DANIELA 7:7 - PATHIAN LEKHABU IRTHIANG C.L. Bible (BSI)

⁷ Kha zoia inlârna khan, irngai ro, sa minlina chu sa irkhêltak le ichiom tak ki hmu nôka; thîr ha roiinpuitak neia, a ei chut chuta, an pot thêrhaia, a ifâk mihliahai chu a sirphahaia: matona sa danghai nêkin chu danglam tak a nia, irki sômkhat nei a nia.

DANIELA 7:7 ပူးပေါင်းရင်းမြစ်များ

2 SAMUELA 22:43

Anni chu irnênga vâiphin angin ki suk india, kholaidunga dialdôk ang dôrin ki sirchîlhai chita.

JOBA 41:14

Tu’n mo a hmêl lampui ang hi inhong thei hrang? A ha irkual zêkzuaka om chu tu’n mo a chel ngam hrang?

EZEKIELA 40:2

Pathian thil lei hmûna sikin Israel rama a ni hruaia, tâng irsângtak sim tianga khopui hoitak ki hmua, kha khan a nin sum tâka.

DANIELA 2:19

Khanchu kha thu’rthup kha zân inlârnaa Daniela kuang a hor lang pea, Daniela’n irvân Pathian an pâk ta.

DANIELA 7:13

Zân inlârnaa khan irngai ro, vân sûmlâia zuang mi inkhat mihriam nâipa anga om ki hmua, kumtuanga om pa kuanga khan an hong hruaia.

DANIELA 7:2

Daniela’n zân inlârna khan hmu ki neia, irngai ro, kôlkung minlia phâivua hi tuipui lian taka ang khan a hong hrânga.

DANIELA 8:10

Irvâna omhai phâk rakin a liana, ârsihai khom hnuaia an thâkpaihai theia, a sirphahaia.

DANIELA 8:22

khan irki kiakna hmuna minli hong suak kha chu, kha nam ata kha ram minli la hong ngîr suak a tih tihna a ni, a sinthotheinahai leh ni loiin.

ZAKARIA 2:1

Khan, ki mit ki hong inlêngtira, ki hong ena, mi inkhat a kuta irkhîna chôi hi ki hmua,

THUPHUANG 12:3

Thilirkhêl dang irvâna an lang nôka. Dragon sen lianpa, lu sari le irki sôm nei, rênglukhum sari khum chit hi a oma.

THUPHUANG 13:1

Khan, sahrâng irki sôm le lu sari nei, tuikhanglian ata hong suak ki hmu. A’rkihaia khan rênglukhum a om senga, a luhaia khan Pathian hrilsiatna irhminghai a om sa.

THUPHUANG 17:12

“Irki sôm ni ihmuhai kha rêng sôm a lan lal loihai an ni. Khannisianlân, sahrâng le rênghai angin dârkâr khat chu irchamneina ipêk la ni an ti.

THUPHUANG 17:7

Vântîrtôn khan, “Ithoa mo ar khêl ni iti?” a tia. “Nupangnu le a chuangna sahrâng lu sari le irki sôm nei omzia irthup kha nang hril ki ti.

THUPHUANG 17:8

Sahrâng kha voikhat a lei om tâka, om nôk ta mah. Khannisianlân, khurmongboia irthokin hong suak a ta, irhmangnaa fe a ti. Irnênga mihriam omhai, irnêng le irvân siam mâna hringna lekhabua an irhming irziak loihai khan, sahrâng kha an hmu tena chu, a om tâk, om nôk ta loi, khannisianlân, a hong om nôk hrang tâk sikin, an irngai la’rkhêl tak tak a ti.