DANIELA 6:8 - PATHIAN LEKHABU IRTHIANG C.L. Bible (BSI)

⁸ Atûn hin, o inlaltak, khapna indetin lân, Media le Persia dân danglam loi ang khan irhming irziakin lân,” tiin.

DANIELA 6:8 ပူးပေါင်းရင်းမြစ်များ

ESTHERI 1:19

Rengin sa a tiin chu rêngnu Vasti hin, ‘Reng hmêl hmu viat ta no ni,’ tiin rêng thupêk insua roh. Thûl nôk thei viat chi ni mah tiin Persia le Media dân bua irziak ni ri se. Rêngin a rêngnu nina hi ama nêka sa ual nei nôk ri se.

ESTHERI 3:12

Tha masa tak tarik sômkhat inthum nî khan rêng lekha irziaktuhai chu Hamana’n a koihaia, rêng thupêk inpuang chu a’rziaktira, a ram sûnga chong chi tinrêng le an horop hmangin ar hlettirhai zôia, rêng irthûla, ram optuhai le roirêltuhai kuang rêng kutsabi lekha a irbela thon suak hrangin ar siam tâka.

ESTHERI 8:10

Reng Ahasuera irhmingin lekha chu Mordekaia’n a’rziaka, rêng kutsabiin irsinsiana an nama. Sakor intân hrât zât, rêngin thupêk thon darna hranga a ivâi chunga chuanghai kuta an pêka, an intânpui tâka.

ESTHERI 8:3

Estheri’n rêng kuang hril hrang a la neia. A ke kôla inbokhrupin a oma, Hamana tho tum, Judahai that irhmang a itum chu sûtpai hrangin mitrithi suak pumin a ngêna.

ESTHERI 8:8

Reng thupêka irziak, a kutsabi irsinsiana nam tâk chu sût nôk ni thei ta ngai ma. Nin thei lam angin, Juda mihai kuang ki’rhmingin lekha irziak unglân, kutsabi irsinsiana nam roi,” a tia.

INPÂKNA HLAHAI 94:21

Mi fel hringna bei tumin an pungkhôm ngaia, Thisen sêlnaboi chu thiamno an changtir sa ngai.

ISAIA 10:1

Dân ihnôngom tak siamin, thupêk ngar tak insuaktuhai nin lu chung la rik a ti.

DANIELA 5:28

Parsin ti chu ni ram hi sem darh a nia, Media le Persia kuanga pêk a nih tihna a ni,” a tia.

DANIELA 6:12

Rêng kuang khan, rêng dân a ikhapna thu kha an hrila; “Sûn sômthum sûnga, o inlaltak, nangma kuang ti no’n chu pathian mo mihriam laia ite zongna nei loi hrang, a neitu chu kâmkeibaknei khura pai hrang tia dâna khan nir hming ni’rziak mo ni ma?” an tia. Rengin “Kha thil kha chu a det a ni, Media le Persia dân danglam ngai loi angin,” tiin a sâmhaia.

DANIELA 6:15

Hi mihai hin an hong irbuk nôka, rêng kuang khan, o inlaltak Media le Persia dânin khapna indanglam thei ni mah ti nin hriat, an tia.

MATHAIA 24:35

Irnêng le irvân boi a ta, ki thu chu boi no ni.