANIELA 10:11

ki kuang, “O Daniela nang inditom tak, ni kuanga ki thuhril hi inhre theiin lân, ngîr ta ro; ni kuang a ni hong itîr a ni,” a tia. Hi thu hi a hril zoiin chu inthing pumin ki ngîra.

DANIELA 10:16

Irngai ro, mi inkhat, mihriam nâipa anga inlang hin ki hmûr a zuan thema; khanchu ki bâi ki hong ânga, ki kôla ngîrpa kuang khan, “O Rengpa, inlârna sikin ki char kin donga, a ni delin kin hriata, irthahrui boi angin ki oma,

DANIELA 11:27

Hi rênghai hi chu an lungrîla sat loina irput ni an ta, Dokâng hmun khata minlak tho an ta; hlo chu chuk pe ual no ni, a mongna chu zoro inkung saia ni a ti.

DANIELA 11:40

Khan mongna nî chu sim tianga rêngin ama hong nor a ta; hmâr tianga rêngin tâli le sakor chung chuang mi le irhuang tamtakhai le kêllaiher angin ama doi an ta, ramhai lûtin, chin zoi a ta, palthuanhai a ti.

DANIELA 12:13

Khannisian nang chu mongna nî dênin fe’n lân; sûnhai hekna chu irngam a ta, ni man hrang dôra om ni ti,” a tia.

DANIELA 12:4

Khannisian nang o Daniela, thu kha thupin lân, lekhabu kha intukhak ro, a mong dênin; mi tamtak intânin, inhriatnahai hong pung a ti,” a tia.

DANIELA 2:46

Khanchu, rêng Nebukadnezara chu a khûksadelin Daniela kha chubai a mûka, a kuanga thilinhlan le mirimhoihai inhlan hrangin thu a pêka.

DANIELA 7:16

A ngîrhai laia inkhat ki hong nâiin chu, an nihai laia thudik chu ki’rdona. khanchu a ni hrila, a thil hrilfiana khom kha a nin hriattira.

DANIELA 8:15

Khanchu hiang hi a nia, kei Daniela hin inlârna hmuin a omzia inhriat ki tuma; irngai ro, ki kôla hin mihriam anga ngîr ki hmua.

DANIELA 8:19

Ama’n, “Irngai ro, ningmurna hnungkhôna thil hong om hranghai chu nan hril ki ta; zoro hekna lei inkung a ni tâk sikin.

DANIELA 8:27

Kei Daniela hi ki’rzal tâka, idôr sûn mani dam loiin ki oma, ki thoia, rêng sin ki tho ta, inlârna chu a’rkhêl ki tia, khannisian tûte’n inhrethiam mahai.

DANIELA 9:23

Ni zong phut lai khan thupêk a suak tâka, hril hranga zuang kêng ki ni; inditom tak ni nia; khasikin thil chu irngaitua’n lân, inlârna chu inhre thei roh.

DANIELA 9:27

Khan hapta khat hrangin mi tamtak kuang thuthung det siam a ta; khan hapta chimrip hrangin irbôlna le thilinhlan bâng a ta, a chiartu chu intirom tha chunga chuangin zuang a ta; khan a mongna, zuang tung ngêt hranga inkung khan ningmurna chu chiartuhai chunga khan buak khumhai ni an ti,” a tia.

HABAKUKA 2:3

Inlârna hi zoro inkung sûng hrang vai a ni lelea, A king nikhua anai tîr tîra, mâkana ni no ni. Sôt viat khomsian nghâk ro; A zuang tung ngêt hrang sikin inhnung ual no ni.

MATHAIA 17:8

Khanchu an hong tanga, Jisua ti no chu mi dang hmu ta mahai.

THUPHUANG 1:17

Ama kha ki hmu le chu, a ke bula ithi ang dôrin kin rîla. Ama khan a kut chang tiang ki chunga irnghatin ki kuang, “Chi no roh! kei hi a maton tak le a hnungkhôn tak.

THUPHUANG 22:8

Kei Johana hi, hi thil murdihai hmupu le inhrepu ki ni. Kin hriata ki hmu zoi le chu kha thilhai nin entirtu vântîrtôn ke bula chubai mûk hrangin kin boka.