DANIELA 3:28 - PATHIAN LEKHABU IRTHIANG C.L. Bible (BSI)

²⁸ Rêng Nebukadnezara’n thu a hrila “Sadraka, Mesaka le Abednego hai Pathian chu inpâkin om ri se; ama’n irvân tirtônhai a zuang tîra; a siahlo a sinthotuhai chu a sansuaka, kha mihai khan an Pathian ti no chu pathian dang sintho loiin, chubai khom mûk loiin, an taksa an inhlan ngama.

DANIELA 3:28 ပူးပေါင်းရင်းမြစ်များ

IRPHUTNA 9:26

Rengpa, Sema Pathian chu inpâkin om ri se, Kanaana chu siahlo’n om ri se.

1 THURCHI SUINA 5:20

Pathian an iama, changpui hrangin an ngêna, Pathianin an chongchaina chu a sâmhaia, Hagari hai chu an lei irsanpui namhai leh an inhnêhai tâka.

2 THURCHI SUINA 20:20

Zînga chu mihaiin Tekoa khua kôl ram irchêpna tiang an pan hrang a nia, an suak hranga khan Jehosafata’n an kuang, “Juda le Jerusalem ruathartehaio, Rengpa nin Pathian chu song unglân, ngîrsuak thei nin ti. A deipu thuhril kha iam unglân, hlochuk nin ti,” a tia.

2 THURCHI SUINA 32:21

Rengpa’n vântîrtôn a zuang tîra, Assuria sipaihai le an hruaituhai a zuang thata. Assuria rêng chu mualphoi takin an khua tiang a kîr tâka. Sûn khat chu an pathian biak ina a om laiin a nâi senkhathaiin khandai leh an tuk thata.

EZRA 1:3

Nin laia ama mihai murdi chunga Pathian chu om ri se; khanchu Judai ram Jerusalema fehai sian, Rengpa Israelhai Pathian, ama chu Jerusalema om Pathian in chu hong sin ri sehai; ama chu Pathian a ni.

EZRA 6:11

Mi tukhom hi thu indanglamtirtu chu a ina pakhalâi kaidoka, ama chu khatak khan inkhâi ni ri se, hi sika hin a in chu êk painaa siam ni ri seh ti thu nangni ki pêk.

INPÂKNA HLAHAI 103:20

A vân tîrtônhaio, A thu irngaituaa a thu zôm ngai, hrâtnaa roiinpuinahaio, Rengpa chu inpâk roi:

INPÂKNA HLAHAI 147:11

Khannisian Rengpa khan ama chituhai chunga khan lômna a nei ngaia, Ama lungkham lianna chunga irnghattuhai chunga khan a lôm ngai.

INPÂKNA HLAHAI 33:18

Irngai ta, Rengpa mit chu ama chituhai chunga a chum mai ngaia, a lungkhamna sabeituhai chunga khan;

INPÂKNA HLAHAI 33:21

Amaa khan ei milung hi raiinfân a ta, A’rhming irthiang ei iam sikin.

INPÂKNA HLAHAI 34:22

Rengpa khan a siahlohai hringna kha ar tan ngaia: Ama iamna irnghathai kha inkhat lua thiamno chang om no nihai.

INPÂKNA HLAHAI 62:8

Nangni mipuihaio, itiklai khomin ama kha iam unglân; Nin milung kha a makunga bunpai roi; Pathian chu ei hrangin inzôkna a ni.

FESUAKNA 20:5

Annihai kha chubai ni imûk hrang khom ni ma, an sin khom ni itho hrang ni mah. Keima Rengpa ni Pathian hi Pathian nunsetak ki nia, a ni hualtuhai chu an irchi khom irlo thum irlo minli dênin an pahai sualna sikin an nâihai deng kin theitir ngai.

ISAIA 12:2

Pathian chu a ni saninhringtu a ni, Ama iam ki ta, chi ta no ning. Rengpa ki Pathian chu, a nin hrâttu, ki hla a ni. A ni saninhringtu a ni.

ISAIA 37:36

Rengpa itîr vântîrtôn chu Assuria-hai tuala fe a ta, mi nuai khat sîngriat le sâng ringa a thata, zîng an hong thoiin chu hnuai chu mithi ruakin a sip tâka.

ISAIA 50:10

Nangni laia Rengpa chi ngai mi, A siahlo a thu irngaituahai ngai, vâr nei loiin inthima om ngai khom unglân, Rengpa irhming iam mai unglân, Pathiana khan irnghat roi.

DANIELA 2:47

Rêngin Daniela kuang khan, “Hi thilirthup ni inpuang theinaa hin, nin Pathian chu pathiante-hai Pathian, rênghai RENG, thilirthup inpuangtu a lei ini pial kêng a ini,” a tia.

DANIELA 3:25

Ama’n, “Irngai roi, mi minli anga meipui laia irvêlin na tuang viat loiin ki hmu, minlina inlang lam len vâng chu vântîrtôn hmêl irput angin a om,” a tia.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

DANIELA 6:16

Khanchu rêng khan thu a pêkhaia, Daniela chu an hong hruaia, kâmkeibaknei khura an paia. Rêngin Daniela kuang, “Ni Pathian a sin ni itho pe maipu khan nang saninzôk a ti,” a tia.

DANIELA 6:26

Ki ram op sûnga hin Daniela Pathian hi biakhai sian chi ri sehai, tiin thupêk ki siam. Ama chu Pathian hring a nia, a det kumkhuaa, a ram chu insiat thei ni no nia, a op khom a hek tenin op a ti.

MATHAIA 4:10

Jisua’n a kuang, “Setan, rot pat ro, ‘Rengpa ni Pathian chu chubai mûkin lân ama sin vai tho ro,’ ti irziak a ni,” a tia.

TÎRTÔNHAI SINTHO 4:19

Khannisianlân, Petera le Johana’n an kuang, “Pathian mithmua, Pathian thu zôm nêkin nangni thu zôm mo a idik ual, ngaitua roi.

TÎRTÔNHAI SINTHO 5:19

Khannisianlân, zâna Rengpa itîr vântîrtôn inkhatin intângna in mikot kha a hong inhonga, a hruai suakhaia, an kuang,

ROM KHUAA MIHAI KUANGA TÎRTÔN PAULA LEKHATHON 12:1

Khasikin urênghaio, Pathian lungkhamna sika hin irbôlna hring le irthiang le Pathian lôm inruk ni hrangin nin takpum kha inhlan hrangin nangni ki ngên a ni; khaang kha nin sintho hrang lam tak a ni.

1 KORINTH 13:3

Inrianghai infâna hrangin ki nei murdi pe vingin, ki takpum tena khom kâng hrangin irpe khom inlân, lungthungna ki nei no’n chu ki ta hrangin ite ar fêna om no ni.

FILIPI 1:20

Ki inuam tak le ki isabei ngit kha ite mualinphoi loia, hâitaka i zoroa khom, hi zoro ngêta khom hin, damin mo ithiin mo, ki taksa Krista chôiindôm hi a ni.

HEBRAI toc2 HEBRAI 1:14

Khante, vântîrtônhai hi imo an ni? Vântîrtônhai chu irtha Pathian sinthohai an nia, saninhringna hmu hranghai changpui hranga tîr suakhai an ni.

HEBRAI toc2 HEBRAI 11:37

Lunga dêngin an oma, bong hnia âtin an oma, khandaia thatin an oma, Belra vun le kêl vun silin an invâia; inriangin, intak takin le dengtheiin an oma.

1 PETERA toc2 1 PETERA 1:21

Ama zâra mithi lai ata kaithoitu le roiinpuina pêktu Pathian kha, nin iam tâka, khanchu Pathian kha nin iamna le sabeina nin irnghatna tak a hong ni ta.

THUPHUANG 12:11

Belrate thisen le thutak an inpuang sika khan inhnêna an changa, an hringna khom thi ngam rakin an phal sa.