DANIELA 6:24 - PATHIAN LEKHABU IRTHIANG C.L. Bible (BSI)

²⁴ Khanchu rêngin thu a pêka, Daniela sêlhai kha an hong hruaihaia. Kâmkeibaknei khura khan an paihaia; an nâi le dôngmahai le kâmkeibakneihai khan an inthikhaia, inpet inpetin khur mong pha loiin an inhekpaihai ta.

DANIELA 6:24 ပူးပေါင်းရင်းမြစ်များ

ISAIA 38:13

Kôlvâr sûng chu changpui zongin ki khêka. Ki ruhai khom hi kâmkeibaknei isê khiak ang hin a oma. A ni tin irzalin ki’rzal si sita.

ESTHERI 7:10

Khanchu, rêngin, ‘Khataka khan inkhâi that roi,’ a tia. Mordekaia inkhâi thatna hranga a isiama khan, Hamana chu an inkhâi that tâka, rêng ningmur chu a hong boi tâka.

INPÂKNA HLAHAI 54:5

Ama khan ki sualna chu ki khôkmâkhai chunga thuan a ti: Nangin anni chu ni thu takna sika khan inboipai roh.

ESTHERI 9:25

Khannisianlân, Estheri chu rêng kuang a fea, rêngin thupêk an sua tâka. Kha thupêk sikin Judahai tuang hranga a isiam chu Hamana le a nâipasalhaiin an tuang tâka, thinga an inkhâi thathai tâk a ni.

2 RÊNGHAI 14:6

An nâihai chu thathai ma; Mosia dân bua Rengpa thupêk, “Nâihai chu an pahai sual sika thathai hrang ni ma, an pahai khom nâi sual sikin that hrang ni ma, mi tin mâni sualna sik vaiin kêng that an ini hrang ti kha a izôm a ni.

DÂN INHNINA 24:16

An nâi le tehai sualna sikin pahai kha thatpai hrang ni maka; pahai sualna sikin an nâi le tehai khom thatpai hrang ni mahai; ama sualna sika vaiin kha mi kha thatpai hrang a ni.

THUVÂRHAI 11:8

Mi felhai chu lungzîngna ata hrungin an oma; mi siahai chunga a chum ngai.

ESTHERI 9:10

Juda râl Hamedata nâipa Hamara nâi sômhai khom hi Judahaiin an thata; aniachu tûte ina râllâk sum la mahai.

DANIELA 3:22

Khanchu rêng thupêk ar hnot sikin le hâlirvômna mei lak a hrât hrai sikin Sadraka, Mesaka le Abednego indomtuhai chu meidôn khan a kâng thathaia.

THUVÂRHAI 19:9

Inhriatpuitu dik loi chu kuttum tuang loiin om no nia; milak tho ngai chu irhmang a ti.

JEREMIA 34:17

Khasikin atûn hin ki thu zôm mak chêi, keima Rengpa’n ki iti a ni; nin irchi Israelhai zalênna nin ipêk loi a ni. A sa hiang hin zalênna nangni pe ki ti. Khandai, hri le hrâi, châma thi hrang zalênna chu, nin chunga ki sinthôna khan rammuala nam tinhai ichiin om ki ti.