DANIELA 8:14 - PATHIAN LEKHABU IRTHIANG C.L. Bible (BSI)

¹⁴ Khan vântirtôn dang iti hi kin hriata, “Sûn sânghni irzathum sûng chu om mai a ta, kha sûng rêng rênga chu zîng tiang le khohloi tiang thilinhlan inhlan ni no ni. Khanchu tempil chu irthiangtir ni nôk a ti,” tiin.

DANIELA 8:14 ပူးပေါင်းရင်းမြစ်များ

IRPHUTNA 1:5

Pathianin vâr chu “Sûn” a tia, inthim chu “Zân” a tia. Khanchu a sûn khatna zîng le khohloi a om tâka.

ISAIA 1:27

Zion khua chu diknain sansuak ni a ta, a sûnga sual irlethai khom felna khan inzôk ni an ti.

ISAIA 45:25

Keima Rengpa hin Jakoba irchihai chu saninhringhai ki ta, anni’n ni chôiindôm an ti.

DANIELA 12:11

“Khan hâlirvôm thilinhlan omhai lâkpai a nia, chitna intirom inding nôk a nia irthokin, sûn sângkhat irzahni le sômkuak nih a ti.

DANIELA 12:12

Nghâk za zâma sûn sângkhat irzathum sômthum ringa phâkhai chu la hoi pehai a ti.

DANIELA 12:7

Khan mi puan zerhmi sila irvo tuipui chunga om khan, a kut chang tiang le vei tiang irvân tianga phar suakin, “Hunbi khat le a chînte, a chimrip sûnga hrang nih a ti; mi irthianghai sinthotheina chu an inkhoi zoi tena hi thil murdi hi irkip a ta; tia hring kumkhua sâmin khomâk a sâm tih kin hriata”.

DANIELA 7:25

Inchungtakpu doiin thu hril a ta, inchungtaka mi irthiang irzaltir a ta, hun le dânhai indanglam tum a ti, kum thum le a chimrip chu a kuta pêk ni a ti.

DANIELA 8:26

Khan zîng le khohloia inlârna ihrilhai kha a dik a ni; khannisian inlârna chu zoro hnungkhôna hrang a nih ti inhren lân,” a tia.

GALATIA 3:8

Khan, Lekha Thu khan Jentailhai khom iamna sikin Pathian khan thiam inchangtir hrang a nih ti a lei hmua; khanchu Abrahama kuang, “Nangmaa khan nam tin satvurin om an ti,” tiin Thurchi Sa kha a lei hril diam tâk a ni.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 12:14

Khanchu, nupangnu kha dragon tôn phâk bana, kum thum le a chimrip sûng enkola a omna hrang ramchâr tiang a vuang theina hrangin irmupui lianpa mitha kianghniin an pêka.

THUPHUANG 13:5

Khan, sahrâng kha irpâk thei hrang le Pathian hrilsiat thei hrangin phal a ni, tha sômminli tha hni sûng ircham nei hrangin phal a ni sa.