DANIELA 6:22 - PATHIAN LEKHABU IRTHIANG C.L. Bible (BSI)

²² ki Pathianin a vântirtôn a zuang tîra, kâmkeibaknei hmûr ar chîptira, ite ni ti mahai, a mithmua hrilsiatna boiin ki oma, ni chunga khom ite insiat ual ma unga,” a tia.

DANIELA 6:22 ပူးပေါင်းရင်းမြစ်များ

IRPHUTNA 40:15

Kei hi Hebrai-hai ram ata mi’n an nin rûka, mi’rhmang ki nia, hi rama lak hin hianga irkhumna ina khum inruk hrang lakin ite ki insiatna om maka,” a tia.

2 SAMUELA 22:7

Ki milung zîng laiin Rengpa chu ki koia, ki Pathian chu ni changpui hrangin ki koia. Ama khan a biak ina ki’rhâi an hriata; Ni changpui hranga ki khêk irhâi a len hriata.

1 RÊNGHAI 13:28

an tâna deipu pa ruak lampuia a thal rak chu a va hmua, sakuartung le kâmkeibaknei lei ngîr a hmuhaia, kâmkeibakneiin deipu ruak chu fa viat maka, sakuartung khom ite lei ti viat ma.

2 THURCHI SUINA 32:21

Rengpa’n vântîrtôn a zuang tîra, Assuria sipaihai le an hruaituhai a zuang thata. Assuria rêng chu mualphoi takin an khua tiang a kîr tâka. Sûn khat chu an pathian biak ina a om laiin a nâi senkhathaiin khandai leh an tuk thata.

INPÂKNA HLAHAI 118:28

Nang chu ki Pathian ni nia, lômthu nang hril ki ti; Ki Pathian ni nia, nang chôiindôm ki ti.

INPÂKNA HLAHAI 26:6

Ki kuthai hi sêlnaboiin irsûk ki ta, Khasikin, O Rengpa, ni maichâm kha irhîl ki ti;

INPÂKNA HLAHAI 31:14

Khannisianlân, O Rengpa, nang ki iama: “Ki Pathian ni ni,” ki tia.

INPÂKNA HLAHAI 34:7

Ama chituhai chu, an kôla Rengpa vân vântîrtôn khan a chêng inbuala a saninzôk ngai.

INPÂKNA HLAHAI 38:21

O Rengpa, ni rotsan viatno roh: O ki Pathian, nir hlapui no roh.

INPÂKNA HLAHAI 84:11

Rengpa Pathian kha misa le phô a ni: Rengpa khan lungkhamna le roiinpuina nang pe a ta: Diktaka omhai ata chu thil sa rêng rêng inhnar no ni.

ISAIA 3:10

Mi sahai laia chu, “Nin tho insa, nin sinthôna ra ât nin ti,” ti unglân;

ISAIA 63:9

An chardongna tinrêng a tuangpuihaia, vântîrtôn ni loiin, ama ngêtin a sanhai ta, lungthungin, an renhai hrai sikin a’rtanhai ta.

JEREMIA 37:18

Khanchu keima’n, “I mani, ni chunga mo, ni mi lianhai chunga mo, aninole ni mihai chunga tho’nchâina ki nei mo, intângna ina khum ki ichukna hi?

DANIELA 3:28

Rêng Nebukadnezara’n thu a hrila “Sadraka, Mesaka le Abednego hai Pathian chu inpâkin om ri se; ama’n irvân tirtônhai a zuang tîra; a siahlo a sinthotuhai chu a sansuaka, kha mihai khan an Pathian ti no chu pathian dang sintho loiin, chubai khom mûk loiin, an taksa an inhlan ngama.

DANIELA 6:20

Daniela omna khur a hong nâiin chu chap irhâiin an hriata, rêngin Daniela kuang khan, “O Daniela Pathian hring siahlo, ni Pathian a sin ni itho ngai khan kâmkeibaknei khur ata nang a inzôk thei mo?” a tia.

DANIELA 6:23

Khanchu rêng kha a lôm tak taka, Daniela kha khur ata kêlsua hrangin thu a pêka, khanchu an lâksuaka, natna tuang viat loiin, Pathian a iamzoi sikin.

DANIELA 6:4

Khanchu hruaitu le thuneituhaiin an inhriatin chu zoro’nchum an zonga, khannisian zoro inchum hmu thei loiin, a dik loina lak hmu loiin; a iamomzoi sikin, dik loina le sualna mi ni loi a nia.

DANIELA 6:7

Ram hruaituhai, thuneitu, ar fûktirtu le optu murdihai chu sûn sômthum sûnga, o inlaltak nang ti no’n chu pathian mo, mihriamhai kuanga zongna nei murdi chu kâmkeibaknei khura pai hrang, tiin rêng hin dân siamin khap sianlân, an irtia.

MIKA 7:7

Keima rêkin chu Rengpa tiang en ki ta; ki saninhringna Pathian kha nghâk ki ta; ki Pathian khan a ni irngaitua hrang a ni.

NAMBAR 20:16

khanchu Rengpa kin koia, kin koina kha a le’rngaia, vântirtôn a zuang tîra, Aigupta ram ata a ni hruai suaka. Khanchu irngai ro, nangma ram dep Kades-a hin kin om.

MATHAIA 27:46

Chohnung dâr thumin chu Jisua kha hnuk irhai inring takin a khêka, “Eli, Eli, lema sabakthani?” a tia. Kha kha “Ki Pathian, Ki pathian itho mo ni ni imâksan?” tihna a ni.

TÎRTÔNHAI SINTHO 12:11

“Khan, Petera kha a hong har le chu, “Rengpa’n vântîrtôn a zuang tîra. Heroda kut ata le Judahai sabeina murdia irthokin a nin zôk ti a dik kin hriat ta,” a tia.

TÎRTÔNHAI SINTHO 24:16

Khasikin, itiklai khoma Pathian le mihriam makunga insîrinsiat hlo ma ung, sia le sa inhriatna irthiang nei ki tum ngit ngai a ni.

TÎRTÔNHAI SINTHO 27:23

A ta ki nia, a sin ki tho ngai, Pathianin vântîrtôn inkhat zânin khan a zuang tîra, ki kuang a zuang ngîra,

2 KORINTH 1:12

Hi rammuala kin hringnuna le a bîkin nangni leh kin irzomna khan lungkhamna sinthotheina sikin Pathian ipêk irthiangna le dikna an ni vong ti kin sia le sa inhriatna’n a ni hril sikin kin irsong a ni.

2 TIMOTHEA toc2 2 TIMOTHEA 4:17

Khannisian, Thurchi Sa kha Jentailhai ta hranga kin sîr irkip theina hrangin Rengpa’n a ni ompuia, hrâtna a ni pêka, thi hrang tâk a ni ikêlsua nôk a ni.

HEBRAI toc2 HEBRAI 1:14

Khante, vântîrtônhai hi imo an ni? Vântîrtônhai chu irtha Pathian sinthohai an nia, saninhringna hmu hranghai changpui hranga tîr suakhai an ni.

HEBRAI toc2 HEBRAI 11:33

Iamna’n ram pumpui an doia, an inhnêa, thil dik an sina, Pathian chonginkung an donga, kâmkeibaknei bâihai an hîp pea,

1 SAMUELA 17:37

Kâmkeibaknei le savomhai kut pâr ata ni sansuaktu Rengpa khan, kha Filistia mi kut ata kha ni sansuak ngêt a ti,” a tia. Khanchu Saula khan Davida kuang khan, “A sa fe ngânin lân, Rengpa khan nang ompui ri se,” a tia.

1 SAMUELA 26:18

Davida ngêt khan, “I tho hrangin mo ka pu ni suak hi ni ni’rzûl maia? I zât thil mo ki itho? I zât sual mo ki isin?