DANIELA 2:23 - PATHIAN LEKHABU IRTHIANG C.L. Bible (BSI)

²³ O, ki’rchihai Pathian, vârna le theina ni petu, ni kuanga kin izong nin hriattirtu chu, Lômthu hril pumin nang kin pâk: Rêng thil chu ni nin hriattir tâk sikin ti a hrila.

DANIELA 2:23 ပူးပေါင်းရင်းမြစ်များ

IRPHUTNA 18:17

Khan Rengpa’n, “Ki itho hrang hi Abrahama teh hril loiin mo om ning?

IRPHUTNA 31:42

Ka pa Pathian, Abrahama Pathian, Isaka Pathian ki kuang om no sianlân chu, kut koronga ni ni infetir hrang kêng a inih mo ni mah. Pathianin ki dengthei le ki dûktonghai hi a le’nhriat sikin, mizân khan chu nang a irchu a ni ta,” a tia.

1 RÊNGHAI 18:36

Khohloi irbôlna zoroa chu deipu Elija’n maichâm chu a hong nâia, a chongchaia, “O Rengpa Abrahama, Isaka le Jakoba Pathian, Israelhai Pathian ni ni le ni thupêkin hi thil ki ini le ni loi atûn hin târinlang roh.

1 RÊNGHAI 8:57

kin puhai lai ata a iompuihai angin, Rengpa ei Pathian chu ei kuang om mai ri se.

1 THURCHI SUINA 29:10

Khasikin, Davida’n Israel irbukhai laia Rengpa an pâka, “O Rengpa kin pu Israelhai Pathian, kumtuanga inpâk inruk ni ni.

1 THURCHI SUINA 29:13

Khasikin kin Pathian kuang lômthu kin hril, nir hming roiinpui kin inpâk a ni.

2 THURCHI SUINA 20:6

Inring takin a chongchaia, “O Rengpa, kin irchibulhaiin Pathian sinthothei tak ni ni, tûte chelthung thei ni mak che.

INPÂKNA HLAHAI 21:2

A milung nuamlam chu ni pêka, A hmûra a thil zong phal mak che.

INPÂKNA HLAHAI 21:4

Ama’n chu hringna nang a ngêna, ni lei pêka; kumkhontuanga dam maina chu.

INPÂKNA HLAHAI 25:14

Rengpa thu’rthup chu ama chituhai kuang om a ta, A thu’nkung chu anni kha inhretir a ti.

INPÂKNA HLAHAI 50:14

Pathian kuang lômthu insîr irbôlna kha inhlanin lân; Ni thu’nkung khom Anchungtaka kuang intung roh.

FESUAKNA 3:15

Khanchu Pathianin Mosia kuang khan, “Nangin Israel irchihai kuanga khan, Rengpa nin irchibulhai Pathian Abrahama Pathian, Isaka Pathian le Jakoba Pathianin nin laia hin a ni zuang itîr a ni, hi hi kumtuanga ki’rhming hrang chu a ni, nin irchihai tenin nin nin hriat mai hrang a ni ti roh.

THUVÂRHAI 21:22

Hruaitu vârin chu mi hrâthai khopui a lâka, an kulbang irnghatna khom an simtir ngai.

THUVÂRHAI 24:5

Inhriatna nêkin vârna a sa uala; a ni, hrâtna nêkin khom inhriatna a poimo ual.

THUVÂRHAI 8:14

Thil hi ki ngaituaa, ki ngaitua suak ngai. Inhriat thiamna ki neia, hrât tak chu ki ni.

THUHRILTU 7:19

Khopui sûnga roirêltu sômhai nêk khomin vârnain mi vâr chu an hrâttir ual ngai.

THUHRILTU 9:16

Mi inriang vârna chu hmumâka omin, a chonghai irngaisak ni no khom sianlân, keiin chu “Hrâtna nêkin vârna hi a sa ual,” ki iti tâk a ni.

THUHRILTU 9:18

Vârna chu irdoina râltukfam nêkin a sa uala; khannisian, mi sual inkhatin thil sa tamtak an siattir thei.

ISAIA 12:1

Kha ni tena chu hiang hin ti ni ti: “O Rengpa, nang kin pâk, ki chunga hin ni ning an mura, Khannisian ni ningmur insum mak chea, Irtharngam ni ni saka.

JEREMIA 33:3

“Ni koiin lân, nang sâm ki ti; ni inhriat ngai loi thil roiinpui le irthup tak nang inhril ki ti.

DANIELA 1:17

Khanchu hi ruatharte minlihai hin theina le vârna murdi le inhriatna le bengvârna, Pathianin a pêkhaia. Daniela’n inlârna le irmang murdi omzia an hriat thei tâka.

DANIELA 2:18

Babulon mi vâr danghai laia Daniela le a rualhai an irhmang loina hrangin hi thu’rthup chungchânga hin irvân Pathian kuang lungkhamna an zonga.

AMOSA 3:7

Dik takin Rengpa pathian khan a sinthotu, a deipuhai kuang a thu’rthup hril loiin ite tho no ni.

MATHAIA 11:25

Kha laia khan Jisua’n “Ka Pa, irvân le irnêng Rengpa! Mi vâr, mi thiamhai laia ni iip kha mi inmôlhai laia nin puang sikin, lômthu kin sîr a ni.

LUKA 10:21

Kha laia khan Jisua kha Irtha Irthiangin raifânin a sipa, “Ka pa, irnêng irvân Rengpa, mi thiamhai laia ni thup khaka, mi’nmôlhai kuang nin puang ngai sikin lômthu kin sir; A ni, ka pa, khaang kha ni lungdo le ni nuamlam tak a ni.

JOHANA 11:41

Khanchu lung kha an khâipai tâka, Jisua kha a tanga, “Ka Pa, ki thu nir ngaitua sikin lômthu kin sîr.

JOHANA 15:15

Suak nangni ti ta no ninga; suakin chu a pu sintho inhre maka; rualhai nangni ti ta ki ti; ka Pa kuang ata thil ki inhriat murdi nangni kin hriatir tâk sikin.

THUPHUANG 1:1

Hi lekhabu hi Jisua Krista thuphuang, Pathianin a suakhai inhriat hranga a ipêk, thil hong tung zôi hrang thu kha a ni; kha thu kha vântîrtôn zuang tîrin a suak Johana kuang a zuang inhriattira,

THUPHUANG 5:5

Khanchu, upahai laia inkhatin ki kuang, “Chap no roh. Irngai ta! Juda nama mi Kâmkeibaknei, Davida bulpui khan, a’rsinsiana sari kha inhonga, lekhabu irzuat kha phar hrangin an hnê ta,” a tia.