DANIELA 2:18 - PATHIAN LEKHABU IRTHIANG C.L. Bible (BSI)

¹⁸ Babulon mi vâr danghai laia Daniela le a rualhai an irhmang loina hrangin hi thu’rthup chungchânga hin irvân Pathian kuang lungkhamna an zonga.

DANIELA 2:18 ပူးပေါင်းရင်းမြစ်များ

IRPHUTNA 18:28

mi fel chu ringa irsamin sômringa an kâi no khomin ni ithathai hrang mo?” a ti nôka. Khan Rengpa’n “Sôm minli ringa ki hmu’n chu thathai no ning,” a tia.

INPÂKNA HLAHAI 136:26

O irvân Pathian kuang khan lômthu hril roi; A lungkham lianna chu kumkhua’n om a ti.

INPÂKNA HLAHAI 50:15

Khan, lungzîng nia chu ni koiin lân; Nang saninzôk ki ti, khanchu nangin ni ni ichôiindôm hrang a ni,” a tia.

INPÂKNA HLAHAI 91:15

Ama khan ni koi a ta, khanchu sâm ki ti; Kei chu a lunginzîng lai khan a kuang om ki ta: Ama ki saninzôkin chôiindôm ki ti.

ISAIA 37:4

Pathian hring hrilinsiat hranga Assuria mi tîr Rab-sakea thuhril kha Rengpa ni Pathianin a len hriatsuak ta. Rengpa ni Pathianin an sîrtuhai kha soisak sian chu. Kin mihriam a dama la omhai hrangin chongchai ro, nang a ti,” an va tia.

JEREMIA 33:3

“Ni koiin lân, nang sâm ki ti; ni inhriat ngai loi thil roiinpui le irthup tak nang inhril ki ti.

EZEKIELA 36:37

Khan Rengpa Pathianin hiang hin a hrila, “Israelhai chu ki kuanga changpuina zong hrangin voikhat chu siamhai nôk ki ta, khanchu belra pâlhai angin inpungtirhai ki ti.

DANIELA 2:23

O, ki’rchihai Pathian, vârna le theina ni petu, ni kuanga kin izong nin hriattirtu chu, Lômthu hril pumin nang kin pâk: Rêng thil chu ni nin hriattir tâk sikin ti a hrila.

DANIELA 3:17

Kin Pathian a sin kin itho pe khan hâlirvômna meipui ata ni sansuak thei a ni, ni kut ata, o inlaltak ni sansuak ngêt a ti, an tia.

DANIELA 4:26

Khanchu a sûngril hoi hranga thu a ipêk ang khan irvâna thu a nei ti nin hriat hnung le chu ni ram chu ni ta ni mai a ti.

JONA 1:9

Ama khan an kuang, “Hebrai mi ki nia; tuikhanglian le rammual siamtu Rengpa, irvân Pathian kha ki chi”, a tia.

MALAKIA 3:18

Khanchu hong irhei kîr nin ta, mi fel le mi sia, Pathian sinthotu le tholoitu kha theithâk thei ta nin ti,” a tia.

MATHAIA 18:12

“Mi inkhatin belra irzakhat a neia an laia inkhat irhmang sian, itin mo tho le nin irhoitir? Sômkuak kuakhai kha mâkin, fe a ta, ar hmangtu kha a va izong loi hrang ma ni?

MATHAIA 18:19

Thudik nangni ki hril; irnêng chunga hin nin laia mi inhni inruala i thua khom an chongchaiin chu ka Pa irvâna mi’n tho pe a ti.

TÎRTÔNHAI SINTHO 12:4

Petera chu a chela, intângna ina a khuma, sipai pâl minli, minli lia irsanin an entirhaia. Ferkân kût zoia mipui matona hruai suak a itum a ni.

ROM KHUAA MIHAI KUANGA TÎRTÔN PAULA LEKHATHON 15:30

Urênghaio, ei Rengpa Jisua Krista le Irtha Irthiang zâra lungirthungna’n Pathian kuang ni chongchaipui ngut ngut hrangin nangni ki ngên a ni.

2 PETERA toc2 2 PETERA 2:9

Rengpa khan ama chituhai chu tuangna ata sansuak lam le roirêl Ni a zuang tung mâna khom mi sual hrem lam an hriat;

1 SAMUELA 17:37

Kâmkeibaknei le savomhai kut pâr ata ni sansuaktu Rengpa khan, kha Filistia mi kut ata kha ni sansuak ngêt a ti,” a tia. Khanchu Saula khan Davida kuang khan, “A sa fe ngânin lân, Rengpa khan nang ompui ri se,” a tia.