DANIELA 7:14 - PATHIAN LEKHABU IRTHIANG C.L. Bible (BSI)

¹⁴ Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

DANIELA 7:14 ပူးပေါင်းရင်းမြစ်များ

INPÂKNA HLAHAI 103:19

Rengpa khan a rêngtoihmun kha irvânhai khin an dettira; A ram chu itinrêng chunga roi a rêla.

INPÂKNA HLAHAI 145:13

Ni ram chu kumtuang ram hrang a ni ta, Ni’rchamneina chu irlo tin tin dênin om mai a ti.

INPÂKNA HLAHAI 146:10

Rengpa chu kumkhua hrangin toi a ta, O Zion, ni Pathian chu irlo murdi dênin rêngin toi a ti. Rengpa chu inpâk roi!

INPÂKNA HLAHAI 45:6

O Pathian ni rêngtoihmun chu kumtuangin a iom hrang a ni: Theibîk nei loina rêng khianghrol chu ni ram rêng khianghrol chu a ni.

INPÂKNA HLAHAI 72:11

A ni, rêng murdi chu a makunga inbok an ta: Nam tinrêngin a sintho an ti.

INPÂKNA HLAHAI 72:17

A’rhming chu kumkhua’n dâi no ni: A’rhming chu misa a om sûng chu dâi loiin om mai a ta: Mihai chu amaa khan satvurin om an ta; Nam tinrêngin ama chu vânnei ti an ti.

INPÂKNA HLAHAI 8:6

Ni kut suakhai chunga hin ircham nin neitira; A ke hnuaia itinrêng ni siaa:

ISAIA 16:5

Khanchu rêngtoihmun kha chu, inren irhlômna pungin om a ta, kha ina Davida puan ina khan, mi inkhat roirêlin, roirêlna fel zongin, thil fel inrangtaka thoin, toi a ti.

ISAIA 60:12

Ni sintho nuam loi nam le ramhai chu siat an ta, irhmang ving an ti.

ISAIA 9:6

Ei ta hrangin nâi a zuang suaka, nâipa pêkin ei oma, a dârsuama roirêlna irnghatin, A’rhming khom Irkhêl, Irfûktirtu, Pathian Hrât, Kumtuang Pa, Irngeina Rêng ti an ti.

ISAIA 9:7

A ram irzat thiai a ta, a ram sûnga irngeina’n hek nî nei no ni. Thudik hmanga fel taka roirêlin Davida Rêngtoihmuna toi a ta, indettir a tih, atûn ata kumkhontuangin. Rengpa sathnem irngaina khan, kha kha a itho hrang a ni.

DANIELA 2:35

Khanchu, thîrhai le pil, dâr, sumru le rângachakhai a rêngin a koidara, misa lum laia hruizôla bu’rsi angin an om tâka: phâivua’n a sêm indarhaia, an omna hmun inhriat thei ni ta ma: millim deltu lung chu tâng liantak a chang tâka, irnêng a sip zita.

DANIELA 2:37

O inlaltak, nang chu rênghai rêng, irvân Pathianin ramhai, sinthotheinahai, hrâtnahai, roiinpuinahai a ipêk chu ni ni;

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 3:4

Khan inring takin tâng an sama, “O, mi murdihaio, nam tin le chong tin hmanghaio.

DANIELA 4:3

A thil inentirnahai chu a roiinpuiin, a thil irkhêl tho khom a irkhêl ok a ni. A ram chu ramhlu a nia, a roirêlna chu irlo tin tina rêl a ti.

DANIELA 6:26

Ki ram op sûnga hin Daniela Pathian hi biakhai sian chi ri sehai, tiin thupêk ki siam. Ama chu Pathian hring a nia, a det kumkhuaa, a ram chu insiat thei ni no nia, a op khom a hek tenin op a ti.

DANIELA 7:18

Khannisian inchungtaka mi irthianghaiin ram chu chang an ta, kumtuangin kumkhontuanga ta hrangin.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

OBADIA 1:21

Zion tânga khan Esaua tâng rêl pe hranga sansuaktuhai hong kâi an ta; Khan, ram kha Rengpa ta ni a ti.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

MATHAIA 11:27

Thil tinrêng ka Pa’n a ni pêk ta. Pa ti no’n chu tûte’n Nâipa inhre mahai. Nâipa bana chu tûte’n Pa khom inhre mahai, Nâipa’n a inpuangnahaia ti no’n chu.

MATHAIA 28:18

Jisua’n a hong panhaia, anni kha a chongpuihaia, “Irnêng le irvâna irchamneina murdi ki kuang pêk a ni ta.

LUKA 1:33

Jakoba irchihai chunga Rengin om a ta, an laia a ramin mong nî nei no ni,” a tia.

LUKA 10:22

Ka Pa’n itinrêng a nin koltir ta, Nâipa hi tu mo a ini, Pa ti bana chu tukhomin inhre mahai; Pa khom tu mo a ini, Nâipa le Nâipa’n a inpuang nuamhai laia ti no chu, tukhomin inhre mahai,” a tia.

JOHANA 12:34

Mipuiin chu an sâma, “Krista chu kumkhua’n om mai a ti, ti Dân lekhabu ata kin inhriat, nangin ‘Mihriam Nâipa inkhâiin om a ti,’ itina ni iti ma ni? Mihriam Nâipa kha tu mo a ini?” an tia.

JOHANA 3:35

Pa’n Nâipa lung a thunga, a kuta itinrêng a sia ta.

HEBRAI toc2 HEBRAI 12:28

Khasikin lôm ei ti, raifânin, a lôm hrang lamin mahrip le ichi pumin Pathian chubai mûk ei ti,

1 PETERA toc2 1 PETERA 3:22

Jisua Krista chu irvâna fe’n Pathian chang tiang a oma, vântîrtônhai, irchamneinahai, sinthotheinahai a thuhnuaia an om ta.

THUPHUANG 1:6

khua le tui le a Pathian le a Pa sintho hranga ochaihaia ni siamtu kuang, a ni, ama kuang ngei roiinpuina le irchamneina kumtuangin om mai ri se! Amen.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 17:14

Khanchu, Belrate kha doi an ta, khannisianlân, Belrate kha rênghai Reng, inlalhai Inlaltak a ni sikin anni kha inhnê a ta, a inhnêna kha a ikoihai, a inthanghai le iamoma ama zuituhai khomin dong sa an ti,” a tia.

THUPHUANG 3:21

An hnêtu ka chu rêngtoihmun kôla intoitir ki ti; kei khomin kin hnêa ka Pa rêngtoihmun kôla ki itoi ang hin.