DANIELA 2:45 - PATHIAN LEKHABU IRTHIANG C.L. Bible (BSI)

⁴⁵ Tâng tianga lung, kut ni loia tuk suakin, thîr, dâr, saihlûm, sumru, le rângachakhai a siata ni ihmu ang khan, Pathian roiinpuitak khan rêng makunga hin nakana thil hong om hrang chu inpuang a ni: khanchu irmang kha a tak ngêta, a hrilfiana khom a diktak a ni,” a tia.

DANIELA 2:45 ပူးပေါင်းရင်းမြစ်များ

IRPHUTNA 41:26

Sehrâtpui satak tak le marhai chu kum sari a nia; a vûi sari satak takhai khom kha kum sari a nia; khasikin ni’rmang hi hmunkhat a ni.

IRPHUTNA 41:28

Hi kêng hi Faroa kuanga ki ihril Pathianin a itho lat hrang hi Faroa a inhriattirna a ni.

IRPHUTNA 41:32

Khanchu Faroa irmang voihni a iphan nasan chu, a tak takin zoro sôtloitea a hong hrang sika a ni.

2 SAMUELA 7:22

Khasika khan O Rengpa Pathian nang chu ni iroiinpui a ni; nangma anga hi tûte zel om mahai. Nangma tih no chu Pathian dang zel om mahai ti ki inhriat mai ngai a ni.

1 THURCHI SUINA 16:25

Rengpa chu a roiinpui sikin, inpâk mai hrang a ni, pathian danghai nêkin inza hrang a ni.

NEHEMIA 4:14

Khan ki hong en vêla, ki thoia, mi sahai le roirêltuhai, mipui danghai laia, “Annihai so ite chihai viat no unglân, Rengpa roiinpuitak le ichiom tak chu inhre maiin, nin urênghai, nin nâihai nin dôngmahai, nin in inzôk tumin doihai roi,” ki tia.

NEHEMIA 9:32

Khasikin, kin Pathian, roiinpui, itinrêngthothei le ichiom, thuthung dêna lungkhamna inlangtu khan kin rênghai kin mi lianhai, kin ochaihai, kin deipuhai, kin pi le puhai le ni mihai murdi chunga Assuria rênghai inlal lai ata atûn tena dengtheina hong omhai hi a mai maiin insâp no’n lân.

JOBA 36:26

Irngai ro, Pathian chu roiinpuitak a ni, ei lei inhriat no khomin. A zoro sôt dân khom suisuak thei zât ni mah.

INPÂKNA HLAHAI 135:5

Rengpa chu roiinpui tak a ni ti le Ei Pathian chu pathian murdihai nêka anchungtak a nih ti kin hriat.

INPÂKNA HLAHAI 145:3

Rengpa chu a roiinpuia, roiinpui taka inpâk hrang a ni; A roiinpuizia chu suisuak zât ni mah.

INPÂKNA HLAHAI 2:9

Anni kha thîr khianghrolin inkhoi ni ta, Pil bêl angin anni kha khoi irnôitir chit ni ti,” a tia.

INPÂKNA HLAHAI 48:1

Rengpa chu a roiinpuia, a saterenga inpâk hrang a ni, Ei Pathian khopuia, a tâng irthianga khan.

INPÂKNA HLAHAI 96:4

Rengpa kha a roiinpuia, a satêna inpâk hrang a ni: Pathian murdi nêka chi rua a ni.

ISAIA 28:16

Khasikin, Rengpa Pathianin hiang hin a ti: “Irngai ro, Zion-a lung ki phûm ta, zôkna lung iamom tak chu, a kila lung poimo le hlutak chu ki phûm ta, a iam zoihai chu inhnîng no nihai.

DANIELA 2:24

Khanchu Daniela’n Babulon mi vârhai irhmangtir hranga rêngin a inkung Arioka kuang a fea, a kuang, “Babulon mi vârhai chu irhmangtirhai no ro: rêng kuang ni hruaiin lân, rêng kuang a hrilfiana inentir ki ti,” a va tia.

DANIELA 2:28

khannisian thil irthup inpuangtu Pathian chu irvâna a oma, rêng Nebukadnezara hi thil la hong om hrang a inhriattir nuam a ni hi te. Ni’rmang le ni zâlhmuna inlârna omzia chu hiang hin a ni.

DANIELA 2:29

O, inlaltak, ni zâlhmuna thil la hong om hranghai ni’rngaituaa, thil irthup inpuang ngaitu’n thil la om hranghai nang a inhriattir a ni.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 8:25

Khan a sintho dân sikin vâr irletna a kuta hlochuk a ta, a lungrîla irsong a ta, lungthia an om laiin tamtak insiat a ti: Rênghai rêng doi a ta, khannisian kut leh ni loiin inkhiakin om a ti.

HAGAIA 2:22

tâlihai le a chunga chuanghai kha irtettir ki ta, sakorhai le a chung chuanghai kha mi tin mâni urênghai khandaiin tûk an ti.

ZAKARIA 12:3

Khannisian kha zoro kha a hong tung tena chu, Jerusalem chu lungpui riktak angin siam ki ti, tu nam khomin indompai a tuma ni’n chu, ama chu innatirin om a ti. Rammuala nam tin sipaihai chu ama doi hrangin irzomkhôm an ti.

MALAKIA 1:11

Misa suakna ata a tâkna dên khomin, Jentailhai laia ki’rhming kha a roiinpuia, hmun tina ki’rhming hrangin mirimhoi inhlan a ni, thilinhlan irthiang le Jentailhai laia ki’rhming a roiinpuia, Sipaihai Rengpa’n a ti.

MATHAIA 21:24

Jisua’n a sâma, “Kei khomin nangni irdon ki ti, kha kha nin ni don theiin chu, kei khomin tu irchamin mo ki itho nangni hril ki ti.

MATHAIA 24:35

Irnêng le irvân boi a ta, ki thu chu boi no ni.

LUKA 17:20

Farisaihaiin Pathian Ram zuang tung hrang zoro an irdonin chu, Jisua’n an kuang, “Pathian Ram zuang tung chu mita hmu zât ni mah.

DÂN INHNINA 10:17

Rengpa nin Pathian hi pathianhai Pathian, rênghai Reng, Pathian roiinpui, sinthothei le ichiom tak kha a ni; tûte theibîk nei maka, inthêm inhnê thei lak ni ma.

THUPHUANG 1:19

Khasikin ni thil hmuhai, atûna omhai le hi inhnunga la hong om hranghai hi irziak roh.

THUPHUANG 19:17

Khan, misaa khin vântîrtôn ngîr ki hmua, vântîrtôn khan irvânlaizôla va vuang murdihai kuang hnukirhai inring takin a khêka, “Pathian hruaithe roiinpuitak irhîl hrangin hong irbûm roi!

THUPHUANG 4:1

Kha irzoiin chu inlârna dang ki hmua, ki hong ena, irvâna mikot irhong ki hmu. Khanchu, bekul irhai ang hnukirhai kin hriat masaa ni chongpuitu khan, “Hi hin hongin lân, inhnunga thil hong om hranghai nang inhmutir ki ti,” a tia.