DANIELA 4:27 - PATHIAN LEKHABU IRTHIANG C.L. Bible (BSI)

²⁷ Khasikin o inlaltak, ki thu nang tihai hi pomin lân, ni sualna chu felna’n thûlin lân, nin châinahai chu, mi inrianghai nin renhaiin chu, ni khonhoinahai hi a la sei khom a ol,” tiin a sâma.

DANIELA 4:27 ပူးပေါင်းရင်းမြစ်များ

IRPHUTNA 11:4

Khanchu, “Tho khopui siam ei ti, in irsâng a sîp irzumin irvân sun rakin siam ei ta, ei irhming an thang theina hrangin, khano’nchu irnêng chunga hin irthek indarh zoiin om ei ti,” an tia.

1 RÊNGHAI 21:29

“Ahaba ki makunga a’rngaiintômzia hi nin hriat mo? hianga irngaiintôm sikin a dam sûng chu a chunga siatna intungtir pe no ning, a nâipa zoro sûnga a in mihai siatna intungtir ki ti,” a tia.

INPÂKNA HLAHAI 119:46

Ni thupêkhai chu rênghai makunga hril ki ta, Inzak no ning.

THUVÂRHAI 11:2

Mi lârirpâkhai chu mualinphoiin om zôi zel an ti. Irngaiintômhai kuang khan vârna a om.

THUVÂRHAI 16:6

Dikna le iamomna nei chu Pathianin a ngaidam ngaia. Rengpa chitna’n mi’n sual a mâk ngai.

THUVÂRHAI 28:13

An siatna irthuphai chu tuanintung ngai mahai. Ip loia inpuanga irlettuhai chu Pathian lungkhamna dong an ti.

ISAIA 10:13

“Ki hrât le ki vâr sikin, keima itho a ni. Nam tin an ramri ki thon pehai ngaia, an irchon thuphai ki suthaia, sehrât bu chîl angin an rênghai ki chîlhaia,

ISAIA 47:10

Ite bêa bê loiin thil sual ni tho ngaia, Tûte’n nang hmu no nihai tiin, ni vârna khan nang a hruai insual zoi ta, “Keima ti no chu tu dang mo om?” ni lei irti ngai kha.

ISAIA 47:8

Nuamninga om nuam ngainu; irngaitua ro, Lungirngam takin ni om ngaia, “Keima ti no hi tu dang moh a la om? ni ti ngaia. Meithâi ni no ning, lusûn tuang viat no ning,” ni ti ngaia.

JEREMIA 29:7

Sala nangni ki inomtirna khopuihai satna hrang sin tho roi. An ta hrangin chongchai pehai sa roi, an vângsak theina chu nangni vângsak theina ni sa a ti.

JEREMIA 38:20

Khan, keima’n, “Anni kuta pêkin om no chi ni, Rengpa chongbe hi zôm hrangin nang ki ingên a ni; khanchu itinrêng fel a ta, ni hringna inzôkin om a ti.

EZEKIELA 18:7

tûte chunga thilsual tho loia, thil pûktu’n a neinun bândaa a isia khom pe kîr nôkin, phîngchâmhai kuang fâk hrang pêkin, puan sil diarkai boihai chu silkai pehaia,

EZEKIELA 29:3

Hi hi Rengpa Pathianin Aigupta rêng chungthua a ihril chu a ni ti roh. O, Faroa Aigupta rêng, Nail ivadung kôla rûlpui ang ni nia, Nail dung chu ki isiam a nia. Keima ta a nih ti ngaitu, keiin nang ki idoi a ni hi.

EZEKIELA 29:9

Khanchu Aigupta ram chu ram inpon le kho ram chang ta a ti. Khanchu Rengpa ki nih ti inhre ta an ti. Nail vadung chu ki ta leh ki isiam a nih ni ti sikin.

JOELA 2:14

Rengpa nin Pathian kuang baidi inhlan le in hranga inhlanhai khom khan, kîrin, lungrîl irhei kîrin, satvurna mâksanin om no nih ti tu’n mo an hriat?

AMOSA 6:13

nangni thil mâkana chunga lôma, eini hrâtna’n a ini loi ma ni, irkihai ei ilâk? tihaio.

JONA 3:9

Kin irhmang loina hrangin, Pathian kha kîrin, lungrîl irheitirin, a ninginmurna irkhêltak ata kha zuang irheikîr no nih ti tu’n mo an hriat?” tiin.

HABAKUKA 1:11

Phâivua ang dênin an hong inmuaia, An fe theng zut zuta, Aniachu, an hrâtna kha pathianin an nei sikin, thiamno an ichang a ni.

ZEFANIA 2:15

Hi hi khopui raifân thei tak, mâni ir-iam zoi thei tak, a lungrîla keima hi ki ni, ki chunga tûte om mahai, irti lungrîl kha a ni: Sahai riakna hmun hrangin, a ramin a’rkhêl bâk tâka na! A hong khêl murdi’n an dang inchek khum an ta, an kut irlek khum an ti.

MATHAIA 3:8

Nin sualhai ata nin irlet ngêt a nih ti inlang hrangin sin tho roi.

LUKA 11:41

Ni khilât le khêng sûnga thil om kha mi’nrianghai pe unglân chu nin ta hrangin itinrêng a irthiang mai hrang a ni.

TÎRTÔNHAI SINTHO 24:25

Thiam inchangna thu hai, insumtheina thu hai, roirêlna la om hrang thu hai Paula’n an sîr lai khan Felika’n a sân ichi a om a tia, “Fe nôk tan lân, zoro’nchum ki nei nôk tika nang la hong inkoitir nôk rong,” a tia.

TÎRTÔNHAI SINTHO 26:20

Khanchu, Damaska mihai kuanga insîr irphutin Jerusalema mihai kuang, Judai rama mi murdihai le Jentailhai kuang khom an sualna ata irleta Pathian tiang an irheia, an irlet tak tak a nih ti an langna hranga, sin an thôna hrangin thu ki ihril ngai a ni.

TÎRTÔNHAI SINTHO 8:22

Aniachu, ni sual hi irletin lân, Rengpa kuang chongchaiin lân, ni ngaituana sual hi nang ngaidam no ni mo.

2 KORINTH 5:11

Rengpa chi lam kin hriata, mi kin inthêm ngai a ni. Pathianin a nin hriat infel zit, nangni khomin nin lungrîlin nin hriat infel sa nin ti ki tûng.

GALATIA 5:13

Urênghaio, nangni chu Zalênna nei hranga koi nin ni, nin Zalênna hi taksa ta hranga zoro inchuma hmang viat no roi; lung irthung irhlômin sin irtho irhlôm roi.

GALATIA 5:22

Irtha ra chu: lungthungna hai, raiinfânna hai, irngeina hai, tuangdiarna hai, khonzâna hai, satna hai, iamomna hai,

GALATIA 5:6

Jisua Kristaa ei om photin chu sertan mo, tanloi mo danglam ual mah; lungthungnaa irbel iamna hi a poimo a ni.

EFESI 4:28

Inrûk ngai khan inru ta no ri se, mi irsam kuang pêk hrang a nei theina hrangin mâni kut ngeia sin tho’n tam ual ri se.

DÂN INHNINA 24:13

Misa tâkin chu ni inkhîr nôk hrang a ni; ama puan ngei khan irtuam inlum a ta, ni chunga lôm sa a ti; Rengpa ni Pathian khan thil sa tho nang lei pom pe a ti.

DÂN INHNINA 32:27

‘A mihai kha kin soisak ngheka,’ tiin. Nin râlhai kha irsor an tih ti ki chitinrîm a ni, A soisaktu chu keima ki ni lik tâk a ni.

DÂN INHNINA 8:17

Khanchu, nin hrât sik le thil nin thothei sika irchong mo kin ni irti no roi.

1 PETERA toc2 1 PETERA 4:8

Thil dang nêkin milung takin lung irthung irhlôm hi uar roi, lungthungna’n sual tamtak ar khu ngai sikin.