DANIELA 2:37 - PATHIAN LEKHABU IRTHIANG C.L. Bible (BSI)

³⁷ O inlaltak, nang chu rênghai rêng, irvân Pathianin ramhai, sinthotheinahai, hrâtnahai, roiinpuinahai a ipêk chu ni ni;

DANIELA 2:37 ပူးပေါင်းရင်းမြစ်များ

1 RÊNGHAI 4:24

Solomona’n Eufrates tuipui nitâk tiang Tifsa khua ata Gaza dênin roi a rêla. A kôlvêla ram danghai leh khom an irngei a ni.

2 RÊNGHAI 25:28

A sate’n a chong a hoia, a rêngtoihmun chu rêng danghai nêkin a’rsângtir pea.

2 THURCHI SUINA 36:23

“Hi hi Persia rêng Kura thupêk chu a ni. Rengpa, irvân Pathianin rammual pumpuia roirêltu mi a siamhaia. Judai ram le Jerusalema hrang tempil sin hrangin a ni tia. Khasikin, Pathian mihaio, nin rêngin kha khan fe roi, nin Pathian Rengpa’n nangni ompui ri se,” tiin.

EZRA 1:2

“Persia rêng Kura’n hiang hin a ti, ‘Rammuala ram murdi chu Rengpa irvân Pathianin a ni pêk ta; khan Judai rama Jerusalema in sin hrangin thu a ni pêka.

EZRA 7:12

“Renghai rêng Artazerzia’n, ochai Ezra, irvân Pathian dân irziaktu chubai ki mûk.

INPÂKNA HLAHAI 62:11

Pathianin voikhat a hrila; E he! hi voihni kin hriat ta; Sinthotheina hi Pathian ta a nih ti hi:

THUVÂRHAI 8:15

Renghaiin roi an rêlna hrangin le hruaituhai dân sa an siam theina hrangin ki changpuihai ngai.

ISAIA 10:8

“Ki milian neihai hi rêng hmangrua an nia.

ISAIA 47:5

Nangni Kaldai nâinuhaio, dâihrekin inthim laia khan toi hluk ta roi. Nam tin nâinu nang vîk ta no nihai.

JEREMIA 28:14

Rengpa Itinrêng thothei, Israelhai Pathianin a iti a ni, ‘Hi nam tinhai chunga hin thîr ringkol ama’n inpêltirhai a ta, anni khan Babulon rama rêng Nebukadnezara sin tho an ti. Ramsahai ten khomin Nebukadnezara sin tho an ti,’ tiin Rengpa’n a iti a ni,” a tia.

JEREMIA 34:1

Babulon rama rêng Nebukadnezara le sipai pâl, a ihruaina ram rêng ram sûnga nam tin chi tinhaiin, Jerusalem le a kôlvêla khua an doi lai khan Rengpa’n a ni chongpuia,

EZEKIELA 26:7

Khan, Rengpa Pathianin hiang hin a tia, “Tura doi hrangin rênghai laia a roiinpui tak Babulon rêng Nebukadnezara chu zuang tuang ki ta, ama chu hmâr tiang ata sipai tamtakhai leh sakorhai tâli le sakor chung chuang mihai leh zuang an ti.

DANIELA 1:2

Khan Rengpa’n Juda rêng Jehoiakima chu a kuta a pêka; Pathian ina bungrua senkhathai le; khanchu ama khan Sinar rama Pathian ina a fepuia; bungruahai chu Pathian ina a hong siaa.

DANIELA 2:31

O, inlaltak, ni hong tanga, irngai ro, millim roiinpuitak a oma. Kha millim lianpa, irtêk dûra om kha, ni kôla a ngîra; an lang dân khom phûkinthing om tak a ni.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

DANIELA 4:19

Khanchu, Daniela, ar hming Beltesazzara chu chidêk dôkin, ar ngaituana a buaia; Rêngin a kuang, “Beltesazzara, irmang a hrilfiana’n mo nang a inbuai,” tiin a hrila. Beltesazzara’n, “Ki rêngpa irmang chu a en nuam loituhai hrang ni sian, a hrilfiana khom ni râlhai hrang ni sian.

DANIELA 4:22

o inlaltak, nangma ni nia; nir sôna, ni hrâta, ni roiinpuina chu a’rzata, irvân dênin, ni roirêlna chu kôlkil dên a nia.

DANIELA 4:25

Mihriam lai ata inhnotsuak ni ni ta, ni omna hrang chu ramsahai laia ni a ti, sehrât angin hloisûl fa ni ta, irvân irdo’n nang buak a ta, ni chunga zoro sari hek a ti; anchungtakpu’n mihriamhai inlalna ram chunga thu a neia, a inuam tak a pêk ngai a nih ti nin hriat mân chu.

DANIELA 4:3

A thil inentirnahai chu a roiinpuiin, a thil irkhêl tho khom a irkhêl ok a ni. A ram chu ramhlu a nia, a roirêlna chu irlo tin tina rêl a ti.

DANIELA 4:32

Mihriam lai ata inhnotsuak ni ni ta, ni omna hrang chu ramsahai laia nih a ti: sehrât angin hloisûl fa ta ni ta, ni chunga zoro sari hek a ti; anchungtak khan mihriamhai inlalna ram chunga thu a neia, a inuam takhai a pêk ngai a nih ti nin hriat mân chu” tiin.

DANIELA 4:34

Khan zoro hek tiang chu kei Nebukadnezara hin irvân tiang ki tanga, ki hor hriat suaka, anchungtakpu sat ki vura, a hring mai chu kin pâka, kin zaa. A roirêlna khom kumtuanga roirêl a nia: a ram khom rammuala irlo tamtaka om a ni sikin.

DANIELA 5:18

O inlaltak, ni pa Nebukadnezara chu inchungtak Pathian khan an laltira, an liantirin a sân a iroiinpuitir tak tak a ni;

DANIELA 7:14

Roirêlna hai, roiinpuina hai, le ram hai a kuang pêk a nia, mi tin, nam tin le chong tinhaiin a sin an thôna hrangin; a roirêlna chu roirêlna det hek nî nei loia, a ram khom irhmang loi hrang a nia.

HOSEA 8:10

A ni, nam danghai irhloppui khomsian, irkhôm ki ta, rêng le hruaitu hriak an ipol ngai kha inmongtir bak ki ti.

MATHAIA 6:13

Thêmnaa ni hruai inlût no’n lân, mi sualhai ata ni saninhring roh,’ tiin.

JOHANA 19:11

Jisua’n a sâma, “Chung tiang ata pêk ni ni no’n chu, ki chunga irchamneina rêng nei no chi ni, khasikin, ni kuanga ni pêktu khan sual a pêl intam ual a ni,” a tia.

THUPHUANG 1:5

Jisua Krista, inhriatpuitu iamom tak, thina irthoka thoinôk masa tak le rammual rênghai chunga roirêltu kuanga irthok ata, lungkhamna le irngeina kha nin ta ni ri se. Lung a ni thunga, a thina sikin ei sualhai ata a ni’rtansuaka,

THUPHUANG 17:14

Khanchu, Belrate kha doi an ta, khannisianlân, Belrate kha rênghai Reng, inlalhai Inlaltak a ni sikin anni kha inhnê a ta, a inhnêna kha a ikoihai, a inthanghai le iamoma ama zuituhai khomin dong sa an ti,” a tia.

THUPHUANG 19:16

A puan le a malpuia khan, “Renghai Reng le Hruaituhai Hruaitu,” tia irhming irziak a om.

THUPHUANG 4:11

“Kin Rengpa le Kin Pathian! Roiinpuina le chôiindômna, sinthotheina hai hmurua ni ni, Nangma’n thil tinrêng ni siama, Ni’rchama om le a hring an ni,” an tia.

THUPHUANG 5:12

Khahai khan hnukirhai inring takin, “Belrate that tâk hi, Sinthotheina hai, irchongna hai, vârna hai, hrâtna hai, chôiindômna hai, roiinpuina hai le inpâknahai hmurua a ni,” an tia.