DANIELA 4:33 - PATHIAN LEKHABU IRTHIANG C.L. Bible (BSI)

³³ Kha zoro lai takin kha thil kha Nebukadnezara chunga a hong tung zela; mihriam lai ata inhnotsuakin a om ta. Sehrât angin hloisûl a fâka, a taksa chu irvân irdo irsilin a oma, a sam khom irmu mul ang le a mitinhai khom va mitin anga omin a iom a ni ta.

DANIELA 4:33 ပူးပေါင်းရင်းမြစ်များ

JOBA 20:5

mi sual râifân chu sôt ngai maka, Pathian inhre loi mi lômna chu mit khapkâr vai hrang ang a ni.

ISAIA 30:14

Irdîn viat loia pilbêl vuak inkhoi, mei irling thun theia indom ngai angin, tui thâlna hrang khom om loi raka, vîk indi ni hrang nin ni ta,” a tia.

DANIELA 4:25

Mihriam lai ata inhnotsuak ni ni ta, ni omna hrang chu ramsahai laia ni a ti, sehrât angin hloisûl fa ni ta, irvân irdo’n nang buak a ta, ni chunga zoro sari hek a ti; anchungtakpu’n mihriamhai inlalna ram chunga thu a neia, a inuam tak a pêk ngai a nih ti nin hriat mân chu.

DANIELA 4:32

Mihriam lai ata inhnotsuak ni ni ta, ni omna hrang chu ramsahai laia nih a ti: sehrât angin hloisûl fa ta ni ta, ni chunga zoro sari hek a ti; anchungtak khan mihriamhai inlalna ram chunga thu a neia, a inuam takhai a pêk ngai a nih ti nin hriat mân chu” tiin.

DANIELA 5:21

mihriam nâihai lai ata inhnotsuakin a oma, a lungrîl khom ramsahai angin, a omna khom rama sakuartunghai laia a nia; sehrât angin hloisûl fâkin, a taksa chu irdo irsilin a oma: Pathian inchungtakin mihriamhai inlalna rama thu a neia, a inuam tak an luatir thei ti ar hriatsuak mâka chu.

DANIELA 5:5

Kha lai taka khan mihriam kutpâr hi a hong inlanga, rêng inbang chung meiser inkhâina kôla khan a’rziaka, rêng khan a’rziaktu kuttum kha a hmua.

1 THESALONIKA 5:2

Rengpa Nikhua chu zâna inru angin a itung hrang ti nangni ngeiin fel takin nin inhriat.