DANIELA 5:7 - PATHIAN LEKHABU IRTHIANG C.L. Bible (BSI)

⁷ Rêng chu Mitvai dôithei Kaldai mi tasân theihai hruai hrangin a khêka. Rêng khan Babulon mi vârhai kuang; “Mi tukhom hi irziak hi tepa a hrilfiana ni hril thei chu puan senduk insiltir ni a ti, a ringa rângachak zîngziri inhlitir ni a ta, a ram sûnga roirêltu inthumhai laia thuneitu tak ni a ti,” tiin a hrila.

DANIELA 5:7 ပူးပေါင်းရင်းမြစ်များ

IRPHUTNA 41:8

Zîng khua a hong vâra, Faroa chu a char an dong oka, khanchu Aigupta ram sûnga mitphil, dôithei, mi vârhai zong hrangin mi a tîra; khan Faroa’n a hril pehaia, khannisianlân tûte’n a hrilfia pe thei om mahaia.

ESTHERI 3:1

Kha zoia chu Agag mi Hamedata nâipa Hamana chu rêng Ahasuera’n ngîrhmun irsânga a siaa, hruaitu murdi chunga a sia ta.

FESUAKNA 7:11

Khanchu Faroa’n dôithei le mi vârhai a koihaia, Aigupta ram sûnga mitphil dôi theihai khomin an khianghrolhai an paia, mirûl an hong chang pehai tâka.

THUVÂRHAI 1:9

An irchûtirna khan ni lua hrangin lukhum roiinpui tak le ringa irthei enhoi tak angin ni nunchan inlang a ti.

HLAHAI HLA 1:10

Ni bianga sam kâia khan en an hoitira, ni ringa lunghlu irtheihai leh khan.

ISAIA 47:13

Nang ar don an itam ngai tia le teh, ite tho thei loiin irvân tung mâna, ârsi suihai ngai le a tha tin thil hril ngaihai hong tuanghaiin lân, vânduai irti an ti.

JEREMIA 50:35

Khan Rengpa’n, “Khandai chu Kaldaihai chunga, Babulon mihai chunga, a roirêltu vârhai chunga a inlang chian a ni.

EZEKIELA 16:11

Irvôna thilin nang ki’rvôtira, ni kuta bânhrial hai, ni hroka rângachak zîngziri irthei hai,

DANIELA 1:20

Khanchu, vârna le inhriat thiamna thu tinrêng, rêngin a hor donhaiin, a ram pumpuia dôi tin theihai le tasân theihai nêkin a lêt sômin a dik le a sa ti an hriat suak tâka.

DANIELA 2:2

Khan rêngin a’rmang hrilfia hrangin dôitheihai, mitphil le tasân theihai Kaldai mihai koi hrangin thu a pêka. An honga, rêng kôla an ngîra.

DANIELA 2:27

Daniela’n rêng kuang khan, “Thil irthup, rêng inhriat nuam tak chu, mi vârhai, kutzia en theihai, dôi theihai le tasân theihaiin rêng an ihrilfia pe theiloi;

DANIELA 2:48

Khanchu rêng khan Daniela kha a donsuia; thilpêk roiinpui tamtak a pêka, Babulon ram bial pumpuia roirêl hrang le Babulon mi vârhai murdi chunga a hruaitutak ni hrangin a sia tâka.

DANIELA 2:6

Irmang le a hrilfiana nin inlangin chu, keima ata thilpêk le lômman chôiirsângna roiinpui hmu nin ti. Khasikin irmang le a hrilfiana chu nin hril roi,” a tia.

DANIELA 4:14

inring takin, “Thing chu tukin lân, a ônhai irhlei ro, a hna insil haiin lân, a rahai dêng zuan ro: a hnuaia ramsahai khom irzûlhaiin lân; a ônhaia vatehai khom vuanghai sian.

DANIELA 5:11

ni rama hin mi inkhat Pathian irtha irthiang nei mi a om; ni pa zoro lai ata, en theina, inhriat theina, vârna, Pathian vârna nei anga mi a om ti len hriat a ni tâka; o inlaltak ni pa rêng Nebukadnezara’n dôi theihai, kutzia en theihai, Kaldai mihai tasân theihai chunga hruaitua a lei isia a ni tâka;

DANIELA 5:15

Atûn hi irziak hi tep le a hrilfiana nin hril hrangin tasân thei le mi vârhai an hong hruaihaia, khannisian a hrilfia thei om mahai.

DANIELA 5:16

Nangma’n chu hrilfia thei ni ta, dôi khom ni sût thei ti ki len hriata; atûn hin ni theiin chu a’rziak hi tepin lân, a hrilfiana khom ni hril ro, khanchu puansenduk insiltir ni ni ta, ni ringa rângachak zîngziri inhlitirin om ni ta, hi rama roirêltu inthumhai laia thuneitu tak ni ni ti,” a tia.

DANIELA 5:29

Khanchu Belsazara’n thu a pêka, Daniela chu puan senduk an siltira, a rama khan roirêltu inthum laia inkhat ni hrangin an puang tâka.

NAMBAR 22:17

mi roiinpui takin nang siam ki ta, ki kuanga ni iti kai chu tho ki ti. Khasikin hong suak hrâmin lân, hi mihai hi khua ni va sâl pehai ngêt ro,” an tia.

NAMBAR 22:7

Khanchu Moab upahai le Midian upahai chu khuasâlna hrang, a man chôiin Balaama kuang an fea, khan Balaka iti khom kha an insîr pea.

NAMBAR 24:11

Khasikin ni omna tiang rot ta ro, roiinpui taka nang chôiirsâng ki nuama khannisian Rengpa’n nang phal loi a ni hi,” a tia.

1 SAMUELA 17:25

Israel mihai khan, “Kha mihriam hong suak kha nin hmu mo? Israel mihai sarai hrang ngêta hong suak a ni. Tukhomin kha mi kha a that theitu chu rêngin lômman satakin satvur a ta, a nâinu kha dôngma’n inneitir a ta, khanchu a pa insûngkua kha Israelhai laia hin khâzana khom chôi ni no ni,” an tia.