DANIELA 4:34 - PATHIAN LEKHABU IRTHIANG C.L. Bible (BSI)

³⁴ Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

DANIELA 4:34 ပူးပေါင်းရင်းမြစ်များ

2 SAMUELA 22:31

Pathian chu a sin thôna khan ar kipa, A thuhai chu pom inruk a ni, Ama iamna irnghattu murdihai tah hrangin ama chu pho ang a ni.

1 THURCHI SUINA 29:10

Khasikin, Davida’n Israel irbukhai laia Rengpa an pâka, “O Rengpa kin pu Israelhai Pathian, kumtuanga inpâk inruk ni ni.

1 THURCHI SUINA 29:13

Khasikin kin Pathian kuang lômthu kin hril, nir hming roiinpui kin inpâk a ni.

JOBA 1:21

“Ka nu sûng ata korongin ki zuang suaka, a korong ngêtin ki ikîr nôk hrang a ni hi te, Rengpa khan a pêka, Rengpa hin a ilâk nôk a ni hi te, Rengpa irhming chu inpâkin om ri se,” a tia.

INPÂKNA HLAHAI 10:16

Rengpa chu kumkhontuang hrangin Inlaltak a nia: Nam tin chu ama ram ata an irhmang ta. 17,

INPÂKNA HLAHAI 102:24

“O ki Pathian, ki vânglai nikhuahai hin ni lapai no ro,” ki tia: Nangma kumhai chu irlo om sûng murdi’n om a ti.

INPÂKNA HLAHAI 107:15

O, mihriamhai hin Rengpa chu lungkhamna sik le, Mihriam nâihai chunga a sinirkhêl thohai sikin inpâk sianlân chu o!

INPÂKNA HLAHAI 107:22

Anni khan lômthu’nsîr irbôlnahai kha inhlan sianlân, An sinthohai kha hla sakin hril ri se.

INPÂKNA HLAHAI 107:31

O, mihriamhai hin Rengpa chu a lungkhamna sik le, Mihriam nâihai chunga a sinirkhêl thohai sika hin inpâk sianlân O!

INPÂKNA HLAHAI 107:8

O, mihriamhai hin Rengpa chu a lungkhamna sik le, Mihriam nâihai chunga a sinirkhêl thohai sika hin inpâk sianlân O!

INPÂKNA HLAHAI 111:7

A kut sinthohai chu iam a omin a dika; A thupêkhai chu iam a iom a ni.

INPÂKNA HLAHAI 121:1

Tâng tianghai khin ki mit inlêngtir ki ta; “Kho tianga mi mo ni changpuitu hrang zuang tung hrang?” tiin.

INPÂKNA HLAHAI 123:1

O, nang irvâna toi ngai, Nangma tiang ki mit kin lêng ngai hi.

INPÂKNA HLAHAI 145:13

Ni ram chu kumtuang ram hrang a ni ta, Ni’rchamneina chu irlo tin tin dênin om mai a ti.

INPÂKNA HLAHAI 146:10

Rengpa chu kumkhua hrangin toi a ta, O Zion, ni Pathian chu irlo murdi dênin rêngin toi a ti. Rengpa chu inpâk roi!

INPÂKNA HLAHAI 50:14

Pathian kuang lômthu insîr irbôlna kha inhlanin lân; Ni thu’nkung khom Anchungtaka kuang intung roh.

INPÂKNA HLAHAI 66:7

A sinthotheina khan kumkhua’n roi a rêla; A mitin nam tin a en ngai: Tehel zonghai chu chôiindôm no ri sehai.

INPÂKNA HLAHAI 7:17

Rengpa chu felna sikin a kuang lômthu insîr ki ta, Rengpa, Anchungtaka inpâkin zâi ki ti.

INPÂKNA HLAHAI 9:2

Nangmaa khan lômin ki râiinfân ki ti: O, nang Anchungtak, nir hming inpâkin zâi ki ti.

INPÂKNA HLAHAI 92:1

Rengpa kuang lômthu insîr le, O Anchungtak, nir hming inpâka zâi hi thil satak a nia:

ISAIA 13:11

Hnuai hi a sual sikin hrem ki ta, mi sualhai khom an sual sikin hremhai ki ti; mi lârirpâkhai irsongna chu inboi ki ta. Mi nunsia le irpâkhai chu irhnuai an ta.

ISAIA 2:11

Mihriamhai mualphoina hong dâi a ta, an irngaiirsângnahai hor hnuai a ti. Kha ni tena chu Rengpa vai hi chôiindôm ni a ti.

ISAIA 24:15

Nisua tianga mihai khomin Rengpa chôiindôm an ta, Israelhai Pathian Rengpa irhming chu tuipui kôla omhai khomin inpâk an ti.

JEREMIA 10:10

Khan Rengpa chu Pathian dik ni nia, Pathian hring le kumtuang rêng ni ni. Ni ningmurna’n rammual hi an thinga; namhaiin ni ningmurna tuang zoi mahai.

CHAP HLA 3:38

Anchungtakpu bâi ata ti no’n, thu sia le sa ite suak ngai loi mo ni mah?

DANIELA 12:7

Khan mi puan zerhmi sila irvo tuipui chunga om khan, a kut chang tiang le vei tiang irvân tianga phar suakin, “Hunbi khat le a chînte, a chimrip sûnga hrang nih a ti; mi irthianghai sinthotheina chu an inkhoi zoi tena hi thil murdi hi irkip a ta; tia hring kumkhua sâmin khomâk a sâm tih kin hriata”.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 4:2

Anchungtak Pathianin thil inentirnahai, thil irkhêl a ithohai hi an langtir ki nuam.

DANIELA 4:26

Khanchu a sûngril hoi hranga thu a ipêk ang khan irvâna thu a nei ti nin hriat hnung le chu ni ram chu ni ta ni mai a ti.

DANIELA 4:3

A thil inentirnahai chu a roiinpuiin, a thil irkhêl tho khom a irkhêl ok a ni. A ram chu ramhlu a nia, a roirêlna chu irlo tin tina rêl a ti.

DANIELA 4:32

Mihriam lai ata inhnotsuak ni ni ta, ni omna hrang chu ramsahai laia nih a ti: sehrât angin hloisûl fa ta ni ta, ni chunga zoro sari hek a ti; anchungtak khan mihriamhai inlalna ram chunga thu a neia, a inuam takhai a pêk ngai a nih ti nin hriat mân chu” tiin.

DANIELA 4:36

Kha lai taka khan inhriatna ki nei nôka; ki ram sûnga kin lalnahai le ki satnahai chu ki nei nôkin ki’rhriata; khan a nir fûkpuituhai khan an ni hong pana, ki ram indetin a oma, roiinpui tamtak pêk belsa ki nia.

DANIELA 5:18

O inlaltak, ni pa Nebukadnezara chu inchungtak Pathian khan an laltira, an liantirin a sân a iroiinpuitir tak tak a ni;

DANIELA 5:21

mihriam nâihai lai ata inhnotsuakin a oma, a lungrîl khom ramsahai angin, a omna khom rama sakuartunghai laia a nia; sehrât angin hloisûl fâkin, a taksa chu irdo irsilin a oma: Pathian inchungtakin mihriamhai inlalna rama thu a neia, a inuam tak an luatir thei ti ar hriatsuak mâka chu.

DANIELA 6:26

Ki ram op sûnga hin Daniela Pathian hi biakhai sian chi ri sehai, tiin thupêk ki siam. Ama chu Pathian hring a nia, a det kumkhuaa, a ram chu insiat thei ni no nia, a op khom a hek tenin op a ti.

DANIELA 7:14

Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

DANIELA 7:27

Khan ram le roirêlna, irvân pumpui hnuaia ram roiinpuina chu inchungtak mi irthianghai kuanga pêk ni a ti: a ram chu ramhlu a ni sikin, a iop ram murdi’n a sintho an ta, ama iam an ti.

DANIELA 9:14

Khasikin, Rengpa’n thil saloi chu a en maia, kin chunga a itung a ni ta: Rengpa kin Pathian chu a sin thônahai hin a fela, a hê kin ilâk loi vai hi a ni.

JONA 1:14

Khasika khan Rengpa kha an insama, “O Rengpa, hi mi hringna sika hin nir hmangtir no’n lân, mi thiam thisen mô kin chunga irnghat thut loi hrangin nang kin ngên, O Rengpa, nang kin ngên, nangin ni nuamlam anga ni itho a ni”, an tia.

MIKA 4:7

Ke’nbâi chu a thi ban siam ki ta, hlataka inhnotpai kha nam hrât taka siam ki ti: atûn ata chu Zion tânga kumkhua’n Rengpa khan an chunga roirêl a ti.

LUKA 1:33

Jakoba irchihai chunga Rengin om a ta, an laia a ramin mong nî nei no ni,” a tia.

LUKA 18:13

“Khâzana irfuangtu chu inhnung tiang a ngîra, irvân tiang khom tang ngam maka, ‘O Pathian, keima mi sual hi lung nin kham roh,’ tiin a rôp ar chûm tâka.

JOHANA 5:26

Pa chu hringna hnâr a ini angin Nâipa khom kha hringna hnâr nina a ipêk a ni.

DÂN INHNINA 32:4

Itinrêng sataka thotu, lungpui a ni, Dik takin roi a rêl ngai, Pathian iamom le dik, thil sa le dik tho ngaitu a ni.

1 TIMOTHEA toc2 1 TIMOTHEA 1:17

Inlaltak kumtuanga om, thi theiloi, mita hmu theiloi, Pathian tak vai kuanga khan chôiirsângna le roiinpuina kumtuangin om ri se. Amen.

1 TIMOTHEA toc2 1 TIMOTHEA 6:16

Ama vai hi thi theiloi, nâisâiloi zât, vâra om, tûte la ihmu loi le hmu thei ni sa loi kha a ni, a kuanga chôiindômna le sinthotheina kumtuangin om ri se. Amen.

THUPHUANG 10:6

irvân hai, irnêng hai, tuikhanglian hai le a sûnga om tinrênghai siamtu Pathian, kumtuanga hring mai irhminga khomâk irsâmin, “Zoro om ta no ni,

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 4:10

Upa sômhni minlihai kha rêngtoihmuna toitu makunga khan inbokin kumtuanga hring maitu kha chubai an mûka. An rênglukhumhai kha rêngtoihmun matona siain,

THUPHUANG 4:9

Khan, thilhring minlihai khan rêngtoihmuna toi kumtuanga hring mai kuanga khan roiinpuina le chôiindômna hla an saka, lômthu an insîr rikipa,