DANIELA 6:16 - PATHIAN LEKHABU IRTHIANG C.L. Bible (BSI)

¹⁶ Khanchu rêng khan thu a pêkhaia, Daniela chu an hong hruaia, kâmkeibaknei khura an paia. Rêngin Daniela kuang, “Ni Pathian a sin ni itho pe maipu khan nang saninzôk a ti,” a tia.

DANIELA 6:16 ပူးပေါင်းရင်းမြစ်များ

2 SAMUELA 3:39

Reng hranga Pathian sahriak irthutir ni khomin lân, a vuan hin ki irzal zap a ni. Hi mi Zeruii nâipa hai hi ki ta hrangin an ivîk hrai a ni. Rengpa’n thil saloi thotuhai kha an sual lam ang takin thuanhai ri se,” a tia.

JOBA 5:19

Voiruk voisari khom buaina tokin lân, nang sansuak a ti, thil saloiin nang tôn thei no ni.

THUVÂRHAI 29:25

Mi dang irngaidân uksak hrai hi ichi a oma, Rengpa irnghat rêk chu zôk a ti.

ISAIA 41:10

Chi no ro, nang ompui mai ki ti, Ni charindong viat no ro, ni Pathian kêng ki ni, hrâtna nang pe ki tia, nang san ki ti. Ki kut chang tianga hrât tak leh hin nang chel ki ti.

ISAIA 43:2

Tui inthûk ni pal lai khomin nang ompui ki ta, Tuilian khomin nang ngîm thei no ni, meipui laia fe khomin lân nang kâng no ni, Meidôn khomin nang hliai innatir thei no ni.

JEREMIA 26:14

Khan keima chu nin kuta om ki nia, a dik le a sa nin iti kai chu keima chunga khom tho roi.

JEREMIA 38:5

Khanchu rêng Zedekia’n, “Khaang khan a ni’n teh a sa, a chunga hin nin nuam lam takin tho roi; nangni khap thei no ning,” a tia.

JEREMIA 38:6

Khanchu a ni hruaia, rêng nâipa tuikuanga khan hrui leh a nin thâka, kha kha hrungtu irkul sûnga om a nia. Tuikuanga khan tui om maka, dialdôk vai a oma, kha khan ki itâk tâk a ni.

JEREMIA 39:17

Khan keima, Rengpa hin nang hrung inzôk ki ta, mi a ni chihai kuta pêk ni no chi ni.

DANIELA 3:15

Atûn hin bekul, theihle, perkhuang, rosem, têngrep le serânda irhâinei murdi an ringa khûksadela ki millim siam chubai nin la mûk hrangin chu la sa a ta; nin mûk nuam noa ni’n chu, kha zoro zel khan hâlirvômna meipuia lût nin ti; ki kut ata sansuak theitu pathian chu tu mo a ini hrang?” a tia.

DANIELA 3:17

Kin Pathian a sin kin itho pe khan hâlirvômna meipui ata ni sansuak thei a ni, ni kut ata, o inlaltak ni sansuak ngêt a ti, an tia.

DANIELA 3:28

Rêng Nebukadnezara’n thu a hrila “Sadraka, Mesaka le Abednego hai Pathian chu inpâkin om ri se; ama’n irvân tirtônhai a zuang tîra; a siahlo a sinthotuhai chu a sansuaka, kha mihai khan an Pathian ti no chu pathian dang sintho loiin, chubai khom mûk loiin, an taksa an inhlan ngama.

DANIELA 6:20

Daniela omna khur a hong nâiin chu chap irhâiin an hriata, rêngin Daniela kuang khan, “O Daniela Pathian hring siahlo, ni Pathian a sin ni itho ngai khan kâmkeibaknei khur ata nang a inzôk thei mo?” a tia.

DANIELA 6:7

Ram hruaituhai, thuneitu, ar fûktirtu le optu murdihai chu sûn sômthum sûnga, o inlaltak nang ti no’n chu pathian mo, mihriamhai kuanga zongna nei murdi chu kâmkeibaknei khura pai hrang, tiin rêng hin dân siamin khap sianlân, an irtia.

TÎRTÔNHAI SINTHO 24:27

Kum hni ar vêl hnungin chu Felika chu Porkia Festa’n a thûla. Felika khan Judahai inlômtir a nuama, Paula kha lung ina a mâksan tâka.

TÎRTÔNHAI SINTHO 25:11

Thil ki tho’nsuala, thina hrang dôr thil ki tho’n chu, thi hi sêl ma ung. Khannisianlân, hihai ni hnôlna hi a bul ite a om no’n chu, anni raifânna hrangin tûte’n an ni ipêk hrang ni mah. Ki chungchâng hi Kaisara kuanga intung ki ngên,” a tia.

TÎRTÔNHAI SINTHO 25:9

Festa’n Judahai laia irhming sa a nuama, Paula kuang, “Jerusalema hong fea, hi nang an ngôna thuhai hi khitaka ki makunga rêl ni nuam mo?” a tia.

ROM KHUAA MIHAI KUANGA TÎRTÔN PAULA LEKHATHON 13:3

Roirêltu chu thil sa thopu hrangin chu ichiom ma, thil sual thotu hrangin chu ichi a iom a ni. Roirêltu chi loia om mo ni nuam? Thil sa tho’n lân, inpâk hlo ni ti.

2 KORINTH 1:10

Ama khan kha thina ichiom tak ata kha a ni saninhring tâka, ni la saninhring a ti; ni la saninhring nôk mai a ti, tiin kin tûngna amaa kin irnghata,