DANIELA 2:35 - PATHIAN LEKHABU IRTHIANG C.L. Bible (BSI)

³⁵ Khanchu, thîrhai le pil, dâr, sumru le rângachakhai a rêngin a koidara, misa lum laia hruizôla bu’rsi angin an om tâka: phâivua’n a sêm indarhaia, an omna hmun inhriat thei ni ta ma: millim deltu lung chu tâng liantak a chang tâka, irnêng a sip zita.

DANIELA 2:35 ပူးပေါင်းရင်းမြစ်များ

JOBA 6:17

a lum tena chu ar hmang zôi ngai. An omna ata kha ar hmang zit ta.

INPÂKNA HLAHAI 103:16

Phâivua’n a sêma, a irhmang ngai a ni; A omna khan inhre nôk ta no ni.

INPÂKNA HLAHAI 22:27

Kôlkunga mi murdi khomin inhre nôk an ti, Rengpa tiang irhei ta an ta: Nam tin chi tin ni makunga kûn an ti.

INPÂKNA HLAHAI 37:10

Sôtnotea mi sia chu om ta no nia: A ni, a omna hmun chu en en khomin lân, om ta no ni.

INPÂKNA HLAHAI 37:36

Khannisianlân ki va fe nôkin chu, irngai ta, ama chu lei om ta maka, a ni, ki zonga, khannisianlân, hmuthei ni ta mah.

INPÂKNA HLAHAI 46:9

Ama’n chu irdoinahai kôlkung dênin an boitir ngaia; Thal ngul chu a khiaka, ufei chu a sât inbong ngaia; Tâlihai chu meia a rô irhmang ngai.

INPÂKNA HLAHAI 66:4

Irnêng lua murdihai hin chubai nang mûk an ta, Nang inpâkin zâi an ti. Ni’rhming inpâkin zâi an ti,” ti roi.

INPÂKNA HLAHAI 86:9

O Rengpa, ni isiam nam tinrênghai chu hong an ta, ni makunga hong kûn an ta; Ni’rhming chu hong chôiindôm an ti.

ISAIA 11:9

Ki tâng irthiangna tinrênga chu, tûte a na tuang ta no nihaia, an siat khom insiat no nihai; tuikhanglian tui a ibit angin Rengpa an inhriatna hin ram hi bit ta a ti.

ISAIA 8:9

Mihaio, inhre roi, irzal nin ti, ram hlataka omhaio, nin mikuar sung roi, a ni irsiam unglân, a sân chi roi.

DANIELA 2:44

Kha nia rênghai khan irvâna Pathianin ram zuan ding a ta, kha ram kha chu siat ta ngai no ni; an lalna khom mi danghai hrangin mâksan ni ta no ni; hi ram murdihai hi insiatin inhek zoi a ti, a ram chu kumtuangin inding mai ta a ti.

HOSEA 13:3

Khasikin, zînga sûmpui ang le irdo inrang taka boi nôk ngai anghai, hruizôla bu’rsi, kêllaiherin a isêm irhmang ang hai, meikhu suakna meikhu anghai ni an ti.

MIKA 4:13

O Zion nâinu, thoiin lân chîl roh: ni ke kha thîr angin siam ki ta, ni ke zapha hmorhai kha dâr angin ki isiam hrang a ni: khan, chi tamtakhai kha zêm phiar ni ti; an thil hlep Rengpa ta hrangin ser indang bîk ni ta, an sum kha irnêng pumpuia Rengpa ta hrangin ser indang ni ti.

ZAKARIA 12:3

Khannisian kha zoro kha a hong tung tena chu, Jerusalem chu lungpui riktak angin siam ki ti, tu nam khomin indompai a tuma ni’n chu, ama chu innatirin om a ti. Rammuala nam tin sipaihai chu ama doi hrangin irzomkhôm an ti.

1 KORINTH 15:25

Pathianin a râlhai an hnê zita, a ke bula a sia mâka chu Krista a inlal mai hrang a ni.

THUPHUANG 11:15

Khan, vântîrtôn sarina khan a bekul a hong tuma, “Rammual roirêlna chu ei Rengpa le Krista ta a hong ni tâk, ama’n kumtuangin roirêl a ti,” tiin irvâna hnukirhai inringtak takhai a hong oma.

THUPHUANG 12:8

khannisianlân, dragon kha inhnêpaiin a om tâka, ama le a tirtônhai kha irvâna om hrangin phal ni ta mahaia.

THUPHUANG 20:11

Khan, rêngtoihmun vâr lianpa le a chunga toitu kha ki hmua. A makung ata irnêng le irvân an rota an irhmang pat ta.