DANIELA 3:17 - PATHIAN LEKHABU IRTHIANG C.L. Bible (BSI)

¹⁷ Kin Pathian a sin kin itho pe khan hâlirvômna meipui ata ni sansuak thei a ni, ni kut ata, o inlaltak ni sansuak ngêt a ti, an tia.

DANIELA 3:17 ပူးပေါင်းရင်းမြစ်များ

IRPHUTNA 17:1

Khan Abrama kha kum 99 mi a niin Rengpa chu a kuang an lâr pea, a iti chu, “Kei Pathian itinrêng thothei ki ni, ki kôla omin lân, satirkipin om mai roh.

IRPHUTNA 18:14

Rengpa hrangin thiltho hi a intak hrang mo a isôn? zoro’nkunga, a zoro a hong tung tika chu, ni kuang zuang nôk ki ta, Sari’n nâipasal nei a ti,” a tia.

JOBA 34:29

Ama lei dâihrek sianlân, Tu mo thiam lan changtir thei hrang? A hmêl a thup khomin tu mo hmu thei hrang? Nam le mimal ta hrang khomin hmunkhat a ni.

JOBA 5:19

Voiruk voisari khom buaina tokin lân, nang sansuak a ti, thil saloiin nang tôn thei no ni.

INPÂKNA HLAHAI 115:3

Kin Pathian chu irvâna a oma; A inuam nuam a isin a ni.

INPÂKNA HLAHAI 37:39

Aniachu mi felhai saninhringna chu Rengpa kuang ata a nia: Ama chu lunginzîng laia an kulpui a ni ngai.

INPÂKNA HLAHAI 37:40

Rengpa’n anni kha a changpuiin a saninzôk ngaia, Ama kuanga an iamna an irnghat sikin, Mi siahai ata kha a saninzôkin a saninhring ngai.

INPÂKNA HLAHAI 73:20

Zâna irmang khua a vâra a iboi ngai angin, O Rengpa, ni meng tikin anni chu irhmangtirhai ro.

ISAIA 12:2

Pathian chu a ni saninhringtu a ni, Ama iam ki ta, chi ta no ning. Rengpa ki Pathian chu, a nin hrâttu, ki hla a ni. A ni saninhringtu a ni.

ISAIA 54:14

Dikna sikin det ni ta, dengintheitirtuhai rot an ta, chi hrang nei no chi ni, chi omna lakin nang nâi ta no ni.

JEREMIA 1:8

Annihai khom chihai no ro, ni kuang om ki ta, nang hrung mai ki ti, keima, Rengpa’n ki iti tâk a ni,” a tia.

JEREMIA 15:20

Hi mihai makunga hin dârsen bang det khakin nang siam ki ta, nang irdoipui an ta chu, nang inhnê thei no nihai. Ni kuanga om ki ta, nang hrung hrangin nang inzôktirin om ni ti.

JEREMIA 15:21

Mi sualhai le nunterhai kut ata nang saninsua ki ti, keima Rengpa hin ki iti a ni,” tiin.

DANIELA 3:26

Khanchu, Nebukadnezara chu hâlirvômna meipui mikot bula a hong nâia, “Sadraka, Mesaka le Abednego, nangni anchungtak Pathian suakhaio, hong suak unglân, hin hong roi,” tiin a chongpuihaia. Khanchu Sadraka, Mesaka le Abednego chu meipui lai ata an hong suaka.

DANIELA 4:35

Khan irnêng luatu murdihai hi ite bêa bê loi a ni. Irvân sipai rualhai laia chu ama thutak a nia, tûte’n ama kut chu irngamtir thei ni ma, nangin te itin mo ni ti? ti lua irdon ngam mahai.

DANIELA 6:16

Khanchu rêng khan thu a pêkhaia, Daniela chu an hong hruaia, kâmkeibaknei khura an paia. Rêngin Daniela kuang, “Ni Pathian a sin ni itho pe maipu khan nang saninzôk a ti,” a tia.

DANIELA 6:23

Khanchu rêng kha a lôm tak taka, Daniela kha khur ata kêlsua hrangin thu a pêka, khanchu an lâksuaka, natna tuang viat loiin, Pathian a iamzoi sikin.

DANIELA 6:27

Ama’n a saninzôka, a saninhringa, irnêng le irvâna irsinsiana le thil irkhêl a tho theia; ama hi kâmkeibaknei sinthotheina ata Daniela sansuaktu chu a ni,’ tiin.

MIKA 7:7

Keima rêkin chu Rengpa tiang en ki ta; ki saninhringna Pathian kha nghâk ki ta; ki Pathian khan a ni irngaitua hrang a ni.

LUKA 1:37

Pathian hrangin chu tho theiloi ite zel om ma,” a tia.

TÎRTÔNHAI SINTHO 20:24

Pathian lungkhamna Thurchi Sa insîr hrang sintum Rengpa Jisua Krista’n a ni ipêk zoina hrangin chu ki hringna khom hi ite’n bê ma ung.

TÎRTÔNHAI SINTHO 21:13

Paula khan, “Imo nin itina, nin chap nin chapa, bei nin ni indongtira nin dôptir nin itum mo? Rengpa Jisua irhming sika khan Jerusalema khan khit vai mo ki’rhuama, thi khom ki irhuam kêng,” a tia.

ROM KHUAA MIHAI KUANGA TÎRTÔN PAULA LEKHATHON 8:31

Kha thua khan imo ei insîr hrang tâk? Pathian chu eini tiang a changin chu tu’n mo ni doi thei hrang?

2 KORINTH 1:10

Ama khan kha thina ichiom tak ata kha a ni saninhring tâka, ni la saninhring a ti; ni la saninhring nôk mai a ti, tiin kin tûngna amaa kin irnghata,

HEBRAI toc2 HEBRAI 7:25

Khasikin amaa Pathian kuanga honghai chu atûn le itiklai khomin a saninhring thei, anni ta hranga Pathian kuang ngên pe hrangin kumtuangin an hring mai sikin.

1 SAMUELA 17:37

Kâmkeibaknei le savomhai kut pâr ata ni sansuaktu Rengpa khan, kha Filistia mi kut ata kha ni sansuak ngêt a ti,” a tia. Khanchu Saula khan Davida kuang khan, “A sa fe ngânin lân, Rengpa khan nang ompui ri se,” a tia.

1 SAMUELA 17:46

A vuan hin Rengpa’n nangma hi ki kuta a ni ipêk hrang a ni; nang that ki ta, ni lu nang tan pe hrang ki ni. Filistia sipaihai ruak chu a vuan hin chung tianga vâhai le ramsahai ki infâktir hrang a ni. Kha zoiin chu irnêng chunga mi murdihai hin Israelhai laia hin Pathian a om iti inhre suak ta an ti.