DANIELA 2:21 - PATHIAN LEKHABU IRTHIANG C.L. Bible (BSI)

²¹ Hunbihai le zorohai an danglam theia: rênghai a sonpai theia, rênghai an dettir thei: Mi vârhai kuang vârna a pêka; an hretheitu kuang inhriat theina a pêka.

DANIELA 2:21 ပူးပေါင်းရင်းမြစ်များ

1 RÊNGHAI 10:24

Pathianin a kuang vârna a ipêk kha irchu hrangin ram tina mihaiin an hong ipan ngai a ni.

1 RÊNGHAI 3:28

Israel mi murdi’n rêng thurêl kha an inhriatin chu a sân an inzâ ual uala, Pathianin roirêl theina dik tak a pêk ti an inhriat suak a ni.

1 RÊNGHAI 4:29

Pathianin Solomona chu vârna le inhriatna inthûk tak a pêka, lungrîl ngaituana irzat suisuak phâk loi rak a pêka.

1 THURCHI SUINA 22:12

Vârna le hmangrua inhriat theina nang pe sianlân, Israel mihai chu Rengpa ni Pathian dân hrangin roirêl pehai thei ni ti.

1 THURCHI SUINA 29:30

A roirêl dânhai, a sinthothei lamhai, a chunga thil tunghai, Israel le a kôlvêl ram chunga thil tunghai an irziak ving a ni.

ESTHERI 1:13

Renghaiin dân le an fepui hrang lam chungchânga dân inhriat mihai an irdon infel ngai. Khasikin, rêng Ahasuera khomin dân inhriat mi a koihaia.

JOBA 12:18

Rênghai irkhitna chu a sûtpaia, an konghai chu kong khitin a khit pehai,

FESUAKNA 31:3

kut sinthei le irfûktir theina, thil i ang khom siam hranga kutsintheina nei hrangin ama kha ki sin theina hrangin ki insiptir a ni ta.

FESUAKNA 31:6

Ama changpui hrangin Dan nama mi Ahisamaka nâipa Oholiaba ki inthang sa a ni ta. Kut sinthei dang khom, sin hranga thu ki ipêk murdi siam theina ki ipêk sa a ni ta.

DANIELA 1:17

Khanchu hi ruatharte minlihai hin theina le vârna murdi le inhriatna le bengvârna, Pathianin a pêkhaia. Daniela’n inlârna le irmang murdi omzia an hriat thei tâka.

DANIELA 10:1

Persia rêng Kura kum thumna khan, Daniela, ar hming Beltesazzara an iti kuang khan thil a hon langa; kha thil kha a dik a ni, irdoina roiinpuitak a ni: khanchu thil kha an hriat theia, inlârna inhriat theina a neia.

DANIELA 11:6

Kum hek tiang chu irzom nôk an ta, sim tianga rêng nâinu chu hmâr tianga rêng kuang irngeina siam hrangin zuang a ti, khannisian hrâtna chu nei insôt no ni; a hnông khom hnông ual no nia, a hrâtna khom rêng nâinu pêk ni a ta, a hong hruaihai le ama inhrâttirtu le.

DANIELA 2:20

Daniela’n, Pathian irhming chu kumtuang dênin inpâkin om ri se: Vârna le sinthotheina khom a ta a ni sikin.

DANIELA 2:23

O, ki’rchihai Pathian, vârna le theina ni petu, ni kuanga kin izong nin hriattirtu chu, Lômthu hril pumin nang kin pâk: Rêng thil chu ni nin hriattir tâk sikin ti a hrila.

DANIELA 2:9

keima ata chu thu a suak tâk khom nin inhriat, keima ata irmang khan nin inlang loina hrang dân inkhat vai a om; minlak hrila, ki kuanga hril hrang minlak le thu chanlamboi nin isin a ni; khasikin irmang kha ni hril roi, khanchu a hrilfiana khom nin entir thei nin tih ti inhria ki ti,” a tia.

DANIELA 4:14

inring takin, “Thing chu tukin lân, a ônhai irhlei ro, a hna insil haiin lân, a rahai dêng zuan ro: a hnuaia ramsahai khom irzûlhaiin lân; a ônhaia vatehai khom vuanghai sian.

DANIELA 4:17

Hi thu hlu hi a entuhai thu a nia, thil inphût hi mi irthianghai thua tho a nia, anchungtakpu’n mihriamhai inlalna rama hin thu a neia, a inuam takhai a pêka, mi irhnuai takhai khom an luatirhai ngai a nih ti mihriamin an inhriatna hrangin,” tia khêkin.

DANIELA 4:22

o inlaltak, nangma ni nia; nir sôna, ni hrâta, ni roiinpuina chu a’rzata, irvân dênin, ni roirêlna chu kôlkil dên a nia.

DANIELA 4:32

Mihriam lai ata inhnotsuak ni ni ta, ni omna hrang chu ramsahai laia nih a ti: sehrât angin hloisûl fa ta ni ta, ni chunga zoro sari hek a ti; anchungtak khan mihriamhai inlalna ram chunga thu a neia, a inuam takhai a pêk ngai a nih ti nin hriat mân chu” tiin.

DANIELA 7:25

Inchungtakpu doiin thu hril a ta, inchungtaka mi irthiang irzaltir a ta, hun le dânhai indanglam tum a ti, kum thum le a chimrip chu a kuta pêk ni a ti.

LUKA 21:15

Nin irdoipuihai murdi’n nangni an sêl thei nona hrangin vârna le mi sâm theina nangni pêk ki ti.

ROM KHUAA MIHAI KUANGA TÎRTÔN PAULA LEKHATHON 13:1

Mi tinin an chunga roirêltuhai thu an izôm hrang a ni. Pathian inkung ni loiin roirêltu om thei mahai; atûna roirêltuhai khom hi Pathian inkung kêng an ini.

1 KORINTH 1:30

Nangni chu, Krista Jisuaa khan nin om tâka; ama chu Pathian kuang ata, eini ta hrangin chu vârna hai, thiam inchangtirna hai, irthiangna hai le irtanna hai a lei ni tâka.

JAKOBA toc2 JAKOBA 1:17

Thilpêk sa le thilpêk irkip chu irvâna irthoka danglamna le irthûlna nei viat ngailoi Pathian, irvâna vâr Siamtu kuanga irthoka zuang chum ngai a ni.

JAKOBA toc2 JAKOBA 1:5

Nin laia tukhomin vârna ar samin chu mi murdi kuanga inhnar loia phal taka pe ngaitu Pathian kuang ngên ri se, pêk ni a ti.

THUPHUANG 19:16

A puan le a malpuia khan, “Renghai Reng le Hruaituhai Hruaitu,” tia irhming irziak a om.