DANIELA 4:32 - PATHIAN LEKHABU IRTHIANG C.L. Bible (BSI)

³² Mihriam lai ata inhnotsuak ni ni ta, ni omna hrang chu ramsahai laia nih a ti: sehrât angin hloisûl fa ta ni ta, ni chunga zoro sari hek a ti; anchungtak khan mihriamhai inlalna ram chunga thu a neia, a inuam takhai a pêk ngai a nih ti nin hriat mân chu” tiin.

DANIELA 4:32 ပူးပေါင်းရင်းမြစ်များ

2 THURCHI SUINA 33:13

Manasea chongchaina chu a le’rngaitua pea, a izonghai chu sâmin Jerusalema an fetir nôk tâka. Manasea’n chu Rengpa chu Pathian a nih ti an hriat infel thei tâka.

JOBA 42:2

Itinrêng ni thothei ti kin hriat ta. Ni ititak chu sêl thei ni viat mah.

JOBA 9:12

Irngai ta, a inuam murdi a lâk khomin tu’n mo a khap thei? Tukhomin ama chu imo ni itho? ti ngam mahai.

INPÂKNA HLAHAI 115:3

Kin Pathian chu irvâna a oma; A inuam nuam a isin a ni.

INPÂKNA HLAHAI 135:6

Rengpa chu a nuamlam murdi chu a sin ngaia, Irvân hai, irnêng hai, tuikhanglian hai, tui inthûk tak sûmhai kôlkunga irthokhaia Khan an hong ngaia, Kôlirlekhai rua hrangin a siama, A fasiara irthokin phâivua a lâk suak ngai.

FESUAKNA 8:10

Khanchu Faroa’n, “Zînga duah,” a tia. Mosia’n “Ni thu ang takin ni ri se: Rengpa kin Pathian ang hi mi tûte om mahai, ti nin hriat theina hrangin.

FESUAKNA 9:14

Hnuai chunga hin keima ang hi tûte om mahai ti nin hriat theina hrangin, atûn a zoro hin chu, ni mihai le ni siahlohai le nangma chunga khom, hi hri hi hong tîr ki ti.

FESUAKNA 9:29

Mosia’n a kuang, “Khopui ki suaksan zoiin chu, Rengpa tiang ki kut phar ki ta, hnuai hi Rengpa ta a nih ti nin hriat theina hrangin, irvân inrûmhai mong a ta; irial khom tho ta no ni.

ISAIA 37:20

Rengpa atûn hin a kut ata ni sansuakin lân, khanchu rammual murdia mihaiin nang vai hih Rengpa chu ni nih ti nan hre ving an ti,” a tia.

ISAIA 40:15

Rengpa hrangin chu nam murdihai hi, baltizera tui mal tâk angin, tuala kebop kop ang hi a ni; Tuikhanglian kôla phâihai khom lung anga omin hrûtpai thei an ni.

ISAIA 40:17

Nam murdi hi ama hrangin ite ni ual maka, Ite bêin bê no ni.

ISAIA 45:3

Irchon inthimna laia an ihrêhai khom, Hmun irthupa sum an ihrêhai nang pepai ki ti. Ni’rhminga nang koitu hin, Rengpa, Israelhai Pathian ki nih ti inhre thei ta ni ti.

JEREMIA 27:5

“Ki sin thotheina irkhêl tak le ki’rtha hrâtna’n rammual mihriam le irnênga mihriam murdi ki siama; ki mi inthang kuang ki pêk ngai.

DANIELA 2:21

Hunbihai le zorohai an danglam theia: rênghai a sonpai theia, rênghai an dettir thei: Mi vârhai kuang vârna a pêka; an hretheitu kuang inhriat theina a pêka.

DANIELA 4:31

Kha thu kha rêng hmûra a suak lai takin, irvân ata irhâi a hong suaka, “O rêng Nebukadnezara ni kuang thu a hong tung: inlalna ram khan nang a mâksan ta.

DANIELA 5:21

mihriam nâihai lai ata inhnotsuakin a oma, a lungrîl khom ramsahai angin, a omna khom rama sakuartunghai laia a nia; sehrât angin hloisûl fâkin, a taksa chu irdo irsilin a oma: Pathian inchungtakin mihriamhai inlalna rama thu a neia, a inuam tak an luatir thei ti ar hriatsuak mâka chu.

JOSUA 4:24

Hi thil sika hin mi tukhomin Rengpa sinthotheizia inhriat an ti, kumkhuain nin Pathian Rengpa hi chôiirsâng nin ti,” a tia.