DANIELA 4:17 - PATHIAN LEKHABU IRTHIANG C.L. Bible (BSI)

¹⁷ Hi thu hlu hi a entuhai thu a nia, thil inphût hi mi irthianghai thua tho a nia, anchungtakpu’n mihriamhai inlalna rama hin thu a neia, a inuam takhai a pêka, mi irhnuai takhai khom an luatirhai ngai a nih ti mihriamin an inhriatna hrangin,” tia khêkin.

DANIELA 4:17 ပူးပေါင်းရင်းမြစ်များ

1 RÊNGHAI 21:25

A dôngma Jezebeli’n thil saloi hrila Rengpa mithmua thil saloi tho hranga irpêk, Ahaba ang hi tûte om mahai.

2 THURCHI SUINA 28:22

A sân a charindong lai tak khomin Ahaza chu Rengpa ata a sual uala.

INPÂKNA HLAHAI 103:19

Rengpa khan a rêngtoihmun kha irvânhai khin an dettira; A ram chu itinrêng chunga roi a rêla.

INPÂKNA HLAHAI 12:8

Mihriam nâihai laia hin sualna chôiindôma omin, Mi siahai chu an irvâk vêl ngai.

INPÂKNA HLAHAI 9:16

Rengpa khan an hriattira, roi a rêl tâka. Mi sia chu ama kut suak ngeia khan an ôk ngaia.

FESUAKNA 9:16

Khannisianlân hi thil ki ithôna ang taka hin ki sinthotheina chu inentir a ni theina hrangin le, rammual pumpuia ki’rhming puang indarh a ni theina hrangin nang ki la indam mai a ni hi te.

ISAIA 6:3

“Itinrêng Rengpa chu a’rthiang e, a’rthiang e, a’rthiangliai, irnêng pumpuia a roiinpuina’n a sip,” tiin an irsam irhlôm, an irsam irhlôma.

ISAIA 6:8

Khan, “Tu mo ki itîr hrang, tu mo keini hranga fe hrang?” tiin Rengpa irhâi kin hriata. Keima’n, “Keima fe ki ti! ni tîr ro,” ki tia.

EZEKIELA 25:17

Anni chu a sân hremhai ki ta, an chunga phuba lâk hrang om dôr chu la ki ta, ki ningmurna chu an chunga chum a ti. Khanchu keima hi Rengpa ki nih ti inhresuak ta an ti,” a tia.

EZEKIELA 7:24

Khasikin, nam dang sual tak takhai hong hruai lût ki ta; an in le loihai la pehai an ta; an hrâtna an irsongpui chu inboipai ki ta, an hmun irthianghai chu porinchein om a ti.

DANIELA 11:21

Khanchu a hmuna khan mi ien nuamloi, ram chôiindômna a ipêk loi chu hong suak a ta; ram a hoi lai takin hong a ta, chongbâi hoitak hmangin ram chu nei a ti.

DANIELA 2:21

Hunbihai le zorohai an danglam theia: rênghai a sonpai theia, rênghai an dettir thei: Mi vârhai kuang vârna a pêka; an hretheitu kuang inhriat theina a pêka.

DANIELA 4:2

Anchungtak Pathianin thil inentirnahai, thil irkhêl a ithohai hi an langtir ki nuam.

DANIELA 4:25

Mihriam lai ata inhnotsuak ni ni ta, ni omna hrang chu ramsahai laia ni a ti, sehrât angin hloisûl fa ni ta, irvân irdo’n nang buak a ta, ni chunga zoro sari hek a ti; anchungtakpu’n mihriamhai inlalna ram chunga thu a neia, a inuam tak a pêk ngai a nih ti nin hriat mân chu.

DANIELA 7:25

Inchungtakpu doiin thu hril a ta, inchungtaka mi irthiang irzaltir a ta, hun le dânhai indanglam tum a ti, kum thum le a chimrip chu a kuta pêk ni a ti.

ROM KHUAA MIHAI KUANGA TÎRTÔN PAULA LEKHATHON 13:1

Mi tinin an chunga roirêltuhai thu an izôm hrang a ni. Pathian inkung ni loiin roirêltu om thei mahai; atûna roirêltuhai khom hi Pathian inkung kêng an ini.

1 KORINTH 1:28

Rammual thil môl le hmusitomhai, thil om loihai ten khom, Pathianin an thanga; thil om saihai pai thâkna hrangin Pathianin ite ni loia an irngai kha an thang tâk a ni.

1 TIMOTHEA toc2 1 TIMOTHEA 5:21

Hi thu hi ite theibîkna nei loiin, ni sin thôna tina tûte thop bîk nei loia, Pathian le Krista Jisua le vântîrtôn inthanghai mithmu’n zôm hrangin sathnem irngai takin nang kin hriattir.

THUPHUANG 4:8

Kha thilhring minlihai khan mitha kiruk an nei seng, kha an mithahai kha sûng tiang le pên tiang mita sip an ni. A sûn a zânin, “Rengpa Pathian Itinrêngthothei, A om tâka le A om maia le A la om hrangtu chu A’rthiang e, a’rthiang e, a’rthiang e, tia sakin mong ngai mahai,” tiin.

1 SAMUELA 2:8

Vâiphin ata inriang kha a kaithoi thei ngai. Inriangtengtêr kha vâiphin ata an domirsângtir theia, Mi lianhai kuang an omtir thei. Roiinpuina rêngtoihmun an lua theina hrangin. Irnêng irnghatnahai hi Rengpa ta a nia, a chunga khan rammual hi a irnghat tâk a ni.