DANIELA 7:15 - PATHIAN LEKHABU IRTHIANG C.L. Bible (BSI)

¹⁵ Khan kei Daniela hi ki taksa chunga hin ki lungrîl a sôla, ki lua inlârna ki ihmuhai hin a nin buaia.

DANIELA 7:15 ပူးပေါင်းရင်းမြစ်များ

IRPHUTNA 41:8

Zîng khua a hong vâra, Faroa chu a char an dong oka, khanchu Aigupta ram sûnga mitphil, dôithei, mi vârhai zong hrangin mi a tîra; khan Faroa’n a hril pehaia, khannisianlân tûte’n a hrilfia pe thei om mahaia.

JEREMIA 17:16

Khan khomin Rengpa an chunga vânduaina irkhêl intung hrangin nang lei ngên ngai ma unga, an ta hranga vânduaina zoro a iom hi ki inuam ni mah. Rengpa, hi hi nin hriata, ki iti kha ni inhriat a ni.

DANIELA 10:16

Irngai ro, mi inkhat, mihriam nâipa anga inlang hin ki hmûr a zuan thema; khanchu ki bâi ki hong ânga, ki kôla ngîrpa kuang khan, “O Rengpa, inlârna sikin ki char kin donga, a ni delin kin hriata, irthahrui boi angin ki oma,

DANIELA 2:1

Nebukadnezara roirêl kum hninaa khan, Nebukadnezara’n irmang a neia; a lungrîl a buai pea, in thei loiin a oma.

DANIELA 2:3

Rêngin an kuang khan, “Irmang ki neia, kha irmang inhria’nfel hrangin ki lungrîl a sôl zoi ta,” a tia.

DANIELA 4:19

Khanchu, Daniela, ar hming Beltesazzara chu chidêk dôkin, ar ngaituana a buaia; Rêngin a kuang, “Beltesazzara, irmang a hrilfiana’n mo nang a inbuai,” tiin a hrila. Beltesazzara’n, “Ki rêngpa irmang chu a en nuam loituhai hrang ni sian, a hrilfiana khom ni râlhai hrang ni sian.

DANIELA 4:5

Irmang ki ichitak ki phana; ki zâlhmuna ki ngaituana le ki lua inlârna khan a nin buaia.

DANIELA 7:1

Babulon rêng Belsazzara kum khatna khan Daniela’n irmang a neia, a zâlhmuna a ihmu chu, khan a’rmang chu a’rziaka, a tângpuiin an sîra.

DANIELA 7:28

Hi hi thil tin hekna nî chu a ni. Kei Daniela hi ki’rngaituanahai hin a nin buaia, ki hmêl ar paia, khannisian ki lungrîlin thil tinrêng ki vong mai ngai a ni.

DANIELA 8:2

kha inlârnaa hmu ki inei chu hiang hi a nia, ki hmu lai khan Elam biala Susan khopuia rêng ina ki oma; Ulai tui kôla ki oma,

DANIELA 8:27

Kei Daniela hi ki’rzal tâka, idôr sûn mani dam loiin ki oma, ki thoia, rêng sin ki tho ta, inlârna chu a’rkhêl ki tia, khannisian tûte’n inhrethiam mahai.

HABAKUKA 3:16

Kin hriatin ki sûngrîl kha an thinga, Ki hmûrhai kha hnukirhai khan an thing nor nora; ki ruhaia khan hmonna a hong lûta, Kha ki omna hmuna khan ki inthing a ni; Buaina nia khan irngam ki ta, Mipui, sipai pâl anga ni rûntu chunga a hong tung tika chu.

2 PETERA toc2 2 PETERA 1:14

Ei Rengpa Jisua Krista’n a ni ihril angin hi ki takpum hi ki isuaksan lat ta hrangin ki irhriat a ni.