DANIELA 7:24 - PATHIAN LEKHABU IRTHIANG C.L. Bible (BSI)

²⁴ Khan irki sômhai thu chu, hi ram ata hi rêng sômkhat la hong suak an ta; an hnunga inkhat hong suak a ta, matonahai nêkin danglam a ta, rêng inthumhai chu inhnêhai a ti.

DANIELA 7:24 ပူးပေါင်းရင်းမြစ်များ

DANIELA 11:36

Reng khan a nuamlam takin tho a ta; ama chôiirsângin, Pathian tinrêng chunga a lian irti a ta, pathianhai Pathian sêlin thil irkhêl hril a ti: khan a ningmurna a hek pe ving mâka chu hlochuk a ta, a iti chu tho ngêt hrang a nia.

DANIELA 2:41

A kezapha le a’rzunghai chu bêl siamtu saihlûm, a sen a zâr thîr anga ni ihmu ang taka khan, ram irsen ni a ta, khannisian amaa khan an ngarna chu om mai a ti, thîr le pilhlûm irpol ni ihmu ang khan.

DANIELA 7:20

a lua irki sômkhat le irki dang hong suak, a matona inthum irtethai chungchâng le, kha irki mit nei thil tamtak hriltu, bâi neia an langdân khom a rual danghai nêka roiinpui ualhai leh khan.

DANIELA 7:23

Khan, hiang hin a tia: Sahrâng minlina chu irnêng chunga ram minlina ram danghai nêka danglam ual, irnêng pumpui fâk bu buana, chîla inpot hrang ni a ti.

THUPHUANG 12:3

Thilirkhêl dang irvâna an lang nôka. Dragon sen lianpa, lu sari le irki sôm nei, rênglukhum sari khum chit hi a oma.

THUPHUANG 13:1

Khan, sahrâng irki sôm le lu sari nei, tuikhanglian ata hong suak ki hmu. A’rkihaia khan rênglukhum a om senga, a luhaia khan Pathian hrilsiatna irhminghai a om sa.

THUPHUANG 17:3

Vântîrtôn khan Irtha ramchâra a ni fepuia, Pathian hrilsiatnaa sip, lu sari nei le irki sômkhat nei, sahrâng seninlâr chunga chuang nupangnu ki hmua.