DANIELA 6:12 - PATHIAN LEKHABU IRTHIANG C.L. Bible (BSI)

¹² Rêng kuang khan, rêng dân a ikhapna thu kha an hrila; “Sûn sômthum sûnga, o inlaltak, nangma kuang ti no’n chu pathian mo mihriam laia ite zongna nei loi hrang, a neitu chu kâmkeibaknei khura pai hrang tia dâna khan nir hming ni’rziak mo ni ma?” an tia. Rengin “Kha thil kha chu a det a ni, Media le Persia dân danglam ngai loi angin,” tiin a sâmhaia.

DANIELA 6:12 ပူးပေါင်းရင်းမြစ်များ

ESTHERI 1:19

Rengin sa a tiin chu rêngnu Vasti hin, ‘Reng hmêl hmu viat ta no ni,’ tiin rêng thupêk insua roh. Thûl nôk thei viat chi ni mah tiin Persia le Media dân bua irziak ni ri se. Rêngin a rêngnu nina hi ama nêka sa ual nei nôk ri se.

DANIELA 6:15

Hi mihai hin an hong irbuk nôka, rêng kuang khan, o inlaltak Media le Persia dânin khapna indanglam thei ni mah ti nin hriat, an tia.

DANIELA 6:8

Atûn hin, o inlaltak, khapna indetin lân, Media le Persia dân danglam loi ang khan irhming irziakin lân,” tiin.

TÎRTÔNHAI SINTHO 16:19

Khan, a puhai khan an sum hmûna ngai om ta mah ti an inhriat le chu Paula le Sila kha an chela, roirêltuhai kuang bazâr hmuna an kai inlûthaia.

TÎRTÔNHAI SINTHO 16:24

Khaang khan, intângna in sûngrîl taka a khuma, an kea thing kol an inbuntira.